مۇسانىڭ 4-جازباسى
32 رۋبەن+ مەن عاد رۋلارىنىڭ+ مالى اسا كوپ بولاتىن. ولار جازەر+ مەن عالاقات ٶڭىرىنىڭ جايىلىمعا جاقسى ەكەنىن بايقادى. 2 سوندىقتان ولار مۇسانىڭ، ٴدىني قىزمەتكەر ەلازار مەن قاۋىم باسشىلارىنىڭ الدىنا كەلىپ: 3 «اتاروت، ديبون، جازەر، نيمرا، حەشبون+، ەلالەح، سەبام، نەبو+ جانە بەعون+ جەرلەرى، 4 ياعني ەحوبا يسرايل قاۋىمىنا باعىندىرعان ولكە+، جايىلىمعا جاقسى ەكەن. ال قىزمەتشىلەرىڭىزدىڭ مالى كوپ ەدى+»،— دەدى. 5 سوسىن: «ەگەر كوڭىلىڭىزدەن شىققان بولساق، وسى جەردى قىزمەتشىلەرىڭىزدىڭ يەلىگىنە بەرسەڭىز ەكەن. ٴبىز يورداننىڭ ارعى بەتىنە وتپەي-اق قويايىق»،— دەدى.
6 سوندا مۇسا عاد پەن رۋبەن ۇرپاقتارىنا بىلاي دەدى: «يسرايلدىك باۋىرلارىڭ سوعىسۋعا بارا جاتقاندا، سەندەر وسىندا قالماقسىڭدار ما؟ 7 نەگە يسرايل حالقىنىڭ جىگەرىن جاسىتىپ، ولاردى ەحوبا بەرگەلى جاتقان جەرگە بارۋدان اينىتاسىڭدار؟ 8 اكەلەرىڭدى قادەش-بارنيدان جەر بارلاۋعا جىبەرگەنىمدە، ولار دا وسىلاي ەتكەن ەدى+. 9 ەشقول اڭعارىنا+ دەيىن بارىپ، سول جەردى كورىپ كەلگەننەن كەيىن، ولار يسرايل حالقىنىڭ جىگەرىن جاسىتىپ، ەحوبا بەرگەلى جاتقان جەرگە بارۋدان اينىتقان بولاتىن+. 10 سول كۇنى قاتتى اشۋلانعان ەحوبا انت ەتىپ+: 11 —مىسىردان شىققان حالىقتىڭ ىشىندەگى جاسى جيىرماعا تولعان جانە ودان اسقانداردىڭ ەشقايسىسى ىبىرايىمعا، ىسقاققا جانە جاقىپقا+ ۋادە ەتكەن جەرىمدى كورمەيدى+، ويتكەنى ولار ماعان تولىقتاي مويىنسۇنبادى. 12 ول جەردى تەك كەنازدىق ەپۋنەح ۇلى حالەپ+ پەن نۇن ۇلى ەشۋا+ عانا كورەدى، سەبەبى ولار ەحوباعا تولىقتاي مويىنسۇندى+،— دەدى. 13 سودان ەحوبا يسرايلگە قاھارلانىپ، ولاردى 40 جىل بويى+، ەحوبانىڭ الدىندا زۇلىمدىق جاساعانداردىڭ كوزى تۇگەل قۇرىپ كەتپەيىنشە+، ٴشول دالادا قاڭعىرتىپ قويدى. 14 ەندى كەلىپ سەندەر، كۇناكارلاردىڭ تۇقىمى، اكەلەرىڭنىڭ ورنىن باسىپ، ەحوبانىڭ يسرايلگە دەگەن اشۋىن ودان بەتەر ورشىتپەكسىڭدەر. 15 ەگەر وعان مويىنسۇنباساڭدار، ول مىنا جۇرتتى تاعى دا ٴشول دالادا قالدىرادى. وسىلاي سەندەر كۇللى حالىقتىڭ تۇبىنە جەتەسىڭدەر».
16 كەيىنىرەك ولار مۇساعا تاعى كەلىپ، بىلاي دەدى: «وسى جەردە مالىمىزعا تاستان قورا تۇرعىزىپ، بالا-شاعامىزعا قالا سالىپ بەرەيىك. 17 بالالارىمىزدى وسى ەلدىڭ تۇرعىندارى قاۋىپ توندىرمەيتىن بەكىنىستى قالالاردا قالدىرايىق. ال ٶزىمىز قارۋلانىپ+، يسرايلدىكتەردى جاڭا مەكەندەرىنە جەتكىزبەيىنشە، الدارىندا ٴجۇرىپ وتىرايىق. 18 ٵربىر يسرايلدىك يەلىككە جەر المايىنشا، ٴبىز ۇيىمىزگە قايتپايمىز+. 19 بىزگە جەر يورداننىڭ وسى شىعىس جاعىنان تيەتىن بولعاندىقتان+، وزەننىڭ ارعى بەتىنەن ولارمەن بىرگە جەر المايمىز».
20 سوندا مۇسا بىلاي دەپ جاۋاپ قاتتى: «ەگەر وسى ايتقاندارىڭدى ورىنداپ، ەحوبانىڭ الدىندا شايقاسقا دايىن بولساڭدار+، 21 قارۋلانعان ٴارقايسىسىڭ يورداننىڭ ارعى بەتىنە ٶتىپ، ەحوبا جاۋلارىن قۋىپ شىقپايىنشا سوعىساتىن بولساڭدار+، 22 سونداي-اق بۇكىل ولكەنى ەحوبانىڭ الدىندا باعىندىرعان سوڭ+ عانا كەرى ورالساڭدار+، ەحوبا مەن يسرايلدىڭ الدىندا ايىپتى بولمايسىڭدار. سوندا وسى جەر ەحوبانىڭ قولداۋىمەن سەندەردىڭ يەلىكتەرىڭە تيەدى+. 23 ەگەر ايتقاندارىڭدى ورىنداماساڭدار، ەحوباعا قارسى كۇنا جاسايسىڭدار. ٴبىلىپ قويىڭدار، وندا كۇنالارىڭنىڭ زاردابىنان قاشىپ قۇتىلمايسىڭدار. 24 ال ەندى بالالارىڭا قالالار، مالدارىڭا قورالار سالا بەرىڭدەر+، ٴبىراق ايتقان سوزدەرىڭدە تۇراتىن بولىڭدار».
25 سول كەزدە عاد پەن رۋبەن ۇرپاقتارى مۇساعا: «مىرزا، قالاي بۇيىرساڭىز، قىزمەتشىلەرىڭىز سولاي ىستەيدى. 26 بالا-شاعامىز، ايەلدەرىمىز بەن بارلىق مالىمىز وسىندا، عالاقات قالالارىندا، قالادى+. 27 ال قىزمەتشىلەرىڭىزدىڭ ٴبارى، مىرزامىز ايتقانداي، قارۋلانىپ ارعى بەتكە ٶتىپ، ەحوبانىڭ الدىندا سوعىسادى+»،— دەدى.
28 سوندا مۇسا ولارعا قاتىستى بۇيرىق بەرىپ، ٴدىني قىزمەتكەر ەلازارعا، نۇن ۇلى ەشۋا مەن يسرايل رۋلارىنىڭ اۋلەتباسىلارىنا بىلاي دەدى: 29 «ەگەر عاد پەن رۋبەن ۇرپاقتارى تۇگەل قارۋلانىپ، ەحوبانىڭ الدىندا سوعىسۋ ٷشىن ٵربىر ەر كىسى سەندەرمەن بىرگە يورداننان وتسە، وندا بۇكىل ولكەنى وزدەرىڭە باعىندىرىپ العان سوڭ، عالاقات جەرىن سولاردىڭ يەلىگىنە بەرىڭدەر+. 30 ال وزدەرىڭمەن بىرگە ارعى بەتكە قارۋلانىپ وتپەسە، وندا ولار قاناحان جەرىندە سەندەردىڭ ارالارىڭدا قونىس تەپسىن».
31 بۇعان عاد پەن رۋبەن ۇرپاقتارى: «ەحوبا قىزمەتشىلەرىڭىزگە نە ايتسا، سونى ىستەيدى. 32 ٴبىز قارۋلانىپ، ەحوبانىڭ الدىندا قاناحان جەرىنە وتەمىز+. ٴبىراق الاتىن ۇلەسىمىز يورداننىڭ وسى جاعىندا بولسىن»،— دەپ جاۋاپ قايىردى. 33 سوندا مۇسا ولارعا — عاد پەن رۋبەن رۋلارىنا+، ٴجۇسىپ ۇلى ماناسادان تاراعان رۋدىڭ جارتىسىنا+ — امورلىقتاردىڭ پاتشاسى سيحوننىڭ+ جانە باشان پاتشاسى وگتىڭ قول استىنداعى جەردى+، ونداعى قالالار مەن ولارعا قاراستى جەرلەردى بەردى.
34 عاد رۋى ديبون+، اتاروت+، اروگەر+، 35 اتروت-شوفان، جازەر+، جوحپەحا+، 36 بەت-نيمرا+، بەت-حاران+ دەگەن بەكىنىستى قالالاردى سوقتى، سونداي-اق تاستان قورالار سالدى. 37 ال رۋبەن رۋى حەشبون+، ەلالەح+، كيرياتايىم+، 38 نەبو+، باعال-مەعون+ (بۇلاردىڭ اتتارى وزگەردى)، سونداي-اق سيبما قالالارىن قايتا سوقتى. ولار قايتا سوققان قالالارىنىڭ بارىنە جاڭادان ات قويدى.
39 ماناسادان تاراعان ماحير اۋلەتى+ عالاقاتقا اتتانىپ، ونى جاۋلاپ الدى دا، سول جەردە تۇرىپ جاتقان امورلىقتاردى قۋىپ شىقتى. 40 مۇسا عالاقاتتى ماناسادان تاراعان ماحير اۋلەتىنە بەردى. ولار سول جەرگە قونىستاندى+. 41 ال ماناسادان تاراعان جايىر اۋلەتى عالاقات ولكەسىندەگى شاتىرلى اۋىلداردى باسىپ الىپ، ولاردى حاۋوت-جايىر* دەپ اتادى+. 42 نوباح بولسا كەنات پەن وعان قاراستى* قالاشىقتاردى باسىپ الدى دا، ونى نوباح دەپ ٶزىنىڭ اتىمەن اتادى.