جوحان
4 يەمىز يسا ٶزىنىڭ جاقيادان گورى كوبىرەك شاكىرت دايىنداپ، شومىلدىرۋ راسىمىنەن وتكىزىپ جاتقانى+ تۋرالى پارىزشىلدارعا جەتكەنىن ٴبىلدى. 2 (شىن مانىندە، بۇل ٴراسىمدى جاساپ جۇرگەن يسانىڭ ٶزى ەمەس، شاكىرتتەرى بولاتىن.) 3 سوندىقتان ول ياھۋدەيا ايماعىنان قايتادان عاليلەياعا جول تارتتى. 4 ٴبىراق وعان ساماريا ارقىلى جۇرۋگە تۋرا كەلدى. 5 سودان ول جول-جونەكەي سامارياداعى سيحار دەگەن قالاعا كەلدى. بۇل قالا جاقىپتىڭ ٶز ۇلى جۇسىپكە بەرگەن تانابىنا جاقىن ورنالاسقان+. 6 سول جەردە «جاقىپ قۇدىعى» بار ەدى+. جولدان شارشاعان يسا قۇدىق باسىنا وتىرا كەتتى. بۇل شامامەن التىنشى ساعات* بولاتىن.
7 وسى جەرگە ساماريالىق ٴبىر ايەل سۋ الۋعا كەلدى. يسا وعان: «ماعان ىشەتىن سۋ بەرشى»،— دەدى. 8 (ال شاكىرتتەرى قالاعا تاماق ساتىپ الۋعا كەتكەن ەدى.) 9 ايەل: «ياھۋدي بولا تۇرا، قالايشا مەنەن، ساماريالىق ايەلدەن، سۋ سۇرايسىز؟»— دەدى. (سەبەبى ياھۋديلەر ساماريالىقتارمەن ارالاسپايتىن+.) 10 سوندا يسا: «ەگەر قۇدايدىڭ وزىڭە بەرەتىن سيىن+ جانە «ىشەتىن سۋ بەرشى» دەگەننىڭ كىم ەكەنىن بىلسەڭ، ودان ٶزىڭ سۇرار ەدىڭ، ال ول ساعان ٶمىر سۋىن بەرەر ەدى+»،— دەپ جاۋاپ بەردى. 11 ايەل: «مىرزا، سۋ الاتىن شەلەگىڭىز دە جوق، ال قۇدىق تەرەڭ. وندا سول ٶمىر سۋىن قايدان الاسىز؟ 12 ٴسىز بىزگە وسى قۇدىقتى قالدىرعان جانە ٶزى دە، بالالارى دا، مالى دا ودان سۋ ىشكەن بابامىز جاقىپتان دا زورسىز با؟»— دەدى. 13 بۇعان يسا بىلاي جاۋاپ قاتتى: «مىنا سۋدان ىشكەن ادام تاعى شولدەيدى. 14 ال مەن بەرەتىن سۋدان ىشكەن ادام ەشقاشان شولدەمەيدى+. بۇل سۋ ونىڭ ىشىندە ماڭگىلىك ٶمىر بەرەتىن بۇرقىلداپ جاتقان بۇلاققا اينالادى+». 15 سوندا ايەل: «مىرزا، بۇدان بىلاي ەشقاشان شولدەمەۋىم ٷشىن جانە سۋ الۋعا وسىندا كەلە بەرمەۋىم ٷشىن ماعان سول سۋدان بەرىڭىزشى»،— دەدى.
16 يسا وعان: «بارىپ، كۇيەۋىڭدى شاقىرىپ كەل»،— دەدى. 17 ول: «كۇيەۋىم جوق»،— دەگەندە، يسا: «سەن كۇيەۋىم جوق دەپ دۇرىس ايتتىڭ. 18 بەس كۇيەۋىڭ بولعان، ال قازىر بىرگە تۇرىپ جاتقانىڭ — كۇيەۋىڭ ەمەس. سەن شىنىڭدى ايتتىڭ»،— دەدى. 19 سوندا ايەل: «مىرزا، ٴسىز پايعامبار ەكەنسىز+! 20 ٴبىزدىڭ اتا-بابامىز قۇدايعا مىنا تاۋدا عيبادات ەتكەن، ال سىزدەر عيبادات ەتەتىن ورىن يەرۋساليمدە بولۋى ٴتيىس دەيسىزدەر+»،— دەدى. 21 يسا مىنانى ايتتى: «ايتقانىما سەن، ادامدار اكەگە وسى تاۋدا دا، يەرۋساليمدە دە عيبادات ەتپەيتىن ۋاقىت كەلە جاتىر. 22 سەندەر بىلمەستىكپەن عيبادات ەتىپ جۇرسىڭدەر+، ال ٴبىزدىڭ عيباداتىمىز بىلىمگە نەگىزدەلگەن، ويتكەنى قۇداي قۇتقارىلۋ تۋرالى ٴبىلىمدى الدىمەن ياھۋديلەرگە اشقان+. 23 شىنايى عيبادات ەتۋشىلەر اكەگە كيەلى رۋحقا جانە شىندىققا ساي عيبادات ەتەتىن ۋاقىت كەلە جاتىر، ٴتىپتى كەلىپ تە قويدى. قۇداي وزىنە وسىلاي عيبادات ەتكىسى كەلەتىندەردى ىزدەۋدە+. 24 قۇداي — رۋحاني تۇلعا*+. سوندىقتان وعان عيبادات ەتەتىندەر كيەلى رۋحقا جانە شىندىققا ساي عيبادات ەتۋى ٴتيىس+». 25 سوندا ايەل: «ٴماسىح دەپ اتالاتىن قۇتقارۋشىنىڭ كەلەتىنىن بىلەمىن. ول كەلگەندە، بىزگە ٴبارىن اشىق ايتادى»،— دەدى. 26 يسا: «سەنىمەن سويلەسىپ تۇرعان مەن — سونىڭ ٶزىمىن»،— دەپ جاۋاپ قاتتى+.
27 وسى كەزدە شاكىرتتەرى قايتىپ كەلىپ، ونىڭ ايەلمەن سويلەسىپ جاتقانىنا تاڭعالدى. ايتسە دە ەشقايسىسى «سىزگە نە قاجەت بولدى؟»، «ونىمەن نەگە سويلەسەسىز؟» دەمەدى. 28 ال ايەل قۇمىراسىن قالدىرىپ، قالاعا باردى دا، ادامدارعا: 29 «جۇرىڭدەر، مەنىڭ ىستەرىمنىڭ ٴبارىن ٴدال ايتىپ بەرگەن كىسىنى كورىڭدەر! ول ٴماسىح ەمەس پە ەكەن؟»— دەدى. 30 ولار قالادان شىعىپ، يساعا قاراي بەت الدى.
31 وسى ەكى ارادا شاكىرتتەرى: «ۇستاز+، تاماق جەپ الساڭىزشى»،— دەپ ٶتىندى. 32 ٴبىراق يسا: «مەنىڭ سەندەر بىلمەيتىن تاماعىم بار»،— دەدى. 33 سوندا شاكىرتتەرى: «وعان بىرەۋ تاماق اكەپ بەرگەن بە؟»— دەستى. 34 يسا ولارعا مىنانى ايتتى: «مەنىڭ تاماعىم — ٶزىمدى جىبەرگەن قۇدايدىڭ ەركىن ورىنداۋ+ جانە ونىڭ تاپسىرعان ٸسىن اياقتاۋ+. 35 سەندەر ەگىن ورۋعا ٵلى ٴتورت اي بار دەيسىڭدەر. ال مەن سەندەرگە مىنانى ايتامىن: باستارىڭدى كوتەرىپ، ەگىندىككە كوز سالىڭدار، ول ٴپىسىپ، جيناۋعا دايىن تۇر+. 36 قازىردىڭ وزىندە ەگىن ورۋشىلار جالاقىلارىن الىپ، ماڭگىلىك ومىرگە ارنالعان ٶنىمدى جيناپ جاتىر. وسىلاي ەگىندى ەككەن دە، جيناعان دا بىرگە قۋانادى+. 37 «بىرەۋ ەگەدى، ال وزگە بىرەۋ جينايدى» دەگەن ٴسوز وسى ورايدا راس بولىپ تۇر. 38 مەن سەندەردى وزدەرىڭ ەڭبەك ەتپەگەن جەردەن ٶنىم جيناۋعا جۇمسادىم. باسقالار ەڭبەك ەتتى، سولاردىڭ ەڭبەگىنىڭ جەمىسىن سەندەر دە كورۋدەسىڭدەر».
39 سول قالاداعى ساماريالىقتاردىڭ كوبىسى الگى ايەلدىڭ «ول مەنىڭ ىستەرىمنىڭ ٴبارىن ٴدال ايتىپ بەردى»+ دەگەن كۋالىگى ارقىلى يساعا سەندى. 40 سوندىقتان ولار يسانىڭ قاسىنا كەلگەندە، ودان وزدەرىمەن بىرگە قالۋىن ٶتىندى. سودان ول ەكى كۇن سول جەردە بولدى. 41 يسانىڭ ايتقاندارىن ەستىگەن تاعى دا كوپ ادام وعان سەنىپ، 42 الگى ايەلگە: «ٴبىز ەندى تەك سەنىڭ ايتقانىڭ بويىنشا سەنىپ قويماي، ونى ٶزىمىز تىڭداپ، ونىڭ شىنىمەن دە دۇنيەنىڭ قۇتقارۋشىسى ەكەنىن بىلدىك+»،— دەدى.
43 ەكى كۇننەن كەيىن يسا سول جەردەن شىعىپ، عاليلەياعا كەتتى. 44 يسانىڭ ٶزى پايعامباردى ٶز ەل-جۇرتى قادىرلەمەيتىنىن ايتقان ەدى+. 45 عاليلەياعا كەلگەندە، سول جەردەگىلەر ونى جىلى قابىلدادى. ويتكەنى ولار دا يەرۋساليمدەگى مەيرامعا بارىپ+، ونىڭ ىستەگەن بارلىق كەرەمەتتەرىن كورگەن بولاتىن+.
46 ول ۇيلەنۋ تويىندا سۋدى شاراپقا اينالدىرعان عاليلەياداعى قانا قالاسىنا+ تاعى دا كەلدى. سول جەردە قاپارناۋمدا بالاسى اۋىرىپ جاتقان پاتشا سارايىنىڭ ٴبىر قىزمەتكەرى بار ەدى. 47 ول يسانىڭ ياھۋدەيادان عاليلەياعا كەلگەنىن ەستىگەندە، وعان بارىپ، ٶلىم اۋزىندا جاتقان ۇلىن ساۋىقتىرۋىن ٶتىندى. 48 الايدا يسا وعان: «سەندەر بەلگىلەر مەن كەرەمەتتەر كورمەيىنشە، ەش سەنبەيسىڭدەر»+،— دەدى. 49 ال ساراي قىزمەتكەرى: «مىرزا، بالام ولمەي تۇرعاندا، مەنىمەن ٴجۇرىڭىزشى»،— دەپ ەدى، 50 يسا: «ۇيىڭىزگە قايتا بەرىڭىز، بالاڭىز امان-ەسەن»+،— دەدى. الگى كىسى ونىڭ سوزىنە سەنىپ، قايتىپ كەتتى. 51 جولدا وعان قۇلدارى كەزدەسىپ، بالاسىنىڭ ساۋىعىپ كەتكەنىن ايتتى. 52 ۇلىنىڭ قاي ۋاقىتتا ٴتاۋىر بولعانىن سۇراستىرعاندا، ولار: «كەشە جەتىنشى ساعاتتا* قىزۋى باسىلدى»،— دەپ جاۋاپ بەردى. 53 سوندا اكەسى يسانىڭ «بالاڭىز امان-ەسەن» دەگەن كەزى ٴدال سول ۋاقىت ەكەنىن ٴبىلىپ+، ٷي ىشىمەن وعان سەندى. 54 بۇل يسانىڭ ياھۋدەيادان عاليلەياعا كەلگەندە جاساعان ەكىنشى كەرەمەتى ەدى+.