ريمدىكتەرگە
10 باۋىرلاستار، جۇرەك قالاۋىم دا، قۇدايدان جالبارىنىپ سۇرايتىنىم دا — يسرايلدىكتەردىڭ قۇتقارىلۋى+. 2 مەن ولاردىڭ قۇدايعا قۇلشىنا قىزمەت ەتىپ جۇرگەندەرىن راستاي الامىن+، ٴبىراق بۇلارى تۋرا بىلىمگە نەگىزدەلمەگەن. 3 ويتكەنى ولار قۇدايدىڭ ادىلدىگىن بىلمەگەندىكتەن+، وزدەرىنىڭ ادىلدىگىن ورناتۋعا تىرىسىپ+، قۇدايدىڭ ادىلدىگىنە مويىنسۇنبادى+. 4 زاڭنىڭ سوڭى — ٴماسىح+. سوندىقتان سەنىمى بار ادام ادىلدىككە يە بولا الادى+.
5 زاڭدى ورىنداۋ ارقىلى ٵدىل بولۋعا قاتىستى مۇسا: «ولاردى ورىندايتىن ادام سونىڭ ارقاسىندا ٶمىر سۇرەدى»+،— دەپ جازعان. 6 جازبادا سەنىمنەن تۋاتىن ادىلدىك تۋرالى تاعى بىلاي دەلىنگەن: «ىشتەي بىلاي دەپ ويلاما+: —كىم كوككە كوتەرىلەدى+ (ياعني ٴماسىحتى كوكتەن كىم الىپ كەلەدى)؟ 7 ياكي: —كىم تۇڭعيىققا تۇسەدى+ (ياعني ٴماسىحتى ولىمنەن كىم الىپ كەلەدى)؟» 8 ال جازبادا نە دەلىنگەن؟ «زاڭنىڭ ٴسوزى سەندەرگە جاقىن جەردە: اۋىزدارىڭدا جانە جۇرەكتەرىڭدە»+. بۇل «ٴسوز» — ٴبىز جاريالاپ جۇرگەن سەنىم ٴسوزى. 9 ەگەر يسانىڭ يەمىز ەكەنىن اۋزىڭمەن جاريالاساڭ+ ٵرى جۇرەگىڭدە قۇدايدىڭ ونى ولىمنەن قايتا تىرىلتكەنىنە دەگەن سەنىمىڭ بولسا، وندا قۇتقارىلاسىڭ. 10 ويتكەنى ادام جۇرەگىندەگى سەنىمى ارقىلى ادىلدىككە يە بولادى، ال سەنىمىن اۋزىمەن جاريالاۋ+ ارقىلى قۇتقارىلادى.
11 ويتكەنى جازبادا: «وعان سەنگەن ەشكىم ۇياتقا قالمايدى»+،— دەلىنگەن. 12 سەبەبى ياھۋدي مەن گرەكتىڭ اراسىندا ەش ايىرماشىلىق جوق+: بارلىعىنىڭ يەسى بىرەۋ. ول ٶزىن شاقىرعانداردىڭ بارىنە مول باتاسىن بەرەدى. 13 ال «ەحوبانى اتىن اتاپ شاقىرعان* اركىم قۇتقارىلادى»+. 14 الايدا وعان سەنبەسە، قالاي شاقىرادى؟ ول تۋرالى ەستىمەسە، قالاي سەنەدى؟ ەشكىم ول تۋرالى ۋاعىزداماسا، قالاي ەستيدى؟ 15 ال جىبەرىلمەسە، قالاي ۋاعىزدايدى+؟ جازبادا: «ىزگى حابار اكەلەتىن جاريالاۋشى* قانداي كەرەمەت!»+— دەپ جازىلعان عوي.
16 ايتسە دە ولاردىڭ ٴبارى بىردەي ىزگى حابارعا مويىنسۇنعان جوق. ويتكەنى يشايا: «ەحوبا، بىزدەن ەستىگەندەرىنە كىم سەندى؟»+— دەگەن. 17 سونىمەن، سەنىم ٴسوزدى ەستۋدەن تۋادى+. ال ٴسوزدى ٴماسىح جايلى ايتىلعاندا ەستۋگە بولادى. 18 الايدا مەن: «ولار ەستىگەن جوق پا؟»— دەپ سۇرايمىن. ارينە، ەستىگەن. ويتكەنى جاريالاۋشىلاردىڭ «داۋىستارى شارتاراپقا جەتتى، حابارلارى جەردىڭ شەتىنە دەيىن ەستىلدى»+. 19 ٴبىراق مەن: «يسرايل تۇسىنگەن جوق پا؟»+— دەپ سۇرايمىن. كەزىندە مۇسا بىلاي دەگەن: «مەن بوتەن حالىق ارقىلى قىزعانىشتارىڭدى وياتامىن، اقىلسىز حالىق ارقىلى قاتتى اشۋلاندىرامىن»+. 20 يشايا بولسا باتىلدىقپەن بىلاي دەدى: «ىزدەمەگەندەر مەنى تاپتى+. مەن تۋرالى سۇراماعاندارعا ٶزىمدى تانىتتىم+». 21 ال يسرايل جونىندە ول: «مەن ٴتىلازار، قاسارىسقان حالىقتى كۇنى بويى قۇشاق جايىپ شاقىرۋمەن بولدىم»+،— دەدى.