ريمدىكتەرگە
13 ٵربىر ادام بيلىك باسىنداعىلارعا باعىنسىن+، ويتكەنى بيلىكتىڭ ٴبارى قۇدايدان+. قازىرگى بيلىك يەلەرىنىڭ ٴارقايسىسىنىڭ قۇداي بەلگىلەگەن ورنى بار+. 2 سوندىقتان بيلىككە قارسى شىققان ادام قۇداي ورناتقان قۇرىلىمعا قارسى شىعادى. ال بۇل قۇرىلىمعا قارسى شىققاندار جازاعا تارتىلادى. 3 بيلىك يەلەرىنەن جاقسىلىق ىستەيتىندەر ەمەس، جاماندىق ىستەيتىندەر قورقۋى ٴتيىس+. ولاردان قورىقپاي جۇرگىڭ كەلە مە؟ وندا جاقسىلىق ىستەي بەر+، سوندا ولاردان ماقتاۋ الاسىڭ. 4 ويتكەنى بيلىك يەسى — سەنىڭ يگىلىگىڭ ٷشىن قويىلعان قۇدايدىڭ قىزمەتشىسى. ال جاماندىق جاساپ جۇرسەڭ، ودان قورىققانىڭ ٴجون. ول سەمسەرىن بەكەرگە اسىنىپ جۇرگەن جوق. بيلىك يەسى — قۇدايدىڭ قىزمەتشىسى، ياعني جاماندىق جاساۋشىلاردى ونىڭ قاھارىنا ۇشىراتاتىن كەك الۋشى.
5 ولاي بولسا، وعان قۇدايدىڭ قاھارىنا ۇشىراۋدان قورىققاندىقتان عانا ەمەس، ار-ۇجداندارىڭ تازا بولۋ ٷشىن دە باعىنۋلارىڭ قاجەت+. 6 سوندىقتان دا سەندەر الىم-سالىق تولەپ جۇرسىڭدەر. ويتكەنى بيلىك يەلەرى — ەلدىڭ يگىلىگى ٷشىن قويىلعان قۇدايدىڭ قىزمەتشىلەرى، ٵرى ولار ۇنەمى وسى ماقساتتا قىزمەت ەتەدى. 7 اركىمگە ٴتيىستىسىن بەرىڭدەر: سالىق تالاپ ەتكەندەرگە سالىق+، الىم تالاپ ەتكەندەرگە الىم تولەڭدەر، قورقۋ كەرەك كىسىدەن قورقىڭدار+، قۇرمەت كورسەتۋ كەرەك كىسىگە قۇرمەت كورسەتىڭدەر+.
8 ٶزارا سۇيىسپەنشىلىكتەن+ باسقا ەشكىمگە ەشتەڭە قارىز بولماڭدار. سەبەبى ادامنىڭ وزگەنى سۇيگەنى — زاڭدى ورىنداعانى+. 9 ويتكەنى زاڭداعى «نەكە ادالدىعىن بۇزبا+! كىسى ولتىرمە+! ۇرلىق جاساما+! سۇقتانبا+!» دەگەن جانە تاعى باسقا زاڭدار بىلاي دەپ تۇجىرىمدالعان: «وزگە ادامدى ٶزىڭدى سۇيگەندەي ٴسۇي»+. 10 وزگەنى سۇيەتىن ادام وعان جاماندىق ىستەمەيدى+. سوندىقتان سۇيىسپەنشىلىك تانىتۋ — زاڭدى ورىنداۋ+.
11 وسىلاي ىستەڭدەر، ويتكەنى قانداي ۋاقىتتا ٶمىر ٴسۇرىپ جاتقانىمىزدى بىلەسىڭدەر. مىنە، ۇيقىدان وياناتىن ۋاقىت كەلدى+. سەبەبى ماسىحكە سەنە باستاعان كەزىمىزگە قاراعاندا، قۇتقارىلاتىن كەزىمىز قازىر جاقىنىراق. 12 ٴتۇن بىتۋگە تايادى، ال كۇن جاقىنداپ قالدى. سوندىقتان تۇنەكتىڭ ىستەرىن تاستاپ+، جارىقتىڭ قارۋىن اسىنايىق+. 13 ىردۋ-دىردۋ توي-دۋمان قۇرۋدان، ماسكۇنەمدىك، ازعىندىق، ورەسكەلدىك*+، ۇرىس-جانجال مەن كۇنشىلدىكتەن+ اۋلاق بولىپ، كۇندىزگى ۋاقىتتاعىداي ادەپپەن ٴجۇرىپ-تۇرايىق+. 14 يەمىز يسا ٴماسىحتىڭ قاسيەتتەرىنە ەلىكتەڭدەر+؛ ٴتان قۇمارلىعىن قاناعاتتاندىرۋدىڭ جولىن ويلاستىرماڭدار+.