مۇسانىڭ 5-جازباسى
25 ەگەر ەكى ادامنىڭ اراسىندا داۋ تۋسا، بيلەرگە جۇگىنسىن+. ولار ٸستى قاراستىرىپ، جازىقسىزدى اقتاپ، جازىقتىنى ايىپتايدى+. 2 ەگەر جازىقتى ادام دۇرە سوعىپ جازالاۋعا لايىق بولسا+، بي ونى جاتقىزىپ قويىپ، كوز الدىندا دۇرە سوقتىرسىن. دۇرەنىڭ سانى قىلمىستىڭ اۋىرلىعىنا قاراي بەلگىلەنسىن. 3 وعان 40 رەتكە دەيىن دۇرە سوعۋعا بولادى+، ٴبىراق ودان اسپاسىن. ايتپەسە بۇل باۋىرىڭدى كوز الدارىڭدا ماسقارا ەتۋ بولار ەدى.
4 استىق باستىرىپ جۇرگەن بۇقاعا تۇمىلدىرىق كيگىزبەڭدەر+.
5 ەگەر ٴبىر جەردە تۇرىپ جاتقان اعايىندىلاردىڭ بىرەۋى ۇل سۇيمەي قايتىس بولىپ كەتسە، ونىڭ ايەلى بوتەن بىرەۋگە شىقپاسىن. وعان كۇيەۋىنىڭ باۋىرى ۇيلەنىپ، امەڭگەرلىك مىندەتىن اتقارسىن+. 6 سول ايەلدىڭ تۇڭعىش ۇلى قايتىس بولعان كۇيەۋىنىڭ بالاسى بولىپ ەسەپتەلەدى+. سوندا يسرايلدەن مارقۇمنىڭ اتى وشپەيدى+.
7 ەگەر مارقۇمنىڭ باۋىرى ونىڭ جەسىرىنە ۇيلەنگىسى كەلمەسە، وندا ايەل قالا قاقپاسىنىڭ الدىندا وتىرعان اقساقالدارعا بارىپ: «كۇيەۋىمنىڭ باۋىرى ونىڭ ەسىمىن وشىرمەي، يسرايلدىڭ اراسىندا ساقتاپ قالۋدان باس تارتىپ، امەڭگەرلىك مىندەتىن ورىنداۋعا كەلىسپەي جاتىر»،— دەسىن. 8 سوندا قالا اقساقالدارى الگى ادامدى شاقىرتىپ، سويلەسسىن. ول ويىنان قايتپاي: «وعان ۇيلەنگىم كەلمەيدى»،— دەسە، 9 وندا مارقۇمنىڭ ايەلى اقساقالداردىڭ كوزىنشە الگىنىڭ قاسىنا بارسىن دا، ونىڭ ساندالىن شەشىپ+ الىپ، بەتىنە تۇكىرىپ: «باۋىرىنىڭ ەسىمىن ساقتاپ قالعىسى كەلمەگەن كىسىگە وسىلاي ىستەيدى»،— دەسىن. 10 ٴسۇيتىپ، يسرايلدە ونىڭ اۋلەتى «ساندالى شەشىلگەننىڭ اۋلەتى» دەپ اتالاتىن بولادى.
11 ەگەر ەكى ەر ادام توبەلەسىپ جاتقاندا، بىرەۋىنىڭ ايەلى كەلىپ، كۇيەۋىن قۇتقارماق بولىپ، ونى ۇرىپ جاتقان ادامنىڭ جىنىس مۇشەسىنەن شاپ بەرىپ ۇستاپ السا، 12 وندا ايەلدىڭ قولى كەسىپ تاستالسىن. ونى اياپ-مۇسىركەمەڭدەر.
13 دوربالارىڭدا ەكى ٴتۇرلى — ٴبىرى ۇلكەن، ٴبىرى كىشى — كىرتاس بولماسىن+. 14 ۇيلەرىڭدە ەكى ٴتۇرلى — ٴبىرى ۇلكەن، ٴبىرى كىشى — ولشەۋىش ىدىس* تا بولماسىن+. 15 كىرتاستارىڭ مەن ولشەۋىش ىدىستارىڭ ٴدال جانە تۋرا بولسىن. سوندا ەحوبا قۇدايلارىڭ بەرگەلى جاتقان جەردە ۇزاق عۇمىر كەشەسىڭدەر+. 16 وسىنداي نارسەلەرمەن وزگەلەردى الدايتىن اركىم ەحوباعا جەركەنىشتى+.
17 مىسىردان كەلە جاتقاندارىڭدا امالەكتىكتەردىڭ سەندەرگە نە ىستەگەنىن ۇمىتپاڭدار+. 18 شارشاپ-شالدىعىپ كەلە جاتقاندارىڭدا، ولار جولشىباي سەندەرگە كەزىگىپ، ارتتا قالىپ قويعاندارىڭا شابۋىل جاساپ ەدى عوي. ولار قۇدايدان قورىققان جوق. 19 ەحوبا قۇدايلارىڭ يەلىككە بەرگەلى جاتقان جەرگە بارعاندا، ەحوبا قۇدايلارىڭ بارلىق جاۋلارىڭنان قورعاپ، سەندەرگە تىنىشتىق سيلاعان سوڭ+، جەر بەتىنەن امالەكتىكتەردىڭ اتىن وشىرىڭدەر+. مۇنى ىستەۋدى ۇمىتپاڭدار.