مۇسانىڭ 5-جازباسى
3 سوسىن ٴبىز بۇرىلىپ، باشانعا باراتىن جولعا تۇستىك. باشان پاتشاسى وگ بىزبەن سوعىسۋ ٷشىن كۇللى حالقىن جيناپ، ەدرەيگە كەلدى+. 2 سول كەزدە ەحوبا ماعان: —ودان قورىقپا، ويتكەنى ونى دا، بۇكىل حالقىن دا، جەرىن دە سەنىڭ قولىڭا بەرەمىن. وعان حەشبوندا تۇرعان امورلىقتاردىڭ پاتشاسى سيحونعا ىستەگەنىڭدەي ىستە،— دەدى. 3 قۇدايىمىز ەحوبا باشان پاتشاسى وگتى جانە بۇكىل حالقىن قولىمىزعا بەردى. ٴبىز ولاردىڭ بىردە-بىرەۋىن قالدىرماي، قىرىپ سالدىق. 4 سونداي-اق ولاردىڭ بارلىق قالاسىن باسىپ الدىق. ٴبىز تارتىپ الماعان بىردە-ٴبىر قالا قالمادى. وسىلايشا باشان پاتشاسى وگتىڭ قول استىنداعى بۇكىل ارعوب ٶڭىرىن، ونىڭ 60 قالاسىن جاۋلاپ الدىق+. 5 بۇلار بيىك دۋالمەن قورشالعان، قاقپالارى ىسىرمالارمەن بەكىتىلگەن قالالار بولاتىن. سونداي-اق توڭىرەگىندە بەكىنىسسىز ەلدى مەكەندەر كوپ ەدى. 6 ٴبىز حەشبون پاتشاسى سيحونعا ىستەگەنىمىزدەي، ولاردىڭ دا بارلىق قالاسىن ادامدارىمەن قوسا — ەركەك، ايەل، بالا-شاعا دەمەي — تۇگەل جويىپ جىبەردىك+. 7 ال مالدارى مەن قالالارداعى دۇنيە-مۇلكىن ولجا ەتتىك.
8 ٴسۇيتىپ، ٴبىز يوردان ايماعىنداعى امورلىق ەكى پاتشانىڭ+ ارنون اڭعارىنان باستاپ حەرمون تاۋىنا دەيىنگى جەرلەرىن باسىپ الدىق+. 9 (بۇل تاۋدى سيدوندىقتار سيريون، ال امورلىقتار سەنير دەپ اتايتىن.) 10 وسىلاي ۇستىرتتەگى بارلىق قالانى، بۇكىل عالاقاتتى، سونداي-اق باشان ولكەسىن وگ پاتشانىڭ قالالارى سالكا مەن ەدرەي+ قالالارىنا دەيىن تۇگەل جاۋلاپ الدىق. 11 باشان پاتشاسى وگ رەفايمدەردىڭ ەڭ سوڭعىسى ەدى. ونىڭ تابىتى تەمىردەن* جاسالعان بولاتىن، ٵرى ول كۇنى بۇگىنگە دەيىن امموندىقتاردىڭ راببا قالاسىندا ساقتاۋلى تۇر. ونىڭ ۇزىندىعى شىنتاقپەن ەسەپتەگەندە 9، ەنى 4 شىنتاق*. 12 سول ۋاقىتتا ٴبىز ارنون اڭعارىنىڭ ماڭىنداعى اروگەردەن+ باستاپ عالاقات تاۋلى ايماعىنىڭ جارتىسىن جاۋلاپ الدىق. ونىڭ قالالارىن رۋبەن مەن عاد ۇرپاقتارىنا بەردىم+. 13 عالاقاتتىڭ قالعان بولىگىن جانە وگ پاتشاسىنىڭ قول استىنداعى بۇكىل باشان ولكەسىن ماناسا رۋىنىڭ جارتىسىنا بەردىم+. ال باشانداعى بۇكىل ارعوب ٶڭىرى رەفايمدەردىڭ جەرى رەتىندە بەلگىلى بولاتىن.
14 ماناسانىڭ ۇرپاعى جايىر+ گەسۋرلىكتەر مەن ماعاقاتتىقتاردىڭ شەگاراسىنا+ دەيىنگى بۇكىل ارعوب ٶڭىرىن يەمدەندى+. ول سونداعى باشاننىڭ اۋىلدارىن حاۋوت-جايىر* دەپ ٶز اتىمەن اتادى+. ولار قازىرگە دەيىن وسىلاي اتالادى. 15 مەن ماحيرگە عالاقاتتى بەردىم+. 16 رۋبەن مەن عاد ۇرپاقتارىنا+ عالاقاتتان باستاپ ارنون اڭعارىنا دەيىن سوزىلعان (اڭعاردىڭ ورتاسى — شەگارا)، ال شىعىسىندا امموندىقتاردىڭ شەگاراسىنداعى يابوك اڭعارىنا دەيىن الىپ جاتقان بۇكىل جەردى بەردىم. 17 سونداي-اق ولاردىڭ جەرى ارابانى، ياعني يوردان وزەنى مەن ونىڭ جيەگىن، كينەرەتتەن باستاپ شىعىستاعى فيزگانىڭ ەتەگىندەگى اراباداعى تەڭىزگە، تۇزدى تەڭىزگە*، دەيىنگى جەردى قامتىدى+.
18 سوسىن مەن ولارعا بۇيرىق بەرىپ: —ەحوبا قۇدايلارىڭ مىنا جەردى يەلىكتەرىڭە بەرىپ وتىر. ەرجۇرەك ازاماتتارىڭنىڭ ٴبارى قارۋلانىپ، يسرايلدىك باۋىرلارىنىڭ الدىندا ٴجۇرىپ، ارعى بەتكە ٶتسىن+. 19 تەك ايەلدەرىڭ مەن بالا-شاعالارىڭ، مالدارىڭ (سەندەردە مال وتە كوپ ەكەنىن بىلەمىن) وزدەرىڭە بەرگەن وسى قالالاردا قالسىن. 20 ەحوبا وزدەرىڭە سيلاعانداي، باۋىرلارىڭا دا تىنىشتىق سيلاعانشا، ولار ەحوبا قۇدايلارىڭ يوردان وزەنىنىڭ ارعى جاعىنان بەرگەلى وتىرعان جەردى يەمدەنگەنشە، سولارمەن بىرگە بولىڭدار. سودان كەيىن ٴارقايسىسىڭ مەن بەرگەن وسى جەرلەرىڭە ورالاسىڭدار+،— دەدىم.
21 سول كەزدە مەن ەشۋاعا+: —سەن ەحوبا قۇدايىمىزدىڭ وسى ەكى پاتشاعا نە ىستەگەنىن ٶز كوزىڭمەن كوردىڭ. ٶزىڭ بارعالى جاتقان وزەننىڭ ارعى بەتىندەگى پاتشالىقتاردىڭ بارىنە دە ەحوبا وسىلاي ىستەيدى+. 22 ولاردان قورىقپاڭدار، ويتكەنى سەندەر ٷشىن ەحوبا قۇدايىمىزدىڭ ٶزى شايقاسادى+،— دەدىم.
23 سوسىن مەن ەحوبادان ٶتىنىپ: 24 —ۋا، الەمنىڭ ٵمىرشىسى ەحوبا، قۇلىڭا ٶزىڭنىڭ ۇلىلىعىڭ مەن قۇدىرەتتى قولىڭدى كورسەتىپ كەلەسىڭ+. كوكتە نە جەردە سەن سياقتى قۇدىرەتتى ىستەر جاساي الاتىن قۇداي بار ما+؟! 25 يورداننىڭ ارعى بەتىنە ٶتىپ، شۇرايلى جەردى — تاۋلى اسەم ولكە مەن ليۆاندى+ — كورۋىمە رۇقسات ەتە كورشى،— دەدىم. 26 ٴبىراق ەحوبا سەندەردىڭ كەسىرلەرىڭنەن ماعان ٵلى دە اشۋلى+ بولعاندىقتان، وتىنىشىمە قۇلاق اسپادى. ەحوبا ماعان: —جەتەر! بۇل جايلى ماعان ەندى قايتىپ ايتۋشى بولما. 27 تۇر دا، فيزگانىڭ توبەسىنە شىق+. سول جەردەن باتىسقا، سولتۇستىككە، وڭتۇستىك پەن شىعىسقا كوز تاستاپ، الدىڭدا جاتقان ولكەنى قاراپ ال، ويتكەنى يورداننان وتپەيسىڭ+. 28 ەشۋانى باسشى ەتىپ تاعايىندا دا+، نىعايتىپ، جىگەرلەندىر. مىنا حالىقتى ارعى بەتكە باستاپ باراتىن دا+، ٶزىڭ كورىپ تۇرعان وسىناۋ جەردى الىپ بەرەتىن دە سول بولماق،— دەدى. 29 بۇل جايتتىڭ ٴبارى بەت-پەعوردىڭ تۇسىنداعى اڭعاردا+ تۇرعان كەزىمىزدە ورىن العان ەدى.