پاتشالار 1-جازبا
7 سۇلەيمەن ٶزىنىڭ پاتشا سارايىن+ 13 جىلدا تولىق سالىپ ٴبىتىردى+.
2 سونىمەن قاتار ول «ليۆان ورمانى» دەپ اتالاتىن تاعى ٴبىر ٷي+ سالدى. ونىڭ ۇزىندىعى 100، ەنى 50، بيىكتىگى 30 شىنتاق* بولدى. ٷي ٴتورت قاتار قاراعاي باعانالاردىڭ ۇستىنە تۇرعىزىلدى. ال باعانالاردىڭ ۇستىنە قاراعايدان ارقالىقتار+ قويىلدى. 3 ارقالىقتاردان جوعارى قاراي ٷيدىڭ ٸشى قاراعاي تاقتايلارمەن قاپتالدى. ولاردىڭ* سانى 45 بولدى، ٴبىر قاتاردا 15 تەن. 4 تەرەزەلەر ٷش قاتاردان ٴبىر-بىرىنە قاراما-قارسى ورناتىلدى. 5 ەسىكتەردىڭ ويىقتارى مەن جاقتاۋلارى ٴتورتبۇرىش ەتىپ جاسالدى. ٴبىر-بىرىنە قاراما-قارسى ورناتىلعان ٷش قاتار تەرەزەلەردىڭ سىرت جاعى دا وسىلاي جاسالدى.
6 پاتشا ۇزىندىعى 50، ەنى 30 شىنتاق ەتىپ باعانالى باستىرما دا سالدى. الدىڭعى جاعىندا وعان جاناسا سالىنعان تاعى ٴبىر باعانالى باستىرما بولدى.
7 ول تاقتى+ ساراي — ٶزى ۇكىم ايتاتىن تورەلىك+ سارايىن دا سالدى. ونى ەدەنىنەن ارقالىقتارىنا دەيىن قاراعاي تاقتايلارمەن قاپتادى.
8 پاتشانىڭ ٶز ٷيى دە وسىنداي جوبامەن سالىندى، ٴبىراق تاقتى سارايدان الىسىراق، بولەك اۋلادا+ بولدى. سۇلەيمەن ٶزى ايەلدىككە العان پەرعاۋىننىڭ قىزىنا ارناپ تاقتى ساراي جوباسىمەن تاعى ٴبىر ٷي سالدى+.
9 وسى عيماراتتاردىڭ ٴبارى باستان-اياق — ىرگەتاسىنان توبەسىنە دەيىن جانە سىرت جاعىنان ۇلكەن اۋلاعا+ دەيىنگى قابىرعالارى — ولشەم بويىنشا قاشاۋمەن قاشالعان جانە بارلىق جاعى ارامەن ارالانعان قىمبات تاستاردان+ تۇرعىزىلدى. 10 عيماراتتاردىڭ ىرگەسى ۇلكەن-ۇلكەن قىمبات تاستاردان قالاندى. تاستاردىڭ كەيبىرىنىڭ ۇزىندىعى 8 جانە 10 شىنتاق ەدى. 11 ولاردىڭ ۇستىنە دە ولشەم بويىنشا قاشالعان قىمبات تاستار، سونداي-اق قاراعاي بورەنەلەر قويىلدى. 12 ۇلكەن اۋلانىڭ دۋالى دا، ەحوبانىڭ ٷيىنىڭ ىشكى اۋلاسى+ مەن كىرەبەرىسى+ سياقتى، ٷش قاتار قاشالعان تاستار مەن ٴبىر قاتار قاراعاي بورەنەلەردەن تۇرعىزىلدى.
13 سۇلەيمەن پاتشا تير قالاسىنا كىسى جىبەرىپ، حيرامدى+ شاقىرتىپ الدى. 14 ونىڭ شەشەسى نافتاليمدىك كۇيەۋىنەن جەسىر قالعان ايەل ەدى، ال اكەسى تيرلىك مىس ۇستاسى بولاتىن+. حيرام مىستان* ٵرتۇرلى بۇيىمدار ىستەۋگە شەبەر، تۇسىنىگى مول+ ٵرى تاجىريبەلى ۇستا بولاتىن. سودان ول سۇلەيمەن پاتشاعا كەلىپ، قاجەتتى جۇمىستاردى ىستەۋگە كىرىستى.
15 ول ەكى مىس باعانا قۇيدى+. ولاردىڭ بيىكتىگى 18 شىنتاق، ال جىپپەن اينالدىرا ولشەگەندە، ٵرقايسىسىنىڭ جۋاندىعى 12 شىنتاق ەدى+. 16 سونداي-اق باعانالاردىڭ باسىنا قويۋ ٷشىن ەكى ٴتاج قۇيدى. تاجدەردىڭ بيىكتىگى 5 شىنتاقتان بولدى. 17 ولاردىڭ ٵرقايسىسىن ورىلگەن شىنجىرلاردان جاسالعان جەتى تورمەن اشەكەيلەدى+. 18 سوسىن ٵر توردى اينالدىرا ەكى قاتار ەتىپ انار جەمىسىنىڭ مۇسىندەمەلەرىمەن كومكەرىپ، تاجدەردى بەزەندىردى. ۇستا ەكى ٴتاجدى دە وسىلاي جاسادى. 19 ەكى مىس باعانا كىرەبەرىستىڭ الدىنا قويىلدى. ولاردىڭ ۇستىندەگى تاجدەردىڭ لالاگۇلگە ۇقساس ەتىپ جاسالعان بولىكتەرىنىڭ بيىكتىگى 4 شىنتاق بولدى. 20 تاجدەردىڭ دوڭەستەۋ ەتىپ جاسالىپ، تورمەن اشەكەيلەنگەن تومەنگى جاعى باعانالاردىڭ ۇستىنە كيگىزىلدى. ٵربىر تاجگە اينالدىرا قاتار-قاتار ەتىپ 200 انار مۇسىندەمەسى بەكىتىلدى+.
21 باعانالاردى ول قاسيەتتى بولمەنىڭ* كىرەبەرىسىنىڭ الدىنا قويىپ+، وڭ جاعىنداعىسىن* ياحين*، ال سول جاعىنداعىسىن* باعوز* دەپ اتادى+. 22 باعانالاردىڭ جوعارى جاعىنداعى تاجدەرى لالاگۇلگە ۇقساس ەتىپ جاسالدى. وسىلاي باعانالار جاسالىپ ٴبىتتى.
23 بۇدان كەيىن «تەڭىز» دەپ اتالاتىن تايقازان قۇيدى+. ونىڭ ەرنەۋىنىڭ ەنى 10، بيىكتىگى 5 شىنتاق ەدى. تايقازاندى جىپپەن اينالدىرا ولشەگەندە 30 شىنتاق بولدى+. 24 ونىڭ ەرنەۋىنەن بەل ورتاسىنا قاراي اينالدىرا جابايى قاربىزداردىڭ مۇسىندەمەلەرى بولدى+. ولار ٵر شىنتاق سايىن ون-وننان ەكى قاتار ەتىپ ٴتۇسىرىلدى. جابايى قاربىزدار تايقازانمەن بىرگە قۇيىلعان ەدى. 25 تايقازان ٷش-ۇشتەن سولتۇستىككە، باتىسقا، وڭتۇستىككە جانە شىعىسقا قاراپ ورنالاستىرىلعان 12 بۇقا ٴمۇسىنىنىڭ+ ۇستىنە قويىلدى. بۇقالاردىڭ باس جاقتارى تىسقا قاراي، ارت جاقتارى تايقازاننىڭ ورتاسىنا قاراي باعىتتالعان ەدى. 26 تايقازاننىڭ قالىڭدىعى ٴتورت ەلى* بولدى؛ ەرنەۋى كەسەنىڭ ەرنەۋىندەي ەتىپ جاسالدى، ول اشىلعان لالاگۇلگە ۇقسايتىن. تايقازانعا 2000 بات* سۋ سياتىن.
27 سوسىن ول ٵربىرىنىڭ ۇزىندىعى مەن ەنى 4، ال بيىكتىگى 3 شىنتاق ەتىپ مىستان 10 كەبەجە اربا*+ جاسادى. 28 كەبەجە اربالار بىلاي جاسالدى: قابىرعالارى توركوز ەتىپ جاسالىپ، كوزدەرىنە مىس تاقتالار بەكىتىلدى. 29 توركوزدەگى تاقتالارعا دا، توركوزدىڭ جاقتاۋلارىنا دا ارىستان+، بۇقا جانە كەرۋبتەردىڭ+ مۇسىندەرى ٴتۇسىرىلدى. ال ارىستاندار مەن بۇقالاردىڭ جوعارعى جانە تومەنگى جاقتارىندا القا ىسپەتتى ورنەكتەر بولدى. 30 ٵر اربانىڭ مىس بىلىكتەرگە قوندىرىلعان ٴتورت مىس دوڭگەلەگى بولدى. بىلىكتەردى ٴتورت تىرەك ۇستاپ تۇردى. تىرەكتەردىڭ ارالارىنداعى القا ىسپەتتى ورنەكتەر تىرەكتەرمەن تۇتاس ەتىپ قۇيىلدى. وسى تىرەكتەرگە قازان قويىلدى. 31 قازاننىڭ اۋزى ىشكى جاعىنان جوعارى قاراي ولشەگەندە ٴبىر شىنتاق، ال كەبەجە اربانىڭ دوڭگەلەك ەتىپ جاسالعان تۇعىرىنىڭ بيىكتىگى ٴبىر جارىم شىنتاق ەدى. دوڭگەلەك تۇعىرعا دا ويىلىپ جاسالعان ورنەكتەر ٴتۇسىرىلدى. تاقتالار بولسا دوڭگەلەك ەمەس، ٴتورت بۇرىشتى ەتىپ جاسالدى. 32 تاقتالاردىڭ استىندا ورنالاسقان ٴتورت دوڭگەلەك ارباعا بەكىتىلدى. دوڭگەلەكتەردىڭ بيىكتىگى ٴبىر جارىم شىنتاقتان ەدى. 33 ولاردىڭ ٴپىشىنى كادىمگى اربانىڭ دوڭگەلەكتەرىندەي بولدى. قۇرساۋلارى، قيمالارى، شاباقتارى مەن كۇپشەكتەرىنىڭ ٴبارى تەمىردەن قۇيىلىپ جاسالدى. 34 اربانىڭ ٴتورت بۇرىشىندا ٴتورت تىرەگى بولدى. ولار اربامەن بىرگە قۇيىلعان ەدى. 35 اربانىڭ ۇستىڭگى جاعىندا بيىكتىگى جارتى شىنتاق دوڭگەلەك تۇعىر بولدى. تۇعىردىڭ جيەكتەمەلەرى مەن تاقتالارى كەبەجە اربامەن ٴبىرتۇتاس ەتىپ قۇيىلدى. 36 سوسىن ول جيەكتەمەلەر مەن تاقتالارعا سيعانىنشا كەرۋب، ارىستان جانە پالما اعاشىنىڭ مۇسىندەرىن ويىپ جاسادى، اينالدىرا القا ىسپەتتى ورنەكتەر دە ٴتۇسىردى+. 37 ول وسى نۇسقامەن 10 كەبەجە اربا جاسادى+. ٴبارى بىردەي ەتىپ قۇيىلعاندىقتان+، ولاردىڭ كولەمى مەن پىشىندەرى بىردەي ەدى.
38 بۇدان كەيىن ٵرقايسىسىنىڭ ەنى 4 شىنتاق جانە ٵرقايسىسىنا 40 بات سۋ سياتىن 10 مىس قازان جاسادى+. ٵر كەبەجە اربانىڭ ۇستىنە وسىنداي قازان قويىلدى. 39 ۇستا اربالاردىڭ بەسەۋىن كيەلى ٷيدىڭ وڭ جاعىنا، بەسەۋىن سول جاعىنا قويدى. تەڭىزدى* كيەلى ٷيدىڭ وڭ جاعىنا، وڭتۇستىك-شىعىسقا ورنالاستىردى+.
40 وسىلاردان كەيىن ول قازاندار، كۇرەكشەلەر+ مەن تاباقتار+ جاسادى.
وسىلايشا حيرام+ سۇلەيمەننىڭ تاپسىرۋىمەن ەحوبانىڭ ۇيىنە ارنالعان زاتتاردىڭ ٴبارىن جاساپ ٴبىتتى. ول مىنالاردى جاسادى+: 41 ەكى باعانا+ مەن ولاردىڭ ۇستىنە قويىلعان توستاعان پىشىندەس تاجدەر جانە ولاردى اينالدىرا اشەكەيلەگەن ٶرىلىپ جاسالعان ەكى تور+؛ 42 ەكى باعاناعا قويىلعان توستاعان پىشىندەس تاجدەردى بەزەندىرۋ ٷشىن ٵر توردى ەكى قاتار ەتىپ كومكەرگەن 400 انار+؛ 43 10 كەبەجە اربا+ مەن ولاردىڭ ۇستىنە قويىلعان 10 قازان+؛ 44 ٴبىر تەڭىز+ جانە ونىڭ استىندا تۇرعان 12 بۇقا ٴمۇسىنى؛ 45 كۇل شىعاراتىن شەلەكتەر، كۇرەكشەلەر، تاباقتار، سونداي-اق سۇلەيمەننىڭ تاپسىرۋىمەن ەحوبانىڭ ۇيىنە ارناپ جاسالعان باسقا دا بۇيىمدار. بۇلاردىڭ ٴبارىن حيرام جىلتىراتىلعان مىستان جاسادى. 46 پاتشا بۇلاردى يوردان وڭىرىندە، سۋقوت پەن سارەتاننىڭ اراسىندا، قىش قالىپتارعا قۇيىپ جاسادى.
47 سۇلەيمەن جاسالعان بۇيىمداردىڭ سالماعىن ولشەگەن جوق، سەبەبى ولار وتە كوپ بولاتىن. مىستىڭ سالماعى بەيمالىم كۇيى قالدى+. 48 سۇلەيمەن ەحوبانىڭ ۇيىنە ارنالعان بارلىق بۇيىمداردى جاساپ ٴبىتىردى. ول التىن قۇرباندىق ۇستەلىن+، نان تارتۋى قويىلاتىن التىن ۇستەل+ جاسادى. 49 سونىمەن قاتار تۇپكى بولمەنىڭ الدىنا وڭ جانە سول جاققا بەس-بەستەن قويۋ ٷشىن ساف التىننان شامدالدار+ جاسادى، سونداي-اق التىن گۇلدەر+، شامدار مەن قىسقاشتار+ جاسادى. 50 ال كەرسەندەر، شام سوندىرگىشتەر+، تاباقتار، توستاعاندار+ مەن شوقسالعىشتاردى+ ساف التىننان جاسادى. كيەلى ٷيدىڭ تۇپكى بولمەسىنىڭ، ياعني ەڭ قاسيەتتى بولمەنىڭ، سونداي-اق قاسيەتتى بولمەنىڭ ەسىكتەرىنىڭ توپسالارى+ دا التىننان جاسالدى.
51 وسىلاي سۇلەيمەن پاتشا ەحوبانىڭ ۇيىنە ارناپ جاسالۋى ٴتيىس جۇمىستاردىڭ ٴبارىن ٴبىتىردى. ول اكەسى ٴداۋىت باعىشتاعان* كۇمىس، التىن جانە ٴتۇرلى بۇيىمداردى+ ەحوبانىڭ ۇيىندەگى قازىناعا اپارىپ قويدى+.