جوحان
5 وسىدان كەيىن ياھۋديلەردىڭ مەيرامى بولىپ+، يسا يەرۋساليمگە ورلەپ باردى. 2 يەرۋساليمدە قوي قاقپاسىنىڭ+ جانىندا ەۆرەيشە «بەتزادا» دەپ اتالاتىن اينالا بەس باستىرماسى بار حاۋىز بولاتىن. 3 سول جەردە كوپتەگەن ناۋقاستار جانە سوقىر، اقساق، قولى نە اياعى سەمىپ قالعان* ادامدار جاتاتىن. 4 * —— 5 وندا 38-جىلدان بەرى اۋرۋ ٴبىر كىسى بار ەدى. 6 ونىڭ جاتقانىن كورىپ، كوپتەن بەرى اۋرۋ ەكەنىن بىلگەن يسا: «ساۋىققىڭ كەلە مە؟»— دەپ سۇرادى+. 7 ول: «مىرزا، سۋ قوزعالعاندا مەنى حاۋىزعا تۇسىرەتىن ەشكىم جوق. مەن جەتكەنشە، باسقا بىرەۋ ٴتۇسىپ قويادى»،— دەپ جاۋاپ قاتتى. 8 يسا: «تۇرەگەل، زەمبىلىڭدى ال دا، جۇرە بەر»،— دەدى+. 9 سول ساتتە الگى ادام ساۋىعىپ، زەمبىلىن الدى دا، جۇرە باستادى.
بۇل دەمالىس كۇنى* بولاتىن. 10 سوندىقتان كەيبىر ياھۋديلەر وعان: «بۇگىن دەمالىس كۇنى، زەمبىل كوتەرىپ جۇرگەنىڭ زاڭعا قايشى»،— دەدى+. 11 ال ول: «مەنى ساۋىقتىرعان كىسى «زەمبىلىڭدى ال دا، جۇرە بەر» دەگەن»،— دەپ جاۋاپ بەردى. 12 ولار بولسا: «ساعان «زەمبىلىڭدى ال دا، جۇرە بەر» دەگەن كىم؟»— دەپ سۇرادى. 13 ٴبىراق ساۋىققان ادام ونىڭ كىم ەكەنىن بىلمەدى، ويتكەنى يسا سونداعى كوپ ادامنىڭ اراسىنا بىلدىرمەي كىرىپ كەتكەن ەدى.
14 كەيىننەن يسا الگى كىسىنى عيباداتحانادا كەزىكتىرىپ: «مىنە، سەن ساۋىقتىڭ. بۇرىنعىدان دا جامان نارسەگە ۇشىراماۋىڭ ٷشىن، بۇدان بىلاي كۇنا جاساما»،— دەدى. 15 ال ول الگى ياھۋديلەرگە بارىپ، ٶزىن ساۋىقتىرعان يسا ەكەنىن ايتتى. 16 دەمالىس كۇنى وسىنداي ىستەر جاساعانى ٷشىن، ياھۋديلەر يسانى قۋدالاي باستادى. 17 ٴبىراق ول: «اكەم ەڭبەك ەتۋدى دوعارعان جوق، مەن دە ەڭبەك ەتۋدەمىن»+،— دەپ جاۋاپ بەردى. 18 مۇنى ەستىگەن ياھۋديلەر ونى ودان بەتەر ولتىرگىسى كەلدى: ولاردىڭ ويىنشا، يسا دەمالىس كۇنىنە قاتىستى ەرەجەنى بۇزىپ قانا قويماي، قۇدايدى اكەم دەپ اتاپ+، ٶزىن ونىمەن تەڭەستىردى+.
19 ال يسا بىلاي دەپ جاۋاپ قاتتى: «سەندەرگە ناعىز شىندىقتى ايتامىن، ۇلى ٶز بەتىنشە ەشتەڭە ىستەي المايدى، تەك اكەسىنەن كورگەندى عانا ىستەيدى+. ويتكەنى اكەسى نە ىستەسە، ۇلى دا سونى ىستەيدى. 20 اكەسى ۇلىن جاقسى كورەدى+، ٵرى وعان ىستەرىنىڭ بارلىعىن كورسەتەدى. سونداي-اق سەندەردى تاڭعالدىرۋ ٷشىن وعان بۇدان دا ۇلى ىستەردى كورسەتەدى+. 21 اكەسى ولىلەردى ٴتىرىلتىپ، ولارعا ٶمىر بەرەتىنى سياقتى+، ۇلى دا قالاعان ادامىنا ٶمىر بەرەدى+. 22 اكەسى ەشكىمدى سوتتامايدى، ول بارلىق سوتتى ۇلىنا تابىستاعان+. 23 مۇنى ول بارلىعى اكەنى قالاي قۇرمەتتەسە، ۇلىن دا سولاي قۇرمەتتەسىن دەپ ىستەدى. كىم ۇلدى قۇرمەتتەمەسە، ونى جىبەرگەن اكەنى دە قۇرمەتتەمەيدى+. 24 سەندەرگە ناعىز شىندىقتى ايتامىن، مەنىڭ ٴسوزىمدى ەستىگەن ٵرى مەنى جىبەرگەنگە سەنگەن اركىم ماڭگىلىك ومىرگە يە+. ول سوتتالمايدى، قايتا، ولىمنەن ومىرگە ٶتتى+.
25 سەندەرگە ناعىز شىندىقتى ايتامىن، ولىلەر قۇداي ۇلىنىڭ داۋسىن ەستيتىن ۋاقىت كەلە جاتىر، ٴتىپتى كەلىپ تە قويدى. ال وعان قۇلاق اسقاندار ٶمىر سۇرەدى. 26 ويتكەنى اكەدە ٶمىر سيى بار*+، ول ۇلىنا دا ٶمىر سيىن بەرگەن+. 27 اكەسى وعان سوت جۇرگىزۋگە بيلىك بەرگەن+، سەبەبى ول — ادام ۇلى+. 28 بۇعان تاڭعالماڭدار، ويتكەنى قابىردەگىلەردىڭ* ٴبارى ونىڭ داۋسىن ەستيتىن ۋاقىت كەلە جاتىر+، 29 سوندا ولار قابىردەن شىعادى. جاقسىلىق جاساعاندار ٶمىر ٴسۇرۋ ٷشىن، ال زۇلىمدىق جاساعاندار سوتتالۋ ٷشىن تىرىلەدى+. 30 مەن ٶز بەتىمشە ەشتەڭە ىستەي المايمىن. اكەمنەن ەستىگەنىم بويىنشا سوتتايمىن. مەنىڭ سوتىم ٵدىل+، ويتكەنى ٶزىمنىڭ ەمەس، مەنى جىبەرگەننىڭ ەركىن ورىنداۋدى قالايمىن+.
31 ەگەر ٶزىم جايلى تەك ٶزىم كۋالىك ەتسەم، جۇرت كۋالىگىمە سەنبەس ەدى+. 32 مەن تۋرالى كۋالىك ەتەتىن باسقا بىرەۋ بار، ٵرى ونىڭ كۋالىگىنىڭ شىندىق ەكەنىن بىلەمىن+. 33 سەندەر جاقياعا ادامدارىڭدى جىبەردىڭدەر، ول مەن تۋرالى شىنايى كۋالىك بەردى+. 34 الايدا ماعان ادامداردىڭ كۋالىگى قاجەت ەمەس، سويتسە دە مۇنى سەندەر قۇتقارىلسىن دەپ ايتىپ تۇرمىن. 35 جاقيا جارقىراپ جانىپ تۇرعان شام بولاتىن، ال سەندەر ونىڭ جارىعىندا از ۋاقىت قانا شاتتانعىلارىڭ كەلدى+. 36 ٴبىراق مەنىڭ جاقيانىكىنەن دە زور كۋالىگىم بار. اكەم ماعان ورىندا دەپ تاپسىرعان، ياعني ٶزىم ىستەپ جاتقان ىستەر مەنى اكەمنىڭ جىبەرگەنىنە كۋالىك ەتەدى+. 37 سونداي-اق مەنى جىبەرگەن اكەم دە مەن تۋرالى كۋالىك ەتكەن+. سەندەر ەشقاشان ونىڭ داۋسىن ەستىگەن دە، بەينەسىن كورگەن دە ەمەسسىڭدەر+. 38 سەندەر ونىڭ جىبەرگەن حابارشىسىنا سەنبەيسىڭدەر، سوندىقتان دا ونىڭ ٴسوزى جۇرەكتەرىڭنەن ورىن المادى.
39 سەندەر جازبالاردى زەرتتەيسىڭدەر+، سەبەبى سولار ارقىلى ماڭگىلىك ومىرگە يە بولامىز دەپ ويلايسىڭدار. ال ولار مەن تۋرالى كۋالىك ەتەدى+. 40 ايتسە دە ومىرگە يە بولۋ ٷشىن ماعان كەلگىلەرىڭ كەلمەيدى+. 41 مەن ادامداردان قۇرمەت كۇتپەيمىن. 42 سەندەردىڭ جۇرەكتەرىڭدە قۇدايعا دەگەن سۇيىسپەنشىلىك جوق ەكەنىن جاقسى بىلەمىن. 43 اكەمنىڭ اتىنان كەلسەم دە، مەنى قابىلدامايسىڭدار. ال باسقا بىرەۋ ٶز اتىنان كەلسە، ونى قابىلدار ەدىڭدەر. 44 جالعىز قۇدايدان كەلەتىن قۇرمەتتى ىزدەمەي، ٴبىر-بىرىڭنەن قۇرمەت كۇتسەڭدەر، قالاي ماعان سەنبەكسىڭدەر+؟ 45 اكەمنىڭ الدىندا سەندەردى ايىپتايدى دەپ ويلاماڭدار، ايىپتاۋشىلارىڭ — وزدەرىڭ ٷمىت ارتاتىن مۇسا+. 46 ەگەر مۇساعا سەنسەڭدەر، ماعان دا سەنەر ەدىڭدەر. ويتكەنى ول مەن تۋرالى جازعان+. 47 ال ونىڭ جازعاندارىنا سەنبەسەڭدەر، وندا مەنىڭ ايتقاندارىما قالاي سەنەسىڭدەر؟»