ٵيۇپ
38 سوندا ەحوبا ايۇپكە بوران ىشىنەن بىلاي دەپ جاۋاپ بەردى+:
2 «بايىبىنا بارماي سويلەپ،
مەنىڭ بايلامىمدى كومەسكىلەپ جاتقان بۇل كىم ٶزى+؟
3 كانە، ناعىز ەردەي بەلىڭدى بۋشى،
مەن سۇرايىن، ال سەن جاۋاپ بەر.
4 تۇسىنىككە يەمىن دەپ ويلاساڭ، ايتشى،
مەن جەردىڭ نەگىزىن قالاعاندا سەن قايدا ەدىڭ+؟
5 ونىڭ ولشەمدەرىن جاساعان،
كولدەنەڭ بەلدەۋ تارتقان كىم ەكەنىن بىلەسىڭ بە؟
6 ونىڭ تۇعىرى نەگە ورنالاسقان؟
بۇرىشتىق تاسىن كىم قالاعان+؟
7 تاڭعى جۇلدىزدار+ قۋانا ايعايلاعاندا،
قۇداي ۇلدارىنىڭ*+ ٴبارى شاتتانا ماداق ايتقاندا، سەن قايدا ەدىڭ؟
8 تەڭىز قۇرساقتان شىعۋعا ۇمتىلعانداي بۋىرقانعاندا،
قاقپالاردى جاۋىپ، جولىنا بوگەت قويعان كىم+؟
9 مەن ونى بۇلتقا وراپ، قارا تۇنەكپەن قۇنداقتاپ قويعانىمدا،
10 ونىڭ شەگاراسىن بەلگىلەپ،
قاقپالارى مەن ىسىرمالارىن ورناتقانىمدا+،
11 سوسىن وعان: —مىنا جەرگە دەيىن كەلەسىڭ، ٵرى قاراي بارمايسىڭ،
تاكاپپار تولقىندارىڭ وسى جەردەن توقتاسىن!— دەگەنىمدە+، سەن قايدا ەدىڭ؟
12 تاڭنىڭ اتۋىنا بۇيرىق ەتىپ،
كۇننىڭ قايدان شىعۋىنا نۇسقاۋ بەرگەن كەزىڭ بولعان با+؟
13 تاڭعا شاپاعىن جەردىڭ شەتىنە دەيىن شاشىپ،
ونىڭ ۇستىنەن زۇلىمداردى سىلكىپ تاستاۋدى بۇيىرعانسىڭ با+؟
14 جارىق تۇسكەندە جەر سازعا ٴمور باسقانداي ايقىندالىپ،
ونداعىنىڭ ٴبارى ورىن-ورنىنا كيىمدەي قونا قالادى.
15 ال زۇلىمدار جارىعىنان ايىرىلادى،
جوعارى كوتەرگەن قولدارى سىنادى.
16 سەن تەڭىز تۇبىندەگى قاينارلارعا دەيىن جەتكەنسىڭ بە؟
سۋ تۇڭعيىقتارىن شارلاپ زەرتتەگەنسىڭ بە+؟
18 ۇشان-تەڭىز جەردىڭ اۋقىمىن ۇققانسىڭ با+؟
وسىنىڭ ٴبارىن بىلسەڭ، ايتشى، كانە.
19 جارىقتىڭ تۇراعىنا بارار جول+،
قاراڭعىلىقتىڭ مەكەنى قايدا؟
20 ولاردى ٶز جەرىنە جەتكىزىپ سالۋ ٷشىن،
ۇيلەرىنە اپاراتىن جولدى بىلە الاسىڭ با؟
21 وسىنىڭ ٴبارىن بىلەتىندەي، سول زاماندا تۋىلىپ،
سونشالىقتى كوپ جاسادىڭ با؟
23 مەن ولاردى اپات كەلەتىن كەز ٷشىن،
شايقاس پەن سوعىس بولاتىن كۇن ٷشىن ساقتاپ وتىرمىن+.
25 اعىن سۋعا كىم ارنا قازىپ،
كۇن كۇركىرەتەتىن قارا بۇلتقا كىم جول دايىندايدى+؟
26 بۇلتتار ەلسىز دالاعا،
ٴتىرى جان تۇرمايتىن ٴشول دالاعا جاڭبىر بولىپ تۇسەدى+،
27 قۇلازىعان يەن دالانى سۋارىپ،
ونى جاسىل جەلەككە كيىندىرەدى+.
28 جاڭبىردىڭ اكەسى بار ما+؟
شىق تامشىلارىن دۇنيەگە كەلتىرەتىن كىم+؟
29 مۇز كىمنىڭ قۇرساعىنان شىعادى؟
كوكتەن تۇسەتىن قىراۋدى كىم تۋادى+؟
30 قاشان سۋ بەتى تاسپەن قاپتالعانداي بولىپ،
تەرەڭ سۋلاردىڭ بەتى قاتىپ قالادى+؟
32 شوقجۇلدىزدى* ٶز مەزگىلىندە شىعارىپ،
اش شوقجۇلدىزىن* بالالارىمەن قوسا جەتەلەپ جۇرە الاسىڭ با؟
33 اسپان دەنەلەرىن باسقاراتىن زاڭداردى بىلەسىڭ بە+؟
جەر بەتىنە ولاردىڭ* بيلىگىن ورناتا الاسىڭ با؟
34 داۋسىڭدى بۇلتتارعا دەيىن جەتكىزىپ،
ۇستىڭە نوسەر جاۋدىرا الاسىڭ با+؟
35 نايزاعاي ويناتۋ قولىڭنان كەلە مە؟
ولار ساعان كەلىپ «ٴبىز مۇندامىز!» دەي مە؟
37 بۇلتتاردى ەسەپتەۋگە كىمنىڭ دانالىعى جەتەدى؟
اسپان ىدىستارىن كىم توڭكەرىپ تاستاي الادى+؟
38 سوندا شاڭ-توزاڭ بالشىققا اينالادى،
توپىراق كەسەكتەرى ٴبىر-بىرىنە جابىسادى.
39 سەن ارىستانعا جەمتىگىن ۇستاپ بەرىپ،
جاس ارىستانداردىڭ قارنىن تويدىرا الاسىڭ با+؟
40 اپاندارىندا شابۋىلعا دايارلانىپ
نە تاسادا جەمتىگىن اڭدىپ جاتقاندا، توياتتاندىرا الاسىڭ با؟
41 قارعانىڭ بالاپاندارى تاماق تاپپاي،
قۇدايدان كومەك سۇراعاندا،
قارعاعا ازىق دايارلاپ قوياتىن كىم+؟