ريمدىكتەرگە
11 ال ەندى مىنانى سۇرايىن: «سوندا قۇدايدىڭ ٶز حالقىنان باس تارتقانى ما؟»+ جوق، مۇلدەم ولاي ەمەس! ويتكەنى مەن دە ىبىرايىمنىڭ ۇرپاعىمىن، بەنيامين رۋىنان شىققان يسرايلدىكپىن. 2 قۇداي و باستا نازار سالعان ٶز حالقىنان باس تارتقان جوق+. جازبالاردا ٸلياس پايعامبار جايىندا نە دەلىنگەنىن، راسىندا دا، بىلمەيسىڭدەر مە؟ ٸلياس يسرايل جايىندا قۇدايعا بىلاي دەپ شاعىمداندى: 3 «ەحوبا، ولار سەنىڭ پايعامبارلارىڭدى ٶلتىردى، قۇرباندىق ورىندارىڭدى قيراتىپ تاستادى. جالعىز مەن عانا قالدىم، ولار مەنىڭ دە جانىمدى الماقشى»+. 4 ال قۇداي وعان: «مەنىڭ باعالعا تىزە بۇگىپ تابىنباعان ٵلى دە 7000 ادامىم بار»+،— دەدى ەمەس پە؟ 5 سول سياقتى، قازىرگى ۋاقىتتا دا قۇداي ٶز حالقىنان راقىم ەتىپ تاڭداپ العان تامتىق قالدىردى+. 6 ال راقىم+ ەتىپ تاڭدالعان بولسا، وندا ولار ىستەرىنىڭ ارقاسىندا تاڭدالعان جوق+، ايتپەسە راقىم ناعىز راقىم بولماس ەدى.
7 وندا نە دەمەكپىز؟ يسرايل يەمدەنۋگە ۇمتىلىپ جۇرگەن نارسەسىن يەمدەنگەن جوق، ٴبىراق ونى تاڭداپ الىنعاندار يەمدەندى+. ال قالعاندارىنىڭ جۇرەكتەرى قاتۋلانىپ كەتتى+. 8 بۇل تۋرالى بىلاي دەپ جازىلعان: «قۇداي ولاردى تەرەڭ ۇيقىعا باتىردى+ جانە كورمەيتىن كوز، ەستىمەيتىن قۇلاق بەردى. ولار ٵلى كۇنگە دەيىن وسىنداي كۇيدە+». 9 ٴداۋىت پايعامبار دا بىلاي دەگەن: «ولاردىڭ داستارقاندارى وزدەرىنە تۇزاق، تور، سۇرىندىرەتىن تاس، الاتىن سىباعاسى بولسىن. 10 كوزدەرى تۇماندانىپ، كورمەي قالسىن. بەلدەرى جازىلماي، ٶمىر باقي بۇكىرەيىپ قالسىن+».
11 سوندىقتان مەن: «ولار سۇرىنگەندە، ٴبىرجولا قۇلادى ما؟»— دەپ سۇرايىن. جوق، مۇلدەم ولاي ەمەس! ٴبىراق ولاردىڭ جاساعان شالىس قادامى باسقا ۇلتتاردىڭ قۇتقارىلۋىنا جول اشتى. وسىلايشا بۇل ولاردىڭ قىزعانىشىن وياتتى+. 12 ولاردىڭ شالىس قادامى وسى دۇنيەنى، ال ازايۋى باسقا ۇلتتاردى باتاعا كەنەلتسە+، ولاردىڭ تولىق سانى ودان دا زور باتاعا كەنەلتپەي مە؟!
13 باسقا ۇلت ادامدارى، ەندىگى ٴسوزىم سەندەرگە ارنالادى. مەن باسقا ۇلتتارعا جىبەرىلگەن ەلشى+ رەتىندەگى قىزمەتىمدى دارىپتەيمىن+. 14 وسىلايشا، قالاي بولماسىن، ٶز حالقىمنىڭ قىزعانىشىن وياتىپ، ولاردىڭ ٴبىرسىپىراسىن قۇتقارامىن با دەگەن ۇمىتتەمىن. 15 ولاردىڭ الاستاتىلۋى+ بۇل دۇنيە ٷشىن قۇدايمەن تاتۋلاسۋدى بىلدىرسە، وندا قۇدايدىڭ ولاردى قايتا قابىلداۋى ولىمنەن قايتا تىرىلۋمەن تەڭ بولماي ما؟ 16 قامىردىڭ العاشقى ٶنىم رەتىندە ۇسىنىلعان بولىگى قاسيەتتى بولسا، بۇكىل قامىر دا قاسيەتتى عوي. سونداي-اق تامىر قاسيەتتى بولسا، وندا بۇتاقتارى دا قاسيەتتى.
17 ال قۇداي كەيبىر بۇتاقتاردى سىندىرىپ تاستاپ، جابايى ٴزايتۇن اعاشى بولساڭ دا، سەنى قالعان بۇتاقتاردىڭ اراسىنا تەلىسە، ٵرى ەندى سەن دە سولارمەن بىرگە باقتاعى ٴزايتۇن اعاشىنىڭ شىرىندى تامىرىنان ٴنار الىپ جاتساڭ، 18 سىندىرىلعان بۇتاقتاردان اسقاقتاپ شىرەنبە. ال اسقاقتايتىن بولساڭ+، مىنانى ۇمىتپا: سەن تامىردى ەمەس، تامىر سەنى ۇستاپ تۇر. 19 ٴسىرا، سەن: «بۇتاقتار مەن تەلىنۋ ٷشىن+ سىندىرىلىپ تاستالدى»،— دەرسىڭ. 20 بۇل راس. ويتكەنى ولار سەنىمى جوق بولعاندىقتان سىندىرىلىپ تاستالدى+، ال سەن سەنىمىڭنىڭ ارقاسىندا تۇرسىڭ+. ەندەشە اسقاقتاۋدى قوي، قايتا، ساق بول! 21 سەبەبى قۇداي اعاشتىڭ ٶز بۇتاقتارىن اياماسا، سەنى دە ايامايدى. 22 قۇدايدىڭ مەيىرىمى+ جايلى ويلاپ كورشى: ول قۇلاعاندارعا قاتاڭدىق+، ال ساعان مەيىرىم تانىتتى. ونىڭ مەيىرىمىنەن ايىرىلىپ قالما، ايتپەسە سەن دە كەسىلىپ تاستالاسىڭ. 23 سول سياقتى، ولار دا سەنە باستاسا، قايتادان تەلىنەدى+. ويتكەنى ولاردى قايتا تەلۋ قۇدايدىڭ قولىنان كەلەدى. 24 ەگەر سەن جابايى ٴزايتۇن اعاشىنان كەسىلىپ، قالىپتاسقان داعدىعا قايشى بولسا دا، باقتاعى زايتۇنگە تەلىنسەڭ، وندا ونىڭ ٶز بۇتاقتارى وعان ٴسوزسىز تەلىنەدى عوي!
25 باۋىرلاستار، وزدەرىڭدى اقىلدى ساناپ كەتپەۋلەرىڭ ٷشىن مىنا قاسيەتتى قۇپيانى بىلگەندەرىڭدى قالايمىن+: باسقا ۇلت ادامدارىنىڭ تولىق سانى جينالعانعا دەيىن يسرايلدىكتەردىڭ كەيبىرىنىڭ جۇرەكتەرى قاسارىسقان كۇيى قالا بەرمەك. 26 وسىلاي بۇكىل يسرايل+ قۇتقارىلماق. بۇل تۋرالى مىنا سوزدەر جازىلعان: «سيوننان قۇتقارۋشى كەلىپ+، جاقىپتىڭ ۇرپاعىن جامان جولدان قايتارادى. 27 كۇنالارىن كەشىرگەنىمدە+، مەنىڭ ولارمەن جاساساتىن كەلىسىمىم وسى بولادى+». 28 ٴيا، ولاردىڭ ىزگى حاباردى قابىلداماي، قۇدايمەن قاس بولعانىنىڭ پايداسى سەندەرگە تييۋدە. ٴبىراق قۇداي اتا-بابالارىنا ۋادە بەرگەندىكتەن كەيبىرىن تاڭداپ الدى، ٵرى ولاردى سۇيەدى+. 29 سەبەبى قۇداي سيلار بەرگەنىنە جانە ولاردى شاقىرعانىنا وكىنبەيدى. 30 سەندەر كەزىندە قۇدايعا مويىنسۇنبايتىن ەدىڭدەر+، ٴبىراق ولاردىڭ مويىنسۇنباعاندىعىنان+ وزدەرىڭە مەيىرىم كورسەتىلىپ وتىر+. 31 ال قازىر ولار مويىنسۇنباي ٴجۇر، ٴبىراق قۇداي سەندەرگە مەيىرىمىن ٴتۇسىرۋ ارقىلى ولارعا دا مەيىرىم كورسەتپەك. 32 سونىمەن، قۇداي بارلىعىنا مەيىرىم كورسەتۋ ٷشىن+، بارلىعىن مويىنسۇنباۋشىلىقتىڭ تۇتقىنى ەتتى+.
33 و، نەتكەن زور قۇدايدىڭ باتالارى! نەتكەن مول دانالىعى مەن ٴبىلىمى! شەشىمدەرىنە ادام اقىلى جەتپەس، جولدارىن ونىڭ ەشكىم زەرتتەپ بىتپەس! 34 «ەحوبانىڭ وي-ساناسىن كىم تانىپ-بىلگەن نەمەسە كىم وعان كەڭەسشى بولعان؟»+ 35 «ول قايتارىپ بەرەتىندەي، كىم وعان الدىمەن بىردەڭە بەرگەن؟»+ 36 سەبەبى بارلىق نارسە قۇدايدان، بارلىعى سول ارقىلى جانە سول ٷشىن پايدا بولعان. قۇداي ماڭگى باقي داڭقتالا بەرسىن! اۋمين.