ريمدىكتەرگە
14 سەنىمى ٵلسىز ادامنان تەرىس اينالماڭدار+ جانە ٴتۇرلى كوزقاراستارعا قاتىستى* ۇكىم ايتپاڭدار. 2 بىرەۋدىڭ سەنىمى بارلىق تاعامدى جەۋگە جول بەرەدى، ال سەنىمى ٵلسىز ادام تەك كوكونىس جەيدى. 3 بارلىق تاعامدى جەيتىن ادام ولاي ەتپەيتىن ادامدى مەنسىنبەي جۇرمەسىن. ٴبارىن بىردەي جەمەيتىن ادام بولسا بارلىق تاعامدى جەيتىن ادامدى ايىپتاماسىن+، ويتكەنى قۇداي ونى دا قابىلداعان. 4 وزگەنىڭ قىزمەتشىسىن ايىپتايتىنداي سەن كىمسىڭ+؟ قىزمەتشىسى تۇرا ما، قۇلاي ما — قوجايىنى شەشەدى+. ەحوبانىڭ ٶزى كومەكتەسەتىندىكتەن، قىزمەتشىسى ونىڭ الدىندا نىق تۇرادى.
5 بىرەۋ ٴبىر كۇندى ەكىنشىسىنەن ماڭىزدى سانايدى+، ال وزگە بىرەۋ كۇندەردىڭ ٴبارى بىردەي دەپ ەسەپتەيدى+. اركىم ٶز ويىنا سەنىمدى بولسىن. 6 ٴبىر كۇندى ەكىنشىسىنەن ماڭىزدى سانايتىن ادام مۇنى ەحوبا ٷشىن ىستەيدى. بارلىق تاعامدى جەيتىن ادام ەحوبا ٷشىن جەيدى، ويتكەنى سوعان ريزاشىلىق بىلدىرەدى+. بارلىق تاعامدى جەمەيتىن ادام دا ودان ەحوبا ٷشىن باس تارتادى، ٵرى ول دا بۇل ٷشىن قۇدايعا ريزاشىلىق بىلدىرەدى+. 7 ەشقايسىسىمىز ٶزىمىز ٷشىن عانا ٶمىر سۇرمەيمىز+، ٶزىمىز ٷشىن عانا ولمەيمىز. 8 ويتكەنى ٶمىر سۇرسەك، ەحوبا ٷشىن ٶمىر سۇرەمىز+، ال ولسەك، ەحوبا ٷشىن ولەمىز. سوندىقتان ٶمىر سۇرسەك تە، ولسەك تە ەحوبانىڭ مەنشىگىمىز+. 9 ٴماسىح ولىلەردىڭ دە، تىرىلەردىڭ دە يەسى بولۋ ٷشىن ٶلىپ، قايتا ٴتىرىلدى+.
10 ولاي بولسا، نەگە باۋىرلاسىڭا ۇكىم ايتاسىڭ+؟ نەگە باۋىرلاسىڭا مەنسىنبەي قارايسىڭ؟ ٴبارىمىز دە قۇدايدىڭ تورەلىك تاعىنىڭ الدىندا تۇرامىز عوي+. 11 ويتكەنى جازبالاردا بىلاي دەلىنگەن: «مەنىڭ الدىمدا ٵربىر ادام تىزە بۇگەدى، ٵربىر ٴتىل قۇداي ەكەنىمدى اشىق مويىندايدى+. بۇل ٴسوزىم — مەنىڭ ٴتىرى ەكەنىمدەي حاق+،— دەيدى ەحوبا». 12 دەمەك، ٴارقايسىسىمىز ٶز ٸس-ارەكەتىمىز ٷشىن قۇداي الدىندا ەسەپ بەرەمىز+.
13 ەندەشە بۇدان بىلاي ٴبىر-ٴبىرىمىزدى ايىپتامايىق+. ونىڭ ورنىنا، باۋىرلاستارىڭنىڭ الدىنا سۇرىندىرەتىن تاس قويماۋعا نە ونى سەنىمنەن تايدىراتىن ەشتەڭە ىستەمەۋگە بەكىنىڭدەر+. 14 يەمىز يسامەن بايلانىستا جۇرگەن مەن ەشتەڭەنىڭ وزدىگىنەن ارام ەمەس ەكەنىن بىلەمىن+، ٵرى بۇعان سەنىمدىمىن. ال ادام قانداي دا ٴبىر نارسەنى ارام دەپ ەسەپتەسە، ول سول ادام ٷشىن ارام. 15 ٴبىراق سەنىڭ جەگەن تاماعىڭ ٷشىن باۋىرلاسىڭ قورلانسا، سۇيىسپەنشىلىكپەن ارەكەت ەتۋدى قويعانىڭ+. جەگەن تاماعىڭا بولا ونىڭ قۇرىپ كەتۋىنە جول بەرمە، ويتكەنى ٴماسىح ول ٷشىن دە ٶمىرىن قيدى عوي+. 16 يگى دەپ جاساعان ىستەرىڭ ٷشىن جۇرت سەندەردى داتتاپ جۇرمەسىن. 17 ويتكەنى قۇداي پاتشالىعىنا كىرۋ ٸشىپ-جەۋگە ەمەس+، كيەلى رۋح ارقىلى ادىلدىككە، تاتۋلىق پەن قۋانىشقا يە بولۋعا بايلانىستى. 18 ماسىحكە وسىلاي قىزمەت ەتەتىن ادام قۇدايعا دا، ادامدارعا دا ۇنامدى.
19 ولاي بولسا، ٶزارا تاتۋ بولۋعا+ جانە ٴبىر-ٴبىرىمىزدى نىعايتۋعا ىقپال ەتەتىننىڭ ٴبارىن ىستەيىك+. 20 تاماققا بولا قۇدايدىڭ ٸسىن قۇرتۋدى دوعار+! راس، ٴبارى دە تازا، ٴبىراق بىرەۋدىڭ جەگەن تاماعى وزگەنىڭ سەنىمنەن تايۋىنا سەبەپشى بولعانى جامان+. 21 ەندەشە ەت جەمەگەنىڭ، نە شاراپ ىشپەگەنىڭ، نە باۋىرلاسىڭدى سۇرىندىرەتىن باسقا دا نارسەلەردى ىستەمەگەنىڭ جاقسى+. 22 سەنىمىڭ قۇداي مەن سەنىڭ اراڭدا بولسىن. دۇرىس دەپ تاپقان ٸسى ٷشىن ٶزىن ايىپتامايتىن ادام باقىتتى. 23 ال كۇماندانا تۇرا جەسە، وندا ايىپتى، ويتكەنى سەنىممەن جەگەن جوق. سەنىممەن ىستەلمەگەن نارسەنىڭ ٴبارى — كۇنا.