جاستاردىڭ ساۋالدارى
تانىسۋ مەن كەزدەسۋ. 2-ٴبولىم: كەزدەسىپ جۇرگەندە نە نارسەگە ٴمان بەرۋ كەرەك؟
ول سەنىڭ كوڭىلىڭدى باۋرادى. ۇيلەسىم تاپقان جار بولاسىڭدار ما، جوق پا — سونى كورۋ ٷشىن ەكەۋىڭ كەزدەسە باستادىڭدار. تانىستىق كەزىندە نە نارسەگە ٴمان بەرۋ قاجەت؟
بۇل ماقالادا:
اشىق پىكىر الىس
بىرگە ۋاقىت وتكىزگەندە سەن ادام جايلى تالاي نارسە بىلە باستايسىڭ. ال كەيبىر جاقتارىن ونىڭ ارەكەتىنە قاراپ تانيسىڭ.
الايدا ەكەۋىڭ ورتاعا سالىپ شەشەتىن ماسەلەلەر بار. ولاردى تالقىلاعاندا ەش نارسەنى جاسىرماعان ٴجون. بوياۋسىز، قالاي بار، سولاي ايتۋعا تىرىس. ساناڭدى سەزىم بيلەمەسىن.
ەكەۋىڭ تالقىلايتىن ماسەلەلەر:
قاراجات. قارىزىڭ بار ما؟ اقشانى دۇرىس جۇمساۋ ساعان قيىن با؟ نەكەگە تۇرىپ جاتساڭدار، كىرىس پەن شىعىس ماسەلەسىن قالاي شەشەسىڭدەر؟
دەنساۋلىق. دەنساۋلىعىڭ قالاي؟ بۇعان دەيىن دەنساۋلىقپەن ايتارلىقتاي قيىندىقتار بولدى ما؟
ماقسات. نە نارسەگە قول جەتكىزگىڭ كەلەدى؟ ەكەۋىڭنىڭ ماقساتتارىڭ ٴبىر مە؟ ۇيلەنگەن سوڭ جاعدايعا بايلانىستى ماقساتتارىڭا جەتە الماي قالساڭ، باقىتتى بولا الاسىڭ با؟
وتباسى. وتباسىڭداعى بىرەۋ-مىرەۋ سەنىڭ جاۋاپكەرشىلىگىڭدە مە؟ بولاشاقتا سونداي جاۋاپكەرشىلىكتى الۋ كەرەك بولا ما؟ بالالى بولعىڭ كەلە ما؟ بولعىڭ كەلسە، قانشا بالا بولعانىن قالايسىڭ؟
وسى سۇراقتاردى تالقىلاعاندا، شىندىقتى ايت. ادامعا ۇناۋ ٷشىن شىندىقتى جاسىرىپ يا بۇرمالاپ جىبەرمە (ەۆرەيلەرگە 13:18).
ويلانىپ كور. كەزدەسىپ جۇرگەن ادامىڭ جايلى نەنى ٴبىلۋىڭ قاجەت؟ ول سەن جايلى نەنى ٴبىلۋى ٴتيىس؟ قازىردەن باستاپ شىندىقتى ايتقاندارىڭ كەيىن نەكە قۇرعان جاعدايدا سەندەرگە اشىق پىكىر الىسۋعا قالاي كومەكتەسەدى؟
كيەلى كىتاپ كەڭەسى: «ٴارقايسىسىڭ وزگەگە شىندىقتى ايتىڭدار» (ەفەستىكتەرگە 4:25).
«التى ايدان كەيىن ول ماعان ٴسوز سالادى» دەپ قىز ويلاۋى مۇمكىن. ال جىگىت بولسا 1-جىلدان كەيىن ايتام دەپ جۇرەدى. ٶزى ويلاعانداي تەز بولماعان سوڭ، قىز تۇك تۇسىنبەي، كوڭىلى جارالانۋى مۇمكىن. سوندىقتان قىز بەن جىگىت بۇعان قاتىستى ٴبىر-ٴبىرىنىڭ ويىن ٴبىلىپ العانى ماڭىزدى» (اريانا، 1 جىل بۇرىن نەكە قۇرعان).
ٴتۇرلى كوزقاراسقا دايىن بول
ومىردە بىردەي ەكى ادام جوق. سوندىقتان كەزدەسىپ جۇرگەن ادامىڭنىڭ ويى دا، سەزىمى دە ٴدال سەنىكىندەي بولادى دەپ ويلاما. سەبەبى ادامنىڭ كوزقاراسىن مادەنيەتى مەن تاربيەسى قالىپتاستىرادى.
ويلانىپ كور. ەكەۋىڭ بولماشى، كيەلى كىتاپ تالاپتارىنا ەش قارسى كەلمەيتىن نارسە ٷشىن كەلىسپەي قالساڭدار، تاتۋلىق ٷشىن يىلە سالۋعا دايىنسىڭدار ما؟
كيەلى كىتاپ كەڭەسى: «سەندەردىڭ ەستى ەكەندەرىڭدى جۇرتتىڭ ٴبارى كورەتىن بولسىن» (فىلىپىلىكتەرگە 4:5).
«قانشا جەردەن جاراسامىز دەپ ويلاساڭ دا، ٴبارىبىر كەلىسپەي قالاتىن كەزدەر بولادى. ٴيا، نەكەدە ٴبىر-بىرىڭە ۇيلەسىمدى بولۋ ماڭىزدى، الايدا ويلارىڭ ٴبىر جەردەن شىقپاعان كەزدە قانداي مىنەز تانىتاتىندارىن ودان دا ماڭىزدى» (مەتيۋ، 5 جىل بۇرىن ۇيلەنگەن).
شارشاپ قالما
بىرەۋمەن كەزدەسكەندە، كوپ ۋاقىتىڭ ەندى سوعان كەتەتىنى تۇسىنىكتى. ازداپ شارشاۋ دا قوسىلاتىن شىعار. سوندايدا نە ىستەسەڭ بولادى؟
شەك قوي. باسىڭ كەتىپ، باسقا ماڭىزدى ىستەردى، دوستارىڭدى شەت قالدىرما. بەس جىل بۇرىن تۇرمىس قۇرعان الانا وسى ورايدا جاقسى كەڭەس ايتتى: «ۇيلەنگەن سوڭ دا ساعان دوستار قاجەت بولادى. سەن دە دوستارىڭا كەرەكسىڭ. كەزدەسە باستادىم ەكەن دەپ ولاردى ۇمىتىپ كەتپە».
نەكە قۇرعان سوڭ بارلىق نارسەگە ٴتيىستى ۋاقىت پەن كۇش-قايراتىڭدى جۇمساۋ كەرەك بولادى. تارازى باسىن تەڭ ۇستاۋدى نەگە قازىردەن باستاپ ۇيرەنبەسكە؟
ويلانىپ كور: كەزدەسىپ جۇرگەن ادامىڭنان تىم كوپ كوڭىل ٴبولۋدى تالاپ ەتەسىڭ بە؟ ال ول سەنەن تالاپ ەتە مە؟ دوستاسۋدان قاجىپ، شارشاپ كەتپەس ٷشىن تارازى باسىن قالاي تەڭ ۇستاي الاسىڭ؟
كيەلى كىتاپ كەڭەسى: «ٵر نارسەنىڭ ٶز ۋاقىتى بار،.. ٵربىر ٸستىڭ ٶز ۋاقىتى بار» (ۋاعىزداۋشى 3:1).
«تانىسىپ جۇرگەن جۇپتىڭ تەك قىدىرۋدان قولى بوسامايتىن بولسا، نەكەدە توبەلەرىنەن مۇزداي سۋ قۇيىپ جىبەرگەندەي كۇي كەشەدى. ويتكەنى نەكە قىدىرۋدان عانا تۇرمايدى عوي. تانىسىپ جۇرگەن جۇپقا كۇندەلىكتى ىستەرمەن اينالىسقان جاقسى. مىسالى، دۇكەنگە بىرگە بارۋ، ٷيدىڭ شارۋاسىن بىرگە ىستەۋ جانە بىرگە عيبادات ەتۋ. ٴبارىن بىرگە ىستەۋدى ۇيرەنسە، نەكەلەرىندە مۇنىڭ زور پايداسىن كورەدى» (دانيال، 2 جىل بۇرىن ۇيلەنگەن).
بىرەۋمەن كەزدەسۋ — ول ۋاقىتشا كەزەڭ. ٴبىراق ول — ۇلكەن شەشىمگە اپاراتىن كەز. كەزدەسىپ جۇرگەندەر يا نەكە قۇرۋ كەرەك يا قارىم-قاتىناستى توقتاتۋ كەرەك. 3-ٴبولىم ساعان وسى شەشىمنىڭ بىرىنە كەلۋگە كومەكتەسەدى.