مۇسانىڭ 3-جازباسى
18 ەحوبا ٴسوزىن جالعاپ، مۇساعا بىلاي دەدى: 2 «يسرايلدىكتەرگە مىنا سوزدەرىمدى جەتكىز: —مەن سەندەردىڭ قۇدايلارىڭ ەحوبامىن+. 3 وزدەرىڭ تۇرعان مىسىر ەلىنىڭ حالقىنداي جانە مەن سەندەردى الىپ بارا جاتقان قاناحان ەلىنىڭ ادامدارىنداي ارەكەت ەتپەڭدەر+. ولاردىڭ ادەت-عۇرىپتارىن ۇستانباڭدار. 4 مەنىڭ شەشىمدەرىمدى ورىنداڭدار، نۇسقاۋلارىمدى ۇستانىپ، سوعان ساي ارەكەت ەتىڭدەر+. مەن سەندەردىڭ قۇدايلارىڭ ەحوبامىن. 5 مەنىڭ نۇسقاۋلارىم مەن شەشىمدەرىمدى ۇستانىڭدار. ولاردى ورىندايتىن ادام سونىڭ ارقاسىندا ٶمىر سۇرەدى+. مەن ەحوبامىن.
6 ارالارىڭداعى ەشكىم ٶزىنىڭ جاقىن تۋىسىمەن جاقىنداسپاسىن+. مەن ەحوبامىن. 7 اكەڭمەن نە اناڭمەن جاقىنداسپا. ول — سەنىڭ اناڭ، ونىمەن جاقىنداسۋىڭا بولمايدى.
8 اكەڭنىڭ ايەلىمەن جاقىنداسپا+، ايتپەسە اكەڭنىڭ ابىرويىن توگەسىڭ.
9 تۋعان اپكە-قارىنداسىڭمەن، اكەڭنىڭ نە اناڭنىڭ قىزىمەن — مەيلى ول ٶز ۇيىڭدە نە باسقا جەردە تۋىلسىن — جاقىنداسپا+.
10 ۇلىڭنىڭ نە قىزىڭنىڭ قىزىمەن جاقىنداسپا. ويتكەنى بۇل — ٶز ابىرويىڭدى توككەنىڭ.
11 اكەڭنىڭ ايەلىنەن تۋعان قىزىمەن جاقىنداسپا، ول سەنىڭ اپكەڭ نە قارىنداسىڭ عوي.
12 اكەڭنىڭ اپكە-قارىنداسىمەن جاقىنداسپا. ول اكەڭنىڭ قانداس باۋىرى عوي+.
13 اناڭنىڭ اپكە-سىڭلىسىمەن جاقىنداسپا. ول اناڭنىڭ قانداس باۋىرى عوي.
14 اكەڭنىڭ اعا-ٸنىسىنىڭ ايەلىمەن جاقىنداسىپ، اعاڭنىڭ ابىرويىن توكپە. ونىڭ ايەلى سەنىڭ جەڭگەڭ عوي+.
15 كەلىنىڭمەن جاقىنداسپا+. ول — ٶز ۇلىڭنىڭ ايەلى، ونىڭ ابىرويىن اشۋشى بولما.
16 تۋعان باۋىرىڭنىڭ ايەلىمەن جاقىنداسپا+، باۋىرىڭنىڭ ابىرويىن توگەسىڭ.
17 ەگەر قىزى بار ايەلگە ۇيلەنسەڭ، ونىڭ قىزىمەن جاقىنداسپا+. ونىڭ ۇلىنىڭ قىزىن نە قىزىنىڭ قىزىن ايەلدىككە الىپ، جاقىنداسپا. ولار ايەلىڭنىڭ قانداس تۋىستارى. بۇل — سوراقىلىق*.
18 ايەلىڭنىڭ كوزى تىرىسىندە اپكەسىن نە ٴسىڭلىسىن كۇندەس ەتىپ ايەلدىككە الىپ+، ونىمەن جاقىنداسپا.
19 ەتەككىرى كەلىپ، تازا ەمەس بولىپ جۇرگەن ايەلمەن جاقىنداسپا+.
20 وزگە بىرەۋدىڭ ايەلىمەن جاقىنداسىپ*، ٶزىڭدى ارامداۋشى بولما+.
21 بالالارىڭنىڭ ەشقايسىسىن جالعان ٴتاڭىر مولەككە قۇربان ەتىپ*+، قۇدايىڭنىڭ ەسىمىن قورلاما+. مەن ەحوبامىن.
22 ايەلمەن جاقىنداسقانداي، ەركەكپەن جاقىنداسپا+، بۇل — بارىپ تۇرعان جەكسۇرىندىق.
23 جانۋارمەن جاقىنداسىپ، ٶزىڭدى ارامداما. ايەل ادام دا جاقىنداسۋ ٷشىن جانۋارعا ٶزىن ۇسىنباسىن+. بۇل — تابيعاتقا جات نارسە.
24 وسىنداي ىستەرگە بارىپ، وزدەرىڭدى ارامداماڭدار، ويتكەنى مەن الدارىڭنان قۋىپ جاتقان حالىقتار وزدەرىن وسىنداي ىستەرمەن ارامدادى+. 25 سولاردىڭ كەسىرىنەن جەرلەرى دە ارامدالدى. مەن ونىڭ تۇرعىندارىن كۇناسى ٷشىن جازالايمىن، سوندا جەر ولاردى قۇسىپ تاستايدى+. 26 ال سەندەر مەنىڭ نۇسقاۋلارىم مەن شەشىمدەرىمدى ۇستانىڭدار+. يسرايلدىك نە ارالارىڭدا تۇراتىن جاتجەرلىك بولسىن، ەشكىم+ مۇنداي جەكسۇرىن ىستەرگە بارماسىن. 27 ويتكەنى سول جەردە سەندەرگە دەيىن تۇرعان ادامدار وسىنداي جەكسۇرىن نارسەلەردى ىستەپ+، جەردى ارامدادى. 28 سەندەر دە جەردى ارامدايتىن بولساڭدار، وندا جەر سەندەردى دە بۇرىنعى حالىقتار سياقتى قۇسىپ تاستايدى. 29 ەگەر كىمدە-كىم وسىنداي جەكسۇرىن نارسەلەردىڭ ٴبىرىن ىستەسە، حالقىنىڭ اراسىنان ونداي جاننىڭ كوزى قۇرتىلسىن. 30 سەندەر مەنىڭ ايتقاندارىمدى ورىنداڭدار. ارامدالىپ قالماۋ ٷشىن، وزدەرىڭە دەيىنگى حالىقتاردىڭ جەكسۇرىن ادەت-عۇرىپتارىن ۇستانباڭدار+. مەن سەندەردىڭ قۇدايلارىڭ ەحوبامىن».