اڭگىمە باستاۋ
4-ساباق
كىشىپەيىلدىلىك
پرينسيپ: «كىشىپەيىلدىلىكپەن باسقالاردى وزدەرىڭنەن جوعارى قويىڭدار» (ٴفىلىپ. 2:3).
پاۋىل نە ىستەدى؟
1. ۆيدەونى كورىڭىز نە ەلشىلەردىڭ ىستەرى 26:2، 3 وقىڭىز. كەيىن مىنا سۇراقتارعا وي جۇگىرتىڭىز:
ا. پاۋىل اگريپپا پاتشامەن سويلەسكەندە، قالاي كىشىپەيىلدىلىك تانىتتى؟
ٵ. پاۋىل قالاي ادامنىڭ نازارىن وزىنە ەمەس، ەحوبا مەن جازبالارعا اۋداردى؟ (ەلشىلەردىڭ ىستەرى 26:22 قاراڭىز)
پاۋىلدان نە ۇيرەنەمىز؟
2. كىشىپەيىلدىلىكپەن ٵرى قۇرمەتپەن سويلەسەك، حابارىمىز اناعۇرلىم تارتىمدى بولادى.
پاۋىلعا ەلىكتەڭىز
3. دارەجەسىن تۇسىرمەڭىز. ٶزىڭىز ٴبارىن بىلەتىندەي، ال قاسىڭىزداعى ادام تۇك بىلمەيتىندەي اسەر قالدىرماڭىز. وعان قۇرمەتپەن سويلەڭىز.
4. ٴسىز ايتىپ جاتقان شىندىقتار كيەلى كىتاپتان ەكەنى انىق كورىنسىن. قۇداي ٴسوزى ادامنىڭ ويى مەن سەزىمىنە اسەر ەتە الادى. سوندىقتان ونى قولدانساق، ادامنىڭ سەنىمى دۇرىس نەگىزگە قالانادى.
5. جۇمساقتىق تانىتا بەرىڭىز. ٶز دەگەنىڭىزدە تۇرىپ الماڭىز. ٴبىز ەشكىممەن داۋلاسقىمىز كەلمەيدى. سابىرلى بولىپ، قاجەت بولسا كەتىپ قالىڭىز، وسىلاي كىشىپەيىلدىلىك كورسەتەسىز (ناق. س. 17:14؛ تيت. 3:2). بەرگەن جۇمساق جاۋابىڭىز كەلەسىدە جاقسى اڭگىمەگە جول اشۋى مۇمكىن.