Нақыл сөздер

2 Балам, егер айтқандарымды тыңдасаң,

Өсиеттерімді* қазынадай сақтасаң+,

 2 Құлағыңды даналыққа түрсең+,

Жүрегіңді парықтылыққа бұрсаң+,

 3 Сондай-ақ түсінікті шақырсаң+,

Парықтылыққа дауыстап үн қатсаң+,

 4 Оларды күміс іздегендей іздей берсең+,

Жасырулы қазына қазғандай табуға тырыссаң+,

 5 Сонда Ехобадан қорқудың не екенін білесің+,

Құдай туралы білімді табасың+.

 6 Өйткені даналықты Ехоба сыйлайды+,

Білім де береді, парықтылыққа да үйретеді.

Ол — мінсіз жүргендердің қалқаны+,

 8 Ол әділет жолын жіті бақылайды,

Адал жанның жолын қорғайды+.

 9 Сонда әділдік, әділет пен туралықтың не екенін ұғасың,

Жақсылық атаулыны түсінесің+.

10 Даналық жүрегіңе ұялағанда+,

Білімнен жаның рақат тапқанда+,

11 Саналылық сені аман сақтайды+,

Парықтылық сені қорғайды,

12 Аман сақтау үшін сені жаман жолдан,

Жалған сөйлейтін адамнан+,

13 Тура жолдан тайып,

Түнек жолына түскендерден+,

14 Жамандық істеп, қуанатындардан,

Сұмдық жасап, шаттанатындардан,

15 Қисық жолда жүргендерден,

Қулық-сұмдыққа берілгендерден.

16 Аман сақтайды сені бұзылған әйелден,

Азғын әйелдің майда тілінен+.

17 Ол жастай қосылған қосағын тастаған+,

Құдайының келісімін естен шығарған.

18 Оның үйі өлімге апарар,

Ал іздері көрге жетелер+.

19 Оған жолаған жан кері оралмас,

Өмір жолына қайта түспес+.

20 Олай болса, жақсылардың жолымен жүр,

Әділдердің жолынан тайма+.

21 Өйткені әділдер* жерді мекен етеді,

Кінәратсыздар онда тұратын болады+.

22 Ал зұлымдар жер бетінен құрып жоқ болады+,

Опасыздар түптамырымен жойылады+.