11 Жалған таразы Ехобаға жеркенішті,
Ал тура кіртас оған ұнамды+.
2 Менмендік келсе, масқаралық та келер+.
Қарапайымдарға даналық тән+.
3 Шыншылды мінсіздігі жетелер+,
Опасызды қулық-сұмдығы құртар+.
4 Қаһар күні байлықтан еш пайда болмас+,
Ал әділдік өлімнен сақтап қалар+.
5 Кінәратсыздың әділдігі жолын түзетеді,
Зұлымның зұлымдығы өзін құлатады+.
6 Шыншылды әділдігі құтқарады+,
Опасыз өз қалауына шырмалады+.
7 Зұлым өлгенде, үміті өшеді,
Өз күшіне сеніп күткені де жоғалады+.
8 Пәледен әділ жан құтқарылады,
Орнына зұлым адам ұшырайды+.
9 Жолдан тайған адам тілімен өзгені құртады,
Ал әділ жан білімінің арқасында аман қалады+.
10 Әділдің ізгілігі қаланы қуанышқа бөлейді,
Зұлымның жойылғаны мәз-мейрам етеді+.
11 Қала әділдің батасымен көркейеді+,
Арамзаның тілімен күйрейді+.
12 Парықсыз адам өзгені кемсітеді,
Әр нәрсенің парқын білетін үндемейді+.
13 Жалақор құпияны жайып салады+,
Ал сенімді жан құпияны сақтайды.
14 Жақсы басшылық болмаса, ел күйрейді,
Кеңесшілер көп болса, жетістікке жетеді+.
15 Бөтенге кепіл болған жамандыққа ұшырайды+,
Қол алысып кепілдік бермеген қауіпсіз болады.
16 Сүйкімді әйел даңққа бөленеді+,
Озбыр адам байлықты иемденеді.
17 Мейірімді өз жанына игілік жасайды+,
Қатыгез өз-өзін қиындыққа душар етеді+.
18 Зұлымның тапқан табысы алдамшы+,
Ал әділдік тұқымын себетіннің табысы шынайы+.
19 Әділдік жағында нық тұрған — өмір жолында+,
Зұлымдықтың соңына түскен — өлім жолында.
20 Ехоба жүрегі залымдардан жиіркенеді+,
Кінәратсыз жүргендерге сүйсінеді+.
21 Мынаған сенімді бол: зұлым жазасыз қалмайды+,
Ал әділдің ұрпағы аман қалады.
22 Шошқаның тұмсығында алтын сырға қандай болса,
Парасаттан жұрдай сұлу әйел де дәл сондай.
23 Әділдің тілегені ізгілікке жетелейді+,
Зұлымның үміттенгені қаһарға ұшыратады.
24 Жомарт беретін жан молшылыққа кенеледі+,
Тиістіні бермейтін адам жоқшылық көреді+.
25 Жомарт жан өркендейді+,
Өзгенің көңілін сергіткен өзі де сергиді+.
26 Жұрт астық бермейтінді қарғайды,
Ал оны сататынға батасын жаудырады.
27 Жақсылыққа ұмтылған ықыласқа бөленер+,
Жамандықты көксеген соған өзі ұшырар+.
28 Байлығына сенген құлар+,
Әділ адам жапырақтай жайқалар+.
29 Үй ішін пәлеге ұшыратқан дымсыз қалар+,
Ақымақ адам данаға қызмет етер.
30 Әділдің жемісі — өмір ағашы+,
Өзгелерді ізгілікке тартатын — дана адам+.
31 Жердегі әділ адам қарымтасын алса,
Зұлым мен күнәкар одан бетер алмай ма+?!