Қалай ойлайсыз?

Киелі кітапты оқысақ, Құдаймен дос бола аламыз ба?

КЕЙБІР АДАМДАР...

өздерін күнәкар санағандықтан, Құдаймен дос бола алмаймыз деп ойлайды. Біздің жағдайымыз Құдайды еш қызықтырмайды дейтіндер де бар. Ал сіздің ойыңыз қандай?

КИЕЛІ КІТАП БЫЛАЙ ДЕЙДІ:

Құдай “шыншыл адаммен жақын дос болады” (Нақыл сөздер 3:32). Құдаймен дос болу үшін, оның айтқанын тыңдауымыз керек.

КИЕЛІ КІТАПТАН ТАҒЫ НЕ БІЛЕМІЗ?

Құдай бізбен дос болғысы келеді (Жақып 4:8).
Дос ретінде Құдай бізге көмектесуге және бізді кешіруге дайын (Зәбүр 86:5).
Құдай нені жақсы көріп, нені жек көрсе, оның достары да соны жақсы көріп, соны жек көреді (Римдіктерге 12:9).

Құдайға қалай ұнамды бола алатынымыз жайлы көбірек білу үшін, Ехоба куәгерлері басып шығарған “Киелі кітап шын мәнінде неге үйретеді?” деген кітаптың 12-тарауын қараңыз. Оны www.pr2711.com сайтынан жүктеуге де болады.