Құдай сізді ойлайды
КИЕЛІ ЖАЗБАЛАР Құдай Сөзі болғандықтан, ол жерде ең керемет кеңестер жазылған. Киелі жазбалар өздігінен денсаулықты күтуге арналған кітап емес, бірақ онда қиын жағдайға түскенде, санада сан ойлар сансырағанда, шыбын жанымыз шырылдағанда, тәніміз сыздап, жанымыз жылағанда не істеуге болатыны жазылған.
Ал ең маңыздысы, Киелі жазбаларда бізді жаратқан Ехоба Құдайa жан баласы түсінбейтін ойымыз бен сезімдерімізді бәрінен артық түсінетіні жазылған. Біз кезіккен кез келген қиындыққа төтеп беруге ол көмектесуге асық. Киелі кітаптан соның екі дәлелін көрейік:
“Жүрегі жаралы жанға Ехоба жақын тұрады, Сағы сынғандарды құтқарады” (ЗӘБҮР 34:18).
“Мен, Құдайың Ехоба, оң қолыңнан ұстап тұрмын, Саған: — Еш қорықпа! Мен саған көмектесемін!— деймін” (ИШАЯ 41:13).
Ехоба — өте қамқор Құдай. Ол жаны ауырып жүрген жандарға қалай көмектеседі? Осы жайлы келесі мақалада оқи аласыз.
a Ехоба деген — Құдай Тағаланың төл есімі (Зәбүр 83:18).