Siulersuisoqatigiinnit allakkat

Asasavut Jehovamik asannittuususi!

‘Sallusuissut ilisimalissavarsi, sallusuissutillu inussiaajunnaarsissavaasi.’ (Joh 8:32) Jiisusip oqaasii taakku qiimmaallannangaaramik, ilaa? Aap, ‘ulluni kingullerni’ makkunani sallunermik ulikkaarfiusuni sallusuissut paasisinnaavarput. (2 Tim 3:1) Eqqaamaviuk sallusuissut Guutip oqaasianiittoq paaseqqaarakku? Ilumut nuannivippoq, ilaa?

Sallusuissummik eqqorluartumik ilisimasaqarnerput allanullu oqaluussisarnerput soorunami pingaaruteqarluinnarput, aammali sallusuissut naapertorlugu inooriaaseqarnissarput pingaaruteqarluinnartuuvoq. Taamaattumik Guutip asanninneraniittuinnartariaqarpugut. Jiisusimi unnuk toquffissani aqaguttoq ajoqersukkaminut aalajaatsunut ima oqarpoq: “Inassutikka maleruarussigit asannissutsinniittuassaasi, soorlu uanga Ataatama inassutai maleruarikka asannissusianiittuarlungalu.” — Joh 15:10.

Maluginiaruk Jiisusi Ataatami inassutaanik maleruaanermigut Guutip asanninneraniittuinnartoq. Uaguttaaq Guutip asanninneraniittuinnarumalluta ullut tamaasa sallusuissut naapertorlugu inooriaaseqartariaqarpugut. Unnuk taanna Jiisusi aamma ima oqarpoq: “Tamanna ilisimagussiuk taava pilluassaasi taamaaliorussi.” — Joh 13:17.

Qamannga pisumik neriuutigaarput atuagaq manna sallusuissut naapertorlugu inuujuarnissannut iluaqutigissagit. Taamaaliornikkummi naassaanngitsumik inuulernissat utaqqitillugu ‘Guutip asanninneraniittuinnarsinnaavutit’. — Jud 21.