pâratîse ivdlit ĸanoĸ ítûtípiuk?
MÃNÁKORPIAK’ pâratîsime inûsínaunigssaĸ ĸanoĸ isumaĸarfigísagaluarpiuk? ’ila tivsinássusia!’ ímaĸa oĸarumásautit. ’uvdlumime nuname pâratîseĸángilaĸ!’ imalũnît pâratîseĸarnerpa? pâratîsimik ĸanoĸ ítûtitsinerit aperĸutip tamatuma ĸanoĸ akineĸarnigssânut aulajangîssũsaoĸ.
oĸauseĸ táuna ivdlit ĸanoĸ isumaĸartípiuk? alianaitsorssuartut takordlôrpiuk? kûgssuit alutornangârtut ĸôrĸutdlo erĸigsisimârfiussut toĸússutaussunik mingugtitáungitsut? ûmassut — lîuvit, tîgerit, savârĸat tugtûssatdlo — tamarmik erĸigseĸatigîgdlutik ûmassut? pâratîsitut taimatut píssuseĸarfiussume inũsavdlune nuáningârnigssaralua avdlatut oĸautigineĸarsínáungilaĸ. ajoraluartumigdle, nauk nunarssuarme mâne sule alianaitsortaĸaraluartoĸ, oĸarsínáungivigpugut pâratîsime inûvdluta. imalũnît pâratîsime inûnerpugut?
una erĸarsautigeriaruk: oĸautsip „pâratîse“ tamákîssumik isumâ nâpertúsagáine orpĩnait naussuínaitdlo, tássa avatangîssit alianaitsuínait, pineĸartaríngitdlat. inûneĸ nuánísagpat, avatangîssit alianaitsuínáungitsut pissariaĸartíneĸásáput. avdlarpagssuit pissariaĸartíneĸásáput. una ássersûtigitigo: nuname sumilũnît najugagssaĸ najugarísavdlugo ĸinersínaugaluarugko — nunáinaup alianáinerpâvfia imalũnît nunane kiagtune ĸeĸertat alutornarnerpârtât. pivdluardluínarsínaugaluarnerpit sanilerigugkit inuit ûmigssuissut, nangminigssarsiortut, kussanángitsumik erĸarsartut, ajoĸusîumatût, ilingnik pigissangnigdlũnît atarĸingníngitsut? pivdluarsínaunaviángilatit! taimatut inoĸateĸaráine inûneĸ nuánĩsagaluarpoĸ avatangîssit ĸanoĸ alianaitsigigaluarpatalũnît!
taimáitumik pâsinarpoĸ pâratîseĸásagpat avatangîssit nunáináungitsut ãmátaordle inûssut aperĸutáusassut. pâratîsime erĸarsautigigângagko, erĸarsautigissaríngínerpigit inuit pivdluartut, erĸigsinermut kajumíssuseĸartut, asangningnerme inôĸatigîngniartut? taimáitumik nuname najugaĸ alianaitsoĸ oĸautsip pâratîsip isumavia nâpertordlugo pâratîsimik taineĸarsínáusagpat, inuit tássane najugaĸartugssat píssutsit Gûtip píssusê malingniardlugit ineriartortíniartariaĸásavait.
bîbilip takutitsiarpâ inuit isumaisa avdlángoriartuârnigssât, inuit anersãkut píssusê navsuiaramigit — ĸanoĸ píssutsitik inûssausertigdlo pitsángorsardlugit avdlángortíkiartorait. ímaĸale erĸarsautigivat: ’uvdlumíkut ilumut ássersûtíkut pâratîseĸarnersoĸ? taimaigpatdlo, tauva sumĩpa?’
uvdlumíkut nuname pâratîseĸarpoĸ. siámariartuínarpoĸ, inuitdlo milliûnigdlit nuánârutigât. ivdlítaoĸ ilausínauvutit. tamána erĸarsautáinauvatdlârtumik singnagtugauva? nâggardluínaĸ, pâratîse erĸordluartoĸ, nunamĩtoĸ píngínavtigo, kisiáne anersãkut ítok pivdlugo.a
„’anersãkut’ pâratîse ĸanoĸ isumaĸarpa?“ ímaĸa aperivutit. pissariúngitsumik oĸautigísagáine imáipoĸ: kristumiut peĸatigîussut Gûtip píngitsôrane piumassai maleruarniardlugit píssutsimingnik avdlángortitsisimassut, erĸortumigdlo gûtisiorneĸ peĸatigĩssutigalugo atausíngorsimassut anersãkut pâratîsimĩtutut oĸautigineĸarsínáuput.
saĸitsáussineĸ, ârĸiagĩngíneĸ kángunartuliornerdlo uvdlumíkut silarssuarme atũtut takussavut atornagit, asangningneĸ, isumákut erĸigsisimaneĸ atausiússuserdlo, silarssuarme tamarme Jehovap nalunaiaissuine atũtut, anersãkut pâratîsime nuánârutigineĸarput. tamána autdlarnersautauvoĸ inuit nuname mâne erĸigsisimavdlutik inôĸatigîngnigssãnut pâratîsime piviussume Kristusip Jesusip ukiune tûsintilingne nâlagkersuinigssâta nalâne. — Lúkarse 23:43, NW.
sôĸ pâratîse pivdlugo sule ãma ilíniarĸingniángiliuk? pâsiniariaruk suna píssutigalugo Jehovap nalunaiaissuisa erĸigsineĸ, tugdlûsimârneĸ, pivdluarneĸ atausiússuserdlo píssutsinut nalerĸiutdlugo taima angnertutigigaluartut nuánârutigisínaunerait. pâsiniariaruk ĸanoĸ ivdlítaoĸ pâratîse taima ítoĸ mãnákut agdlât nuánârutigilersínaugit! (wD 1/1 84)
[Quppernerup ataani ilanngussaq]
a oĸautsip „pâratîse“ grîkerisût taggit para’deisos nagguvigâ, isumaĸarsínaussoĸ „nunap ilâ nerssutinut nujuartanut najugagssaĸ“, (C. Berg) imalũnît „nautsîvik“ (Ingerslev). — 1 Môrsase 2:8; Douay; Septuaginta; Lúkarse 23:43.
[Qupp. 5-mi ungalusaq]
pâratîsimik sujuligtûtit
pâratîsimik sujuligtûtit agdlagkane eprîarisûne agdlagsimassut ardlagdlit uvagut uvdluvtíne erĸûterêrsimáput. ássersûtitut taineĸarsínauvoĸ sujuligtût Isaia kapitale 35-me agdlagsimassoĸ, tássane sujuligtûtigineĸarmat ’narssaĸ kûgaitsoĸ naggorigsumik sivkerumârtoĸ rûsatut’. sujuligtût tamána angnikínerussumik erĸũpoĸ jûtit nunamingnit ĸimâtitaugaluartut 537-me u.n.m.a.s. Babylonimíngãnît nunamingnut uterdlutik angerdlarmata. gûtisiorfigerĸigsimangmáne iluarigamiuk nunaviat piunêrúsimassoĸ, Juda, Gûtip sivkertalerĸigsípâ inerititaĸardluarfíngorĸigsilerdlugulo angnikitsumik pâratîsitut ítúngortitdlugo. — Isaia 35:1, 2; ãmátaoĸ takûk NW.
sujuligtût Isaia kapitale 35-me agdlagsimassoĸ ãmátaoĸ anersãkut ítumik erĸũsimánguatsiarpoĸ. tamána ĸanoĸ ilivdluta pâsisínauvarput? sôrdlo versine 5-ime 6-imilo neriorssûtigineĸartoĸ tagpîtsut, tusilartut, tusiagtut oĸajuitsutdlo ajorungnaersíneĸarnigssât. takutitsiarneĸángilardlũnît jûtit 537-me u.n.m.a.s. nunamingnut utertut erƙordluartumik timíkut ajorungnaersíneĸarmata. ĸularnángitsumik tamána anersãkut ítumik pâsissariaĸarpoĸ — sôrdlo issait uisitaussut ĸaumaneĸ nunavingmingne kivfáungíssutsip pia issigisínaorĸuvdlugo. tamatumúnga ássingussumik anersãkut pâratîse Jehovamik gûtisiortut akornáne mãnákut atũpoĸ, tamatumûnale nunarssuarme tamarme pivdlune.
ungasíngitsúkut nunarssuarme mâne ajússuseĸ tamât Gûtip piunêruterêrsimagpago, „amerdlangârtut“ amiákûvdlutik inûssut toĸussutdlo makítut timíkut erĸordluartumik ajorungnaersíneĸarumârput. pigdliutine utertitsíssutaussoĸ iluaĸutigalugo Kristus Jesusip inuit nâlagtut inugtut nãmagdluínartúngortíkumârpai pâratîsime nuname atulerserĸingneĸartume nâgssáungitsumik inûsínaunigssãnut. taimáitumik Isaia 35-me agdlagsimassoĸ ungasíngitsúkut nunarssuarmut tamarmut atûtilerumârpoĸ nunarssuaĸ mána nautsîvíngortíkiartorneĸarpat erĸigsisimârfiussoĸ nautsîvíssârssuartut ítoĸ, tássanilo pâratîse erĸordluartoĸ piviussúngorumârpoĸ. — Isaia 25:6-8; sarĸúmersitat 7:9; 21:3, 4.