Ajoqersuutinngortut allanik malitseqartarput

“MIANERSORITSI.” Ukiut hundredel­lit siul­liit naaler­neran­ni apustilip Paulusip kristumiut taama al­laf­figai. Sooruna mianersoq­qugai? Ima nangip­poq: “Napitin­neqaq­qunasi ilisimaq­qis­saar­niutinik sal­loqit­taatinil­lu piun­ngitsunik, taak­ku tun­ngaveqarmata inuit kingor­nus­sas­siis­sutaan­nik . . . Kristusimit pisuun­ngitsunik.” — Kolos­semiut 2:8.

Paulusi mianersoq­qusisimagaluar­toq 200-k­kut qiteq­qun­neran­niil­li kristumiut ilaasa up­perisar­tik nas­suias­sagaangamik­ku paasin­nit­taatsit itsarsuaq isumaliutersor­tar­tunit aal­laavil­lit ator­talersimavaat. Sooq? Romamiut naalagaaf­fian­ni ilin­niarluarsimanerusunit akuerineqarusuk­kamik taamaalil­lutil­lu amerlanerusunik kristumius­sutsimut saatsitsil­lutik.

Justinus Mar­tyrip, kristumiut taak­kua tusaamaneqar­ner­paar­taasa ilaata, Guutip oqaaseqar­tar­tua, Logos, Jiisusip nunarsuarmut pinera sioq­quterujus­suarlugu isumaliutersor­tar­tunut grækerinut saq­qum­mersimanerar­paa. Justinus Mar­tyr ajoqersuum­mil­lu tamatumun­nga as­singusumik siuarsaasut al­lat naaper­torlugit isumaliutersuutinik oqalut­tuatoq­qanil­lu kristumius­sutsimut ilan­ngus­sineq pis­sutigalugu up­perisarsior­neq taman­na inuit tamat pingaar­titariler­paat.

Kristumius­suseq taman­na Justinus Mar­tyrip il­lersugaa inup­pas­suit isumataas­sutigaat. Ajoqersuum­mil­li ataatsimik akuerin­nin­neq ajoqersuutinik al­lanik malitseqar­poq, taak­kualu ul­lumik­kut kristumiut ajoqersuutaat­tut isigineqar­put. Ajoqersuutit kuk­kusut taak­ku qulaar­niarlugit maan­na qinerlerfis­siat ilaan­ni al­las­simasut Biibilimi ajoqersuutigineqar­tunor­piaq naleq­qiutis­savavut.