INTERNETIKKUT ATUAGAATEQARFIK Watchtower
INTERNETIKKUT ATUAGAATEQARFIK
Watchtower
Kalaallisut
  • BIIBILI
  • BIIBILILERSAARUTIT
  • ATAATSIMIINNERIT
  • w11 1/10 qupp. 4
  • 1 Guuti paasissaanngitsuuvoq — Ilumoorpa?

Immikkoortumi matumani isiginnaagassiaqanngilaq.

Ajoraluartumik isiginnaagassiap aanerani ajutoortoqarpoq.

  • 1 Guuti paasissaanngitsuuvoq — Ilumoorpa?
  • Napasuliaq Alapernaarsuiffik — 2011
Napasuliaq Alapernaarsuiffik — 2011
w11 1/10 qupp. 4

1 Guuti paasissaanngitsuuvoq — Ilumoorpa?

Immaqa ima tusagaqarsimavutit: “Guuti paasisinnaanngilarput.”

Immaqa ilinniarsimavat Guutip aqqutai siunersissaanngitsuusut, uagutsinnillu qutsinnerungaarmat isumassaqartinngikkipput. Immaqa ilaasa Guuti ataasiullunilu pingasuunerarpaat tamannalu paasissaanngitsuunerarlugu.

Biibilimi ajoqersuutigineqartoq: Jiisusi oqarpoq ‘ilumut kisimi Guutiusumik ilisimannilersut’ pilluaqquneqassasut. (Johannesi 17:3) Guutili paasissaanngitsuuppat qanoq ililluni ilisarisimaneqalersinnaagami? Guuti isertunngilaq, kissaatigaali kikkut tamarmik ilisarisimalissagaanni. — Jeremia 31:34.

Ilumoorpoq Guuti pillugu suna tamaat qaqugumulluunniit ilisimalernavianngikkipput. Taamaattariaqarpoq eqqarsaataami iliuusiilu uagut eqqarsaatitsinnit iliuutsitsinnillu qutsinnerummata. — Romamiut 11:33, 34; Esaja 55:8, 9.

Ilumoortup ilisimanera qanoq iluaqutigissagit: Guuti paasissaanngitsuuppat, taava sooq ilisarisimalerniarlugu misiliissaagut? Guuti imminik ilisarisimalersinnaatiinnarnata qanimut ikinngutigilernissaminut periarfissippaatigut. Aaperaat angut aalajaatsoq ‘ikinngutimisut’ taavaa. Aamma Israelikkut kunngiat Daavi ima allappoq: “Jehovamik mianerinnittut taassuma allanut isertukkaminik oqaluttuuttarpai.” — Esaja 41:8; Tussiaat 25:14, NV.

Guutilu immissinnut isertuussaqarfiginasi ikinngutigiilersinnaanersi piviusorsiorpaluttuua? Immaqa, kisianni Apustilit Suliaat 17:27-mi allassimavoq “ilatsinnit kimilluunniit ungasinngikkaluartoq”. Qanoq? Ima paasillugu Biibili aqqutigalugu Guutip ilisarisimallualeqqulluni pisariaqartunik paasitittarpaatigut.a

Oqaluttuuppaatigut Jehovamik, imaluunniit Jahvemik, ateqarluni. (Esaja 42:8) Inunnut atatillugu iliuuserisartakkani allanneqartissimavai, kinaassusilik taama ateqartoq ilisarisimalerniassagatsigu. Allaallumi Guutip misigissutsiminik paasinnissinnaatippaatigut. Tassaavoq “Guuti nallittuisoq saammaasorlu, kamajaatsoq ilumoornermik sallusuissummillu peqangaartoq”. (2 Mosesi 34:6) Iliuutsivut taassuma sunnerneqaatigisinnaavai. Assersuutigalugu Noap nalaani inuit ajortuliornerat pissutigalugu Guuti “aliasulerpoq”, taassumunngali naalattut taanna ‘nuannaartittarpaat’. — 1 Mosesi 6:6; Ussatit 27:11.

[Quppernerup ataani ilanngussaq]

a Guuti pillugu Biibilimi qanoq allassimasoqarnersoq paasinerorusukkukku atuaruk kapitali 1, atuakkami Biibilimi sorpiaat ajoqersuutigineqarpat?-mi. Jehovap Nalunaajaasuinit saqqummersinneqartoq.

[Issuagaq 4-mi assiliartaq]

Qanoq ililluta ilisarisimalersinnaavarput Guuti ataasiullunilu pingasuuppat paasissaanngitsoq?

[Suminngaanneernera 4-mi assiliartaq]

The Trinity, Flemish School, (1500-kkunni) / H. Shickman Gallery, New York, USA / The Bridgeman Art Library International

    Kalaallisut (1985-2025)
    Aniffissaq
    Iserfissaq
    • Kalaallisut
    • Ingerlateqqiguk
    • Inissiissutit
    • Copyright © 2025 Watch Tower Bible and Tract Society of Pennsylvania
    • Atuinermut piumasaqaatit
    • Paasissutissanik atueriaaseq
    • Nammineq inissitassat
    • JW.ORG
    • Iserfissaq
    Ingerlateqqiguk