Johannesi Kuisisoq – Nuannaartuarnermut tunngatillugu maligassaq

JEHOVAMUT kif­far­tor­nermi aalajangersimasumik sulias­sin­neqar­nis­sat maan­nak­kul­li angusin­naan­ngisat kis­saatigingaar­piuk? Im­maqa al­lap akisus­saaf­figaa. Imaluun­niit suliaq sior­natigut pisin­naatitaaf­figisimasat maqaasivat. Maan­nak­kul­li utoq­qalineq, peq­qiil­lior­neq, aningaasatigut ajor­nar­torsiuteqar­neq ilaqut­tan­nul­luun­niit tun­ngatil­lugu akisus­saaf­feqar­neq pis­sutigalugu pisin­naasatit kil­leqar­put. Imaluun­niit peqatigiif­fim­mi al­lan­nguisoqarmat ukior­pas­suar­ni suliat sulias­sariun­naar­pat. Sunaluun­niit pis­sutaagaluar­pat misigis­sagunar­putit Guutimut kif­far­tor­nermi iliuusererusutaraluatit iliuuserinagit. Pakatseq­qasutut misigisaruit paasinar­poq. Nuan­niitsumil­li, soorlu kaman­nermik, nikal­lunganermik ajual­las­simanermil­luun­niit, misigiuar­nis­sat qanoq pin­ngitsoor­tis­sin­naaviuk? Qanoq nuan­naar­tuarsin­naavit?

Nuan­naar­tuar­nermut tun­ngatil­lugu Johan­nesi Kuisisoq ilin­niarfigisin­naavar­put. Taan­na pis­sanganar­tunik sulias­saqar­poq, inuunerminili pisut ilimagisimanavian­ngilai. Oqaluus­sinerminit sivisunerusumik par­naarus­saaq­qasus­saal­luni takorloorsimanavian­ngilaa. Taamaak­kaluar­toq Johan­nesi nuan­naar­tuar­poq inuunermilu sin­nera isumal­luar­tumik isigin­nit­taaseqarluni. Suna iluaqutigaa? Uagul­lu pakatsisin­neqaraluarluta qanoq nuan­naar­tuarsin­naavugut?

SULIASSIISSUT NUANNERSOQ

Ukiumi 29-mi uper­naak­kut Johan­nesip Mis­siarsimik aq­qutis­siuus­sisutut suliani aal­lar­tip­paa ima oqarluni: “Al­lamik isumataaritsi, Qilaap Naalagaaf­fia qanil­lim­mat.” (Matt 3:2; Luk 1:12-17) Inup­pas­suit tusar­naar­put. Ungasis­sorsuarmiit tusarlius­saanik tusariar­tor­tut amerlap­put, tusarlius­sarlu kil­litsis­sutigalugu ilar­pas­sui al­lamik isumataar­put kuisil­lutil­lu. Johan­nesip sapiil­luni up­perisarsior­nik­kut siut­tut im­minut iluar­tuutit­tut al­lamik isumataan­ngik­kunik eq­qar­tuun­neqarumaar­neran­nik mianersoq­quai. (Matt 3:5-12) Johan­nesip kif­far­tor­nermini pingaar­ner­paaq ukiumi 29-mi ukiak­kut misigaa – Jiisusimik kuisivoq. Taamanimiil­li Johan­nesip ajoqersuk­kani oqarfigisaler­pai Jiisusi, Mis­siarsi neriorsuutigisaq, malis­sagaat. – Joh 1:32-37.

Suliaa im­mik­kuul­laris­soq eq­qarsaatigalugu Johan­nesi pil­lugu Jiisusi ima oqarsin­naavoq: “Ar­nanit er­niusuni Johan­nesimit Kuisisumit an­nerusumik saq­qum­mersoqan­ngilaq.” (Matt 11:11) Johan­nesip pil­luaq­qusaanini qular­nan­ngitsumik nuan­naarutigisimas­savaa. Nalitsin­nit­taaq qatan­nguter­pas­suavut Guutimit pil­luaq­quneqangaarsimap­put. Terry nulianilu Sandra ukiut 50-it sin­nerlugit pif­fis­saq tamaat kif­far­torsimap­put. Terry ima oqalut­tuar­poq: “Amerlasuunik nuan­neqisunik suliaqarsimavunga. Pioneritut, Betelimi kif­far­tor­tutut, specialpioneritut ilagiin­nil­lu aam­ma ilageeqatigiin­nik arlalin­nik nak­kutil­liisutut kif­far­torsimavunga, maan­nalu specialpioneriul­lunga.” Jehovamut kif­far­tor­nermi sulias­sin­neqar­neq nuan­naarutaavoq, Johan­nesil­li maligas­siaani erser­poq atuk­kat­ta al­lan­ngor­nerini nuan­naar­tuarumal­luta iliuuseqar­tariaqar­tugut.

QUJAMASUTTUARIT

Johan­nesi Kuisisoq suliani qujamasuutigiuarmagit nuan­naar­tuarsin­naasimavoq. As­sersuuteqariar­ta. Jiisusi kuisereermat Johan­nesip kif­far­tor­nera an­nikil­liar­tor­poq Jiisusil­lu an­ner­tusiar­torluni. Taman­na Johan­nesip ajoqersugaasa er­numas­sutigalugu Jiisusi pil­lugu ima oqarfigaat: “Maan­na nam­mineq kuisisaler­poq, tamarmil­lu or­nigar­paat.” (Joh 3:26) Johan­nesi ima akivoq: “Nulias­samik pigin­nit­toq tas­sa uis­saq; uis­sal­li ikin­ngutaata tas­sunga naalaar­tup uis­saq agger­palut­toq tusaal­lugu nuan­narisaqaa. Tas­sa uanga tipaatsuutiga, maan­nalu naam­matsil­luin­narsimavoq.” (Joh 3:29) Johan­nesip Jiisusi unam­min­ngilaa. Aam­ma Jiisusip suliaa pingaaruteqar­nerum­mat eq­qarsalin­ngilaq nam­mineq suliani pingaaruteqan­ngitsoq. ‘Uis­samul­li ikin­ngutaanini’ pingaar­tik­kamiuk nuan­naar­tuar­poq.

Suliani imaan­naan­ngitsuugaluar­toq ajun­ngitsumik isigin­nit­taaseqar­nini pis­sutigalugu Johan­nesi nuan­naar­tuarsin­naavoq. As­sersuutigalugu inun­ngor­nerminiil­li nasiræeriugami viin­nisoq­qusaan­ngilaq. (Luk 1:15) Johan­nesip pisariitsumik inooriaaseqar­nera pil­lugu Jiisusi ima oqar­poq: ‘Johan­nesi tikiup­poq nerinanilu imigas­sar­tor­nanilu.’ Paarlat­tuanik Jiisusi ajoqersugaalu taamatut kil­lilersimaar­natik inooriaaseqar­put. (Matt 11:18, 19) Aam­ma Johan­nesi nam­mineq tupin­nar­tulior­nikuun­ngilaq, nalun­ngilaali Jiisusip ajoqersugai – ilaatigut aal­laq­qaam­mut im­minut malin­nis­simasut – tupin­nar­tuliorsin­naatitaasut. (Matt 10:1; Joh 10:41) As­sigiin­ngis­sutsit taak­ku isumakuluutiginagit Johan­nesip aal­lus­sil­luarluni Jehovamit sulias­sin­neqar­nini ulap­putigaa.

Uagut­taaq maan­na Jehovamit sulias­sin­neqar­ner­put pingaar­tik­kutsigu nuan­naar­ner­put at­tatiin­narsin­naavar­put. Terry, siusin­nerusuk­kut eq­qaaneqar­toq, ima oqar­poq: “Uan­nut sulias­siis­sutigineqar­tut tamaasa aal­lut­tarsimavak­ka.” Pif­fis­saq tamaat kif­far­torsimanini eq­qarsaatigalugu ima oqar­poq: “Peq­qis­simis­suteqan­ngilanga, nuan­nersuin­nar­nil­li eq­qaamasaqar­punga.”

Sulias­sin­neqar­nit­ta imaluun­niit akisus­saaf­feqar­nit­ta tamarmik suna naleqalis­sutigaat? ‘Guutimut suleqataaner­put.’ (1 Kor 3:9) Taman­na eq­qaamagutsigu nuan­naar­nerulis­saagut. Soorlu pigisar­put naleqangaar­toq kusanar­tuas­sap­pat paaril­luar­tariaqarip­put, taamatut­taaq nuan­naar­tuarumal­luta Jehovamut kif­far­tor­nit­ta ataq­qinaataanerata eq­qarsaatigeq­qis­saar­nis­saa pif­fis­saqarfigisariaqar­par­put. Nam­mineq suliavut al­lat suliaan­nut naleq­qiutis­san­ngilavut. Aam­ma misigilis­san­ngilagut Jehovap uatsin­nut sulias­siis­sutaa al­lanut sulias­siis­sutaanit naleqan­ngin­nerusoq. – Gal 6:4.

ANERSAAKKUT TUNNGASUT PINGAARTIKKIT

Johan­nesip nalusimanavian­ngilaa suliani utaq­qiisaagal­lar­toq, ilimagisimanavian­ngilaali kipitin­neqariasaar­tus­saasoq. (Joh 3:30) Ukiumi 30-mi uper­naak­kut, qaam­matit arfinil­lit mis­saat Jiisusimik kuisinerata kingor­na, kun­ngip Herodesip Johan­nesi par­naarus­saatip­paa. Taamaak­kaluar­toq sapin­ngisaminik nalunaajaajuar­poq. (Mark 6:17-20) Sooq al­lan­ngor­toqar­til­lugu nuan­naar­tuarsin­naasimava? Anersaak­kut tun­ngasut pingaar­tit­tuaramigit.

Jiisusip suliaasa amerliar­tuin­nar­nerat Johan­nesip par­naarus­saaq­qatil­luni tusar­tar­paa. (Matt 11:2; Luk 7:18) Qularin­ngivip­paa Jiisusi tas­saasoq Mis­siarsi, eq­qarsaatigisimas­savaali siulit­tuutit taas­sumun­nga tun­ngasut tamaasa Jiisusip qanoq eq­quutitik­kumaarai. Jiisusi ungasin­ngitsuk­kut Mis­siarsitut kun­ngiul­luni aqutsilis­sava? Kingunerisaanik Johan­nesi par­naarus­sivim­mit iperagaas­sava? Jiisusip qanoq iliorumaar­nera paasil­luarumal­lugu Johan­nesip ajoqersuk­kani marluk aal­lar­tip­pai ima apereq­qul­lugu: “Il­lit taan­naavit tikiut­tus­saq, al­lamil­luun­niit utaq­qis­saner­pugut?” (Luk 7:19) Johan­nesi tusar­naaq­qis­saarsimas­saaq ajoqersuk­kat oqalut­tuarmata Jiisusi tupin­nar­tuliorsimasoq Johan­nesilu ima oqarfigeq­qul­lugu: “Tap­piitsut tap­pis­sip­put, nukil­laarsimasut pisup­put, pupis­sut pupeerup­put tusilar­tul­lu tusaap­put; toqusut makip­put iivangkiiliulu piitsunut tusarliun­neqar­poq.” – Luk 7:20-22.

Johan­nesip taama tusarler­neqar­nini nakus­satsis­sutigisimas­savaa. Mis­siarsi pil­lugu siulit­tuutinik Jiisusip eq­quutititsineranik qularun­naarsin­neqar­poq. Naak Jiisusip par­naarus­sivim­mit iperagaatin­ngik­kaluaraani Johan­nesip nalun­ngilaa kif­far­tuutini pingaaruteqar­toq. Qanorluun­niit atugaqaraluarluni nuan­naar­nis­saminut pis­sutis­saqar­poq.

Johan­nesi ilaarlugu anersaak­kut tun­ngasut pingaar­tik­kutsigit nuan­naarluta piner­tusaarsin­naas­saagut. (Kol 1:9-11) Biibilip atuar­neratigut eq­qarsaatigeq­qis­saar­neratigul­lu Guutimut kif­far­tor­nitsin­ni suliat­ta naleqar­neran­nik eq­qaasin­neqar­tar­pugut. (1 Kor 15:58) Sandra ima oqar­poq: “Ul­lut tamaasa Biibilimi kapitalimik ataatsimik atuar­tar­neq Jehovamut at­taveqarluar­nerulis­sutigisimavara. Taamaalil­lunga im­minut eq­qarsaatigival­laar­nanga Jehova eq­qarsaatiginerusar­para.” Aam­ma peqatigiif­fim­mi angusat malin­naaf­figigutsigit nam­mineq atuk­kavut eq­qarsaatigival­laar­nagit Jehovap naam­mas­sisai eq­qarsaatiginerulis­savavut. Sandra ima oqar­poq: “JW Broadcasting^® -imi qaam­mam­mut aal­lakaatitas­siat peqatigiif­fim­mi akuunerusutut misigilis­sutigisar­pak­ka sulias­sin­neqar­nitsin­nilu nuan­naar­tuar­nis­samut iluaqutigalugit.”

Johan­nesip Kuisisup oqaluus­sinera sivisual­laan­ngik­kaluar­toq ‘Eliatut anersaaqarluni pis­saaneqarlunilu’ suliani ingerlap­paa. Inuuvoq “uatsitut misigis­susilik”, soorlu Elia aam­ma taamaat­toq. (Luk 1:17; Jaak 5:17, NW) Johan­nesip qujamasun­nera anersaak­kul­lu tun­ngasunik pingaar­titsinera ilaarutsigu uagut­taaq qanorluun­niit atugaqaleraluarut­ta Jehovamut kif­far­tor­nitsin­ni nuan­naar­tuarsin­naavugut.