Kalaallit nunaanni Jehovap Nalunaajaasuinut tamanut
Asasavut qatanngutivut!
Maanna novemberimi nalunaarutisi naatsorsoreersimalerpavut taamaattumillu katinnerisa allattorneri nassiutipallallugit:
Oqal. Atuakk. Broch. Nal.ak. Pisart. Atuag. Pulaaqq. Atuaqq.
Nov. 120 160 197 3066 31 3322 1345 96
Agg. 10,5 13,9 4,8 0,5
Nalunaarusiarsi tamannattaaq qiimmaallannarlunilu nersornaqaaq. Qaammatini marlunni tulleriiginnarni oqaluussisartut 120-nik amerlassuseqarput, ersaripporlu ukiuugaluartoq silalu ajortaraluartoq eqiasuillusi sulisusi. Ingammik atuaqqissaaqatiginninnerit amerlisimanerat nuannaarutissaavoq. Atuaqqissaaqateqarnerit 96-it nalunaarutigisimavasi, oktoberimi atuaqqissaaqateqarnernit 11-nik amerlanerusut. Kisitsisip annertuup tamatuma ersersippaa suli suliassaqaqisoq aammalu Kalaallit Nunaanni Jehovap ’inuit pigisai amerlaqisut’. — ap. sul. 18:9, 10.
Ukiup taarseruttorlunilu issileruttorfianiippugut, ilisimalluinnarparpullu tamanna ilissinnut kiffartornissinnullu ajornartorsiutinik immikkut ittunik nassataqartartoq. Oqaluussisartunut pisariaqartitsiffiunerusumi kiffartorniarlutik Kalaallit Nunaannukarsimasunut ingammik immaqa artornarnerusinnaavoq, pissutsit sungiusimanngisatik atortariaqaramikkik. Taamaakkaluartorli nalunaarusiani tamani erserpoq tamassi ilungersorlusi nikallujuillusilu Naalagaaffiup soqutigisai salliutittuarisi. Tamatuma erseqqissarpaa ’uppersutsikkut nikallujuinnissamik’ Peterip kajumissaarutaa malissimagissi. (2 Pîtr. 1:5, 6) Rûmamiunut agdlagkat 5:3-mi Paulusip oqaasiilu naapertussagaanni nikallujuissuseq iluarisaanermik kinguneqartarpoq. Iluarisaagassi nakkaannarsimanasilu imaluunniit eqqortumik iliorunnaarsimannginnassi pilluaqqussuterpassuarnik Jehovamit pisarpusi.
Suliaq annertooq ingerlatarsi qatanngutitta amerlasuut angutit arnallu soqutiginnillutik malinnaaffigaat, aammalu nikallujuissusersi ilungersussusersilu uppernermikkut nakussatsissutigalugulu kajumissaatigaat. Aap, ’nalunaajaasunut taama eqimatigisunut’ maligassiuinermikkut ’ninniortitseqqajaaginnartunik iperaanissamik’ aammalu ’nikallujuilluni siunertarititaasumut arpannissamik’ Guutip innuttaanik kajumissaarisunut ilissi ilaavusi. — Epr. 12:1.
Qularutigissanngilarsi ’tusagassamut nuannersumut upperneq pillugu assorooqatigigassi’ aammalu eqqarsaatitsinni qinnutitsinnilu puiorneq ajorassi. (Fil. 1:27) Asannittumik inuulluaritsi.
Qatanngutisi
Vagttårnets Bibel- og Traktatselskab
Oqaluussinermut tunngasumik ataatsimiinnermi tulliuttumi saqqummiunneqassaaq