Kalaallit nunaanni Jehovap Nalunaajaasuinut tamanut
Asasavut qatanngutivut!
Upernaakkut suliniarnersuaq ingerlalluartorujussuuvoq sumilu tamaani ulappunneqarnera tusaamavarput. Februarimili aamma nersornartumik suliniartoqarsimavoq, angusimasassinnillu nalunaarfigisinnaagassi nuannaarutigaarput:
Oqal. Atuakk. Broch. Nal.ak. Pisart. Atuag. Pulaaqq. Atuaqq.
Feb. 120 212 74 2765 25 2697 1322 106
Agg. 11,0 13,7 5,7 0,6
Qaammammi tamatumanittaaq oqaluussisimanermik nalunaarut tamanna kajumissaataavoq. Naak issillunilu aputeqaraluartoq aalajaatsumik pitsaasumillu kiffartorsimavusi. Bibelimik atuaqqissaaqatigiinnerit amerlassusiat qutsissoq atatiinnarsinnaasimavarsi, tamannalu nersornaqaaq. Aammalu nalunaaquttap-akunnerisa ilagiinni oqaluussisartut angusimasaasa agguaqatigiinnerat 11,0-uummat nuannerpoq. Ataatsimut oqaatigalugu nalunaarutip erseqqisumik takutippaa aallussilluartumik aalajaatsumillu isumarsi.
Kristumiutut oqaluussinermi siumukartuaannarumagaanni, taamalillunilu sapinngisamik pitsaasunik angusaqarumagaanni, siunnersuuterpassuit Jehovap peqatigiisortaaninngaaneersut atorluartarnissaat pisariaqarpoq. Ilanngutassiami „Ilisimaniarit — ilikkakkatit maleruakkit“-imi Naalagaaffimmik Kiffartuuteqarneq-mut ilanngussaq-mi aprilimeersumi inuunerput tamaat taamaaliornissamik akisussaaffipput erseqqissarneqarpoq. Tamanna inuunitsinni pilluarnisatsinnut nalerisimaarnissatsinnullu aalajangisuuvoq. (Takuuk Lúkarse 11:28 aamma Jâko 1:25.) Aamma oqaluussisarnitsinni taamaaliornerput pulaarfigisatta pilluarnissaannut aalajangisuuvoq. Inunnut pulaartarnitta pissutaa tassaavippa asanninneq naamminissarsiujuitsoq? Uummaterput iluunngarlugu kissaatiginerparput inuit Jehovamik ilisarsinissaat taassuminngalu pallorfiginnittunngornissaat, aammalu Jehovap silarsuarmi tamarmi peqatigiissortaani uatsitut nuannaarnermik pilluarnermillu angusinissaat? Taamaannera takuneqarsinnaassaaq uagut unnersuussutinik tigusimasatsinnik qanoq ilungersortigisumik maleruaaniarnitsigut. Tassuuna aamma paasineqarsinnaassaaq uagut paasisimaneripput unnersuussutit tamakku misilinneqarluareersimasuusut qasseeriarlutik pitsaasumik sunniuteqartarsimasut. Taamaattumik oqaluussisarninni ilisimaniarit ilikkakkatillu illit iluaqutissannut allallu iluaqutissaannut atukkit.
Pissanngatigingaarparput martsimi kiffartuusinissinnik nalunaarutissi tigunissaa. Aamma Jehova qinnuigaarput taassuma naalagaaffia nuanningaartoq annertuumik nalunaajaassutiginiarnerani ilungersoqataanersi pilluaqqoqqullugu. Asannittumik inuulluaritsi.
Qatanngutisi
Vagttårnets Bibel- og Traktatselskab
Oqaluussinermut tunngasumik ataatsimiinnermi tulliuttumi saqqummiunneqassaaq.