Kalaallit nunaanni Jehovap Nalunaajaasuinut tamanut
Asasavut qatanngutivut!
Ulapikkaanni piffissaq sukkasaqaaq, upernaakkullu suliniarnersuaq qaanngiuteriikatappoq. Qaammatit marluk siulliit naalereerput, maannalu qaammammi martsimi angusimasasi nalunaarutigisinnaavavut.
Oqal. Atuakk. Broch. Nal.ak. Pisart. Atuag. Pulaaqq. Atuaqq.
Mar. 121 297 112 3740 13 3283 1643 112
Agg. 13,5 13,1 6,5 0,6
Naammassisimasarsi nuannaarutigissallugu pissutissaqarluarpoq. Bibelimik atuaqqissaaqatigiinnerit 112-iisimapput, siornalu martsip qaammataanut naleqqiullugit 18 procentinik amerlanerupput. Hjælpepionerit 11-iusimapput, naallu sila issikkaluaqisoq agguaqatigiisillugu nalunaaquttap-akunneri 59,8-t angusimavaat. Katillugit nalunaaquttap-akunneri 3740-t atorneqarsimapput, imaluunniit siornarnit 25 procentinik amerlanerusut, pulaaqqiinerillu 1643-t tassaapput Kalaallit-Nunaanni angusimasat qutsinnerpaartaat. Aamma nuannaarutigaarput nalunaarutigisinnaagatsigu eqqaaniaalluni nalliuttorsiornermi 246-t najuussimasut, angusimasat annerpaaffiat qaangeqqillugu! Soorunalimi qiimmaallatsitsisut tassaanngillat kisitsit imminni. Kisianni angusimasat ersarissumik takutippaat Jehovap aallussilluartumik kiffartornersi pilluaqqugaa, takutippaallu inuit amerlasuut kristumiut ilumoortut ilagiissaat attuumasuteqarfigilersimagaat taamaalillutillu ’Guutip naalagaaffia ungasinngikkaat’. (Mákorse 12:34) TAMANNA qiimmaallannaqaaq!
Naak upernaakkut suliniarnersuaq maannakkut ingerlalluaraluartoq, aasarlu suli ungasissorinaraluaqisoq, aasaru anersaakkut sulissutigisassat maannangaaq piareersarnissaat pisariaqarpoq. Silamiut sulinngiffik namminiinnaq iluarisaminnut atugassatut kisimillu oqaasissaqarfigisassatut isigaat, piffissatut pissussaaffeqanngiffiusutut, aap, piffissatut namminneq pigisamittut. (2 Timûtiuse 3:4) Uaguttaaq sulinngiffitta sumut atornissaa nammineq aalajangigassaraarput, kisianni pissussaaffeqarpugut piffissarlu nammineq pigisatsittut isiginagu. Kristumiuugatta piffissarput tamaat nukivullu tamaasa Jehovamut tunniussimavavut, tamannalu aasap qaammataanik atuinissatsigut takuneqarsinnaasariaqarpoq. Naak aasaallunilu sulinngiffiugaluartoq, oqaluussineq ’pinnginneq uatsinnut ajornarpoq’ (1 Korintumiut 9:16), sulilu ’katisimasarfipput qimannaveertariaqarlugu’ (Eprîarit 10:24, 25), ilaallu ilanngullugit. Soorunami aamma qasuersaarfeqartariaqarpoq, ajunngitsumillu pilersaarusiornikkut pisariaqartitaq tamanna silatuumik naammassineqarsinnaavoq. Kisianni ilagiinnit aallaruit oqaluussinermi nalunaarsuutivit piffissaalluartukkut ilagiinni allatsimut tunniunnissaa pilersaarutigisariaqarpat, tassa aallartinnatit allatsimut tunniunnissaa eqqaamallugu imaluunniit nassiullugu.
ússatit 21:5-imi (NV) allassimavoq: „Eqiasuitsup pilersaarutai ajunngitsumik kinguneqartarput,“ qatanngutillu Kent Stitzip ilagiississinni pulaarsimanerminik nalunaarummini kiffartornersi eqiasuitsoq aallussilluartorlu eqqartorpaa. Isumaqarpugut taassuma pulaarsimanera pissarsiaqarfigisimassagissi, siunnersuutillu pitsaasut ilissinnut tunniussimasaasa malinissaannik kajumissaarniarpassi.
Peqatigalusi eqiasuitsumik ilungersornerput ’ajunngitsumik kinguneqartoq’ nuannaarutigalugu, asannittumik inuulluaqqungaarpassi.
Qatanngutisi
Vagttårnets Bibel- og Traktatselskab
Oqaluussinermut tunngasumik ataatsimiinnermi tulliuttumi saqqummiunneqassaaq