Kalaallit nunaanni Jehovap Nalunaajaasuinut tamanut

Asasavut qatanngutivut!

Allakkat uku tigugussigik aprilimi suliniarnersuarmik immikkut ittumik piareersarneq aallartereersimassaaq neriunartumillu ukiup issinnera, apisarnersua silarluttarnersualu qaangiutilereersimassapput. Januarimi nalunaarusiarsi suliarisimavarput, nuannaarutigaarpullu inernerit qiimmaallannartut ingerlateqqissinnaagatsigik. Nalunaarusiarsi imaappoq:

Oqal. Atuakk. Broch. Nal.ak. Pisart. Atuag. Pulaaqq. Atuaqq.

Jan. 115 169 40 3353 20 2209 1404 128

Agg. 14,3 10,0 7,1 0,8

Nersornartumik suliniartoqarsimavoq. Ingammik nalunaaquttap-akunneri ilagiinni oqaluussisartut atorsimasaat agguaqatigiisillugit amerlasuut 14,3-init ikinnerunngitsut erseqqissarnissaannut nuannaarutiginissaannullu pissutissaqarpoq. Bibelimik atuaqqissaaqatigiinnerit 128-it ingerlanneqarsimapput, tamannalu siorna qaammammut tamatumunnga naleqqiullugu procentinik 12,3-nik siuariarneruvoq. Nalunaarusiaq qiimmaallannaqisoq uppernikkullu nakussatsinnartoq.

Allakkatsigut matumuuna erseqqissarusupparput sallusuissut kinguneqarluartumik saqqummiussinnaaniassagaanni eqqorluartumik ilisimasaqarneq qanoq pingaaruteqartigisoq. Maluginiaruk îvangkîlio Lúkarsip agdlagâ-ni Kapitali 20, versi 27-miit 39-mut qanoq tamanna takutinneqartoq. (Atuarneqassapput)

Saddukæerit makinnissaq upperinngilaat, taamaattumik Jesus saqqummiuffigaat oqaluttuamik namminneq isumartik naapertorlugu takutitsisumik toqusut uumaqqinnissaat upperissallugu sianiitsorpallannerusoq. Oqaluttuaraat arnaq inuunermini angutinut assigiinngitsunut arfineq-marlunnut katissimasoq. ’Taava makifissaq nalliuppat kia taakkua arlaata nuliartaarissavaa?’ aperipput. Jesusip versi 34-miit akissutaa nalunanngitsumik ilimagisimanngilaat. Qularnanngitsumik periarfissaq makititaasut katittannginnissaat inngilisut ikkumaartut eqqarsaatiginngisaannarsimavaat. Jesusilli paasivaa ajornartorsiutivissuat tassaasoq makinnissaq upperinngikkaat. Taamaattumik tassunga tunngatillugu immikkut ittumik nassuiaavoq. Mosesip allagaanit (2 Mos. 3:6) saddukæerit upperineragaanni akivai. Versi 37-miit 39 tikillugu atuarpugut: ’Toqusunillu makikkumaartunik Mosesissaaq nalunaajaavoq kakillarnaqutaasat oqaatigineqarmata, [Jehova] „Abrahamip Guutianik Isakillu Guutianik, Jakobillu Guutianik taagamiuk“.’ Saddukæerit takusinnaalernerpaat oqaatsit tamakku makinnissamut attuumassuteqartut? Illit takusinnaaviuk? Jesusip nassuiarpaa sooq oqaatsit taakku issuaaffigalugit. Oqarpoq: ’Guutimi toqusut Guutiginngilaat, inuusulli Guutigaat, taassumunnga tamarmik inuummata.’ Jesus oqaqqittariaqanngilaq. Uumassuseqanngitsut Pinngortitsisoqarsinnaapput, inuilli inuusut kisimik ataqqisaminnik pallorfigisaminnillu Guuteqarsinnaapput. Abraham, Isak Jakobilu toquinnarsimasuuppata iliverneqaannarsimallutillu makinnissamillu neriuutissaqaratik, Jehova oqaannarsimasinnaagaluarpoq: ’Guutigisimavaannga’. Kisianni taama oqanngilaq. Allakkanik ilisimasut qisuariarnerat pissusissamisoorpoq, oqaramik: ’Ajoqersuisoq, oqarluarputit.’ Aap, Jesus maligassaalluartumik takutitseqqippoq qanoq inuit ajoqersorlugillu tunngaveqarluartumik eqqarsalersinneqarsinnaasut.

Oqaluttuap Mosesimik allakkat aappaat-ningaanneersup toqqaannartumik makinnissaq eqqartunngilaa, kisianni sakkortuumik, assortugassaanngitsumik toqusut uummartitaaqqinnissaannik uppernarsaatissamik imaqarluni. Uppernaasaat tamanna illit eqqumaffigissagaluarpiuk? Bibeli ima nalunngitsigaajuk taama sunniuteqarluartigisumik atorsinnaallugu? Taamaanngippat, pissutissaqarluassaaq tamatigut atuaqqissaarlugulu misissoqqissaassallugu.

Nammineerluni Bibelimik atuarneq, ilinniaqqissaarneq eqqarsaqqissaarnerlu ulluinnarni inuunitsinni pissusissamisoortumik ileqqorissavavut. Allat upperisatsinnik qularunnaarsissinnaassagutsigik upperisatta tunngavia Bibelimeersoq ilisimallugulu paasisimasariaqarparput. Tamatumali saniatigut eqqarsaatigilluartariaqarparput qanoq inunnut assigiinngitsunut sallusuissut nassuiarsinnaallutigu, soorlu aamma pitsaassasoq eqqarsaatigissallugu qanoq immikkoortut assigiinngitsut assersuummik assilissanillu erseqqissaaffigissallugit. Taamaaliornitsigut ’oqaatsimik sallusuissutip pianik tunioraalluartutut’ iliuuseqaannaanngilagut aammattaarli inuit eqqortumik isumallit tusagassamik nuannersumik ilassinninnissaannut oqilisaatissavavut. — 2 Tim. 2:15.

Asannittumik inuulluaqquatsigit.

Qatanngutisi

Vagttårnets Bibel- og Traktatselskab

Oqaluussinermut tunngasumik ataatsimiinnermi tulliuttumi saqqummiunneqassaaq.