Nalunaarutit

◼ Oqaluussisartut ilaqutariillu ataasiakkaat ataatsimeersuarnerit nalaanni aasaaneranilu sulinngiffeqarnermi oqaluussinermut aalajangersimasumik peqataanissaminnut pilersaarusiornissaat pingaaruteqarpoq. Qaammatip naalernerani ilagiinnit ilaaffigisatsinnit qimagusimagutta oqaluussisimanitsinnik nalunaaruterput nalunaaruserisumut siusinaarluta nassiuttariaqarparput, qaammammi pineqartumi ilagiit nalunaarsuutaannut ilaaniassammat.

◼ Soorlu Naalagaaffimmik Kiffartuuteqarneq-mi julimi 1991-imeersumi eqqaaneqareersimasoq piffissap ilagiit ataatsimiittarfigisaata allanngortinnissaa ukiumut ataasiaannarluni pisinnaavoq, tassa septemberip aallaqqaataani. Taamaattumik ilagiit tamarmik eqqarsaatigereertariaqarpaat ukiumi oqaluussiffiusussami tulliuttumi qassinut ataatsimiittassanerlutik. Nalunaarsuutivut malinnaajuaannarsinnaaqqullugit allatsi qinnuigissavarput allagartaq „Qassinut ataatsimiittarnerup allanngornera“ kingusinnerpaamik 6. augusti 1992 nassiuteqqullugu, allannguisoqaraluarpat allannguisoqanngikkaluarpalluunniit!

◼ Nuannaarutigaarput nalunaarutigisinnaagatsigu ulloq oqaluussiffissaq immikkut ittoq pilersaarutigineqarmat arfininngornermi oktoberip 3-ani pisussatut. Oqaluussisartut tamaasa kajumissaarumavavut peqataanissartik maannangaaq pilersaarusiulereeqqullugu. Aammalu maanna piffissaalereerpoq oktoberimi ikiorti-pioneriusinnaanerluni eqqarsaatigileriissallugu.

Kalaallit Nunaat: Martsimi nalunaarutigineqarpoq oqaluussisartut amerlanerpaaffiat qaangerneqarsimasoq, ukiumi oqaluussiffiusumi matumani pingajussaanik, oqaluussisartut 133-nngorsimallutik. Maanna Biibilimik atuaqqissaaqatigiinnerit 146-pput.