Biibilimik atuaqqissaaqatitaarumallutit pulaaqqiisarit
1 Soqutiginnittumik naapitsigaangatta soqutiginninnerata ataannartinnissaa isumageqqissaartariaqarparput. Taamaaliorsinnaavugullu pulaaqqinneratigut. Pulaaqqiineq Biibilimut tunngasunik oqaloqatigiinnermik Biibilimillu atuaqqissaaqatigiilernermik inuunermik annaassissutaasumik kinguneqarsinnaasarpoq. Qanoq ililluni siumukariartortumik pulaaqqiisoqartarsinnaaneranik siunnersuutit matuma kingulianiittut eqqarsaatigeqqissaakkit.
Pulaaqqaarnerpit naalernerani immaqa pulaaqqinnissannut tunngavissiuisinnaavutit ima aperalutit:
◼ „Eqqarsaatigisimaviuk sooq upperisat taama amerlatigisut?“ Pulaaqqikkuillu ima aperisinnaavutit: „Siullermik pulaarakkit aperaakkit eqqarsaatigisimanerit sooq upperisat taama amerlatiginersut. Taama amerlatiginerannut pissuterpassuaqarpoq. Aamma uanga apeqqut tamanna paasiniarnikuuara, soqutiginartumillu nassaarsimallunga ilinnut takuterusutannik.“ ’Ræsonnerebogimi’ qupperneq 307 qupperuk qulequttallu „Hvorfor er der så mange religioner?“-ip (’Sooq upperisarsiornerit taama amerlatigippat?’) ataaniittoq atuarlugu.
2 Upperisarsiornerit tamaasa Guutip iluarai? Upperisaq Guutip iluarissappagu eqqortunik inerititaqartariaqarpoq.
Pulaaqqiininni ima aallarniisinnaavutit:
◼ „Upperisaq inuunitsinnut inuttullu pissutsitsinnut qanoq sunniuteqartariaqarpa? Jesusip oqaasiisa Matîuse 7:17-20-miittut takutippaatigut upperisap ilumoortup suna ilisarnaatigissagaa.“ Allassimaffik atuakkami Menneskets søgen efter Gud-imi, qupperneq 12-imi, immikkoortup 19-ip naggataani allassimasoq toqqaannartumik atuarsinnaavat. Taava quppernermi 13-imi assiliaq takutiitigalugu aperisinnaavat suna takusinnaaneraa. „Inuit millionilippassuit Guutimut upperneraatigalutik suliamikkut miserratigaat.“ Taava immikkoortoq 20-mi oqaaseqatigiit siulliit marluk atuarsinnaavatit. „Iliuutsit ajortut tamakku takutippaat upperisarsiortut kikkut Kristusip asaqatigiinnissatsinnik, allaallu akeqqatsinnik asanninnissatsinnik, unnersuussutaa maleruanngikkaat. Tulliani aggeqqikkuma immaqa eqqartorsinnaavarput inerititat ajunngitsut suut upperisap inerititarisariaqarai.“
3 Guutimik ilumoortumik ujarlersut siunissami qanoq atugassaqarpat? Apeqqummik tamatuminnga atuagaq Menneskets søgen efter Gud toqqaannartumik atorlugu oqaloqatiginnissutiginninneq immaqa Biibilimik atuaqqissaaqatigiilermik kinguneqarsinnaavoq.
Aallarniutitut ima oqarsinnaavutit:
◼ „Ullumikkut taama aningaasatigut ajornartorsiorneqartigitillugu inuppassuit siunissaq isumalluarfigiuminaatsippaat. Kisianni malugisimavara Biibilimi siunissaq isumalluarnartumik eqqartorneqartoq. Soorlu malugeriaruk Jesaja 65:21, 22, 25-imi allassimasut. [Atuaruk oqaaseqarfigilaarlugulu.] Tamanna pillugu apeqqutit soqutiginartut atuakkami Menneskets søgen efter Gud-imi akineqarput, quppernermi 372-imi immikkoortoq 17-imiit.“ Taava takutiguk qanoq ililluni immikkoortut 17-20 ikiortigalugit Biibili atuaqqissaarneqarsinnaasoq. „Sapaatip-akunnerata tulliani apeqqut manna akiumaarpara: Silarsuassap nutaap Biibilimi neriorsuutigineqartup suna tunngavigaa?
4 Piffissaq sinneruttoq silatuumik atoruk nunarsuarmi inuiannut tamanut peqqissaartumik nalunaajaallutit. (Naleqqiuguk apustilit suliáinik agdlagkat 20:21.) Biibilimik atuaqqissaaqateqalernissarput siunertaralugu pulaaqqiisarutta oqaluussiffigisatsinnut inuunermik naassaanngitsumik kinguneqarsinnaavoq. (km 6/92 Kom igen for at oprette bibelstudium)