Soqutiginnittut isumagikkit
1 Jehovap allanit tamanit inuit isumaginerpaavai. Nunap piinik amerlangaartunik tuniinnarnata aamma inuussutissanik anersaakkut ittunik pisariaqartitatsinnik tunisarpaatigut. Isumagingaaramitigut allaat uummativut misissortarpai. — Tuss. 139:23.
2 Jesus nunamiikkallarami Ataatani maleqqissaarsimavaa. Qularnanngitsumik eqqaamavat angut Jesusimut ima oqartoq: ’Naalagaq, piumaguit pupeerutissinnaavarma.’ Jesusip qanoq akivaa? ’Piumavunga.’ (Mat. 8:1-3) Uillarnerlu aliasungaartoq takugamiuk Jesus qanoq iliorpa? Unilluni ikiorpaa. (Lúk. 7:11-15) Uagut soqutiginnittut isumaginerusinnaavavut?
3 Jehova Jesus Kristusilu malinniarlugit allat inuttut soqutigisariaqarpavut. Taamaaliorsinnaavugut peqqissartumik allattuisarutta taavalu piareersartarutta pulaaqqiitinnata. Pulaarfigisap kingullermik atuagassiat tigusimappagit, ilanngutassiat ilaannit eqqarsaat aalajangersimasoq eqqartorsinnaavat. Malugiuk qanoq taamaaliortoqarsinnaasoq.
4 Napasuliaq Alapernaarsuiffik oktoberimeersoq tunniussimagukku ilanngutassiarlu „Inuiaat ilumut Messiasimik pisariaqartitsippat?“ erseqqissarsimallugu pulaaqqiinissanni sarĸúmersitat 21:4-p aamma Juánase 17:3-p atornissaat piareersaarsinnaavat.
sarĸúmersitat 21:4 atuareerukku ima aperisinnaavutit:
◼ „Silarsuaq taama ittoq qanoq ililluta inuuffigilersinnaavarput? [Pulaarfigisaq oqaaseqartiguk.] Malugiuk tassani inuutitaasinnaassagaanni qanoq iliortoqartariaqarnersoq Messiasip qanoq oqaatigisimagaa.“ Taava Juánase 17:3 atuaruk, tassani takutinneqarmat silarsuassami nutaami eqqissisimaarfiusumi naassaanngitsumik inuuniaraanni Guuti Kristusilu pillugit ilisimasaqartariaqartoq. Pulaarfigisaq soqutiginnippasippat naqitigaaraq Silarsuarmi nutaassami eqqissisimaarfiusumi inuunissaq atorlugu Biibilimik atuaqqissaaqatiginiarsinnaavat.
5 Vågn op! 8. oktoberimeersoq ima qulequtalik ’Misigissutsit nikallornartut ajugaaffigisinnaavatit’ pillugu oqaloqateqaruit angusaqarluarsinnaavutit. Pulaaqqiinermi Filípimiut 4:6, 7-mi allassimasut oqaloqatigiissutigineqarsinnaapput.
Ima aperisinnaavutit:
◼ „Ullumikkut misigissutsit nikallornartut ajugaaffigineqassappata qanoq iliortaqartariaqarnersoq illit qanoq isumaqarfigaajuk?“ Akissutaa tusarnaaruk oqaaseqarfigalugulu. Taava nangillutit ima oqarsinnaavutit: „Soqutiginarpoq malugalugu najoqqutassiat Biibilimi saqqummiunneqartut maleruaraanni isumakkut uummatikkullu eqqissineq anguneqarsinnaasoq. [Filípimiut 4:6, 7-mi eqqarsaatit naleqqulluartut innersuussutigikkit.] Biibilimi eqqartorneqarpoq siunissami inuit tamarmik Biibilip najoqqutassiai maleruassagaat suulluunniillu misigissutsit nikallornartut pilersissinnaassanngikkaat.“ Naqitigaaraq Silarsuarmi nutaassami eqqissisimaarfiusumi inuunissaq atorlugu pilluaqqussutissat allat piumaartussat oqaluttuarikkit ajornanngippallu pulaarfigisaq atuaqqissaaqatigalugu.
6 Inuppassuit paasisinnaanngilaat sooq silarsuaq taama ajussuseqartigisoq, Guutillu soqutiginninnginnera isumaginninnginneralu pissutaanngitsut paasissallugu pisariaqartippaat. Apeqqutit tamakku takkukkaangata atuagassiaaqqap Guutip ilumut soqutigaatigut?-p uparuarneratigut isumaginninnerat takutissavat. Atuagassiaaqqamik atuaqqissaaqatigiinnissamik soqutiginnitsilersinnaavutit periaaseq oqaluussinermut tunngasumik ataatsimiinnerni eqqartorneqartarsimasoq atorlugu.
7 Piareersarluarsimanikkut soqutiginnittut isumagigutsigik Guuti Kristusilu malissavavut, takutissavarpullu amerlanerpaasa annaannissaat kissaatigigipput. — 2 Pîtr. 3:9. (km 92/10 Vis omsorg for de interesserede)