Soqutiginninneq malittariuk
1 Illumiit illumut oqaluussisarnitsinni piffissaq soqutiginnittumut atorsinnaasarput killeqarajuttarpoq. Ilinniartitsinermik suliarpiaq amerlanertigut pulaaqqiinikkut Biibilimillu atuaqqissaaqatiginninnikkut pisarpoq. (Mat. 28:19, 20) Pitsaasumik pulaaqqiisinnaajumalluta kingullermik oqaluuserisimasat eqqarsaatigisariaqarpavut tamannalu nangillugu oqaloqateqarnissamut sungiusarsinnaavugut.
2 Upperisarsiornerup silarsuarmi sorsuunnernut eqqissiviilliornernullu attuumassuteqarnera kingullermik oqaluuserisimagussiuk ima oqarsinnaavutit:
◼ „Kingullermik oqaluuseraarput upperisarsiornerup sorsunnernut eqqissiviilliornernullu attuumassuteqarnera, oqaloqatigiinnerpullu apeqqummik matuminnga naggaserparput: Upperisarsiorneqarpa Guutip iluarisaanik? Tamanna eqqarsaatigiviuk? [Tusarnaaqqissaarit.] Tamatumunnga atatillugu Jesusip oqaasii eqqaajuartarpakka. Tassa Matîuse 7:21-23-mi allassimasut. [Atuaruk.] Takusinnaaviuk kia piumasaa malittariaqartoq? [Akinissaa utaqqiuk.] Guutip piumasaa malinngikkaanni taassumannga iluarisaasoqarsinnaanngilaq. Guutilli piumasaa suugami? [Akinissaa utaqqiuk.] Biibili ikiortigalugu tamanna paasiniarneqarsinnaavoq. Atuagaq kingullermik pisat ikiortigalugu marluulluta taamaaliorsinnaagaluarpugut?“
3 Inuppassuit aningaaserituunerat naggatissamilu inuunerput kingullermik oqaluuserisimagussiuk, nangeqqissinnaavutit ima oqarlutit:
◼ „Kingullermik oqaluuseraarput uagut nalerput Biibilimi siulittuutigineqarsimasoq, oqarputillu . . . [Oqaloqatigiissutigisimasassinnik taasaqatsiarit.] Soorunami annerusumik minnerusumilluunniit pissutsit taama ittut atuuttuarsimapput, inuppassuilli isumaqarput uagut nalerput allaanerusoq. Illit qanoq isumaqarpit? [Tusarnaaruk.] Kingullermik oqaluuserisatta saniatigut atuakkami uagut qujanartumik misiginngisarput eqqartorneqarpoq, ajoraluartumilli annertoorujussuarmik pisoq. [Quppernerit 150 aamma 151 takutikkit.] Oqaasertaa tusariassagit. [Quppernermi 149-mi immikkoortoq 4 imaluunniit quppernermi 154-imi immikkoortoq 7 atuaruk.] Uagut upperaarput ulluni kingullerni inuusugut ungasinngitsukkullu nunarsuaq paratiisinngortinneqarumaartoq. Tamannalu kapitalip tulliani sammineqarpoq. Tassa Biibilimi takutinneqarpoq ajornartorsiutinut suna pissutaasoq aaqqinneqassappatalu suna pisariaqartoq. Sorliup akissutissaa paaseqqaarusuppiuk?“ Imaasa allattorsimaffiat takutiguk.
4 Saqqummiusseriaaseq naatsoq kingullermik atorsimagukku pulaaqqinninni ima oqarsinnaavutit:
◼ „Kingullermik eqqartorparput pissaanileqartoq ajortumik inunnik sunniisumik. [Akissutissaa utaqqiuk.] Soorli Satanip, Biibilimimi taama taaneqarmat, taama ajortigisumik inunnik atugaqartitsinera Guutip akuerisimavaa? [Pulaakkat akili. Taavalu quppernermi 20-mi immikkoortut 15 aamma 16 oqaloqatigiissutigisigik.] Inuiaqatigiit Satan qanittukkut peerneqareerpat nunarsuarmi inuusussat Biibilimi erseqqilluinnartumik eqqartorneqarput.“ Kapitalimik siullermik atuarnissarsi pulaakkannut neqeroorutigiuk imaluunniit aallartiinnavigit.
5 ’Paratiisilersaarummut’ soqutiginninnerup malittarineratigut ersersissavarput kiffartuutitta naammassinissaa kissaatigigipput. (2 Tim. 4:5) Taamaalilluta tusarnaartivut inuunermik naassaanngitsumik anguniagaqalernissaannut ikiussavavut. — Juá. 17:3. (kmD 95/02 Følg interessen op.)