Eqqissinermut isumannaassusermullu Guutip aqqutaa oqaluussissutigiuk
1 Eqqissinermik isumannaassuusermillu atulersitsiniarlutik inuit assigiinngitsorpassuarnik misileraasimapput, tunngaviusumilli inuit pisariaqartitaat pilersissinnaasimanngilaat. Upperisarsiorneq, ammip qalipaataa sumiuunerlu pissutigalugit aammalu politikikkut nalaagaajumatunerup pileritunerullu silarsuarmi eqqissisinnaaneq isumannaassuseqarsinnnaanerlu akornusersimaarunarpaat. Kristumiulli ilumoortut nalunngilaat Satan Diaavulu inuillu Jehova Guutimik aqunneqarumanngitsut akornutiviusut. — Tuss. 127:1; Jer. 8:9; 1 Juá. 5:19.
2 Januarip qaammataani inoqatitsinnut paasisitsiniutigissavarput eqqissinermut isumannaassusermullu Guutip aqqutaa aqqutissatuaasoq, Jehovalu inuiaat ajornartorsiutaannut inaarutaasumik aaqqiissutissaqartoq.
3 Naqitaaqqat nutaat atortakkit: Naqitaaqqat nutaat ataatsimeersuarnermi ’Qaammaqqusersuisut’-mi saqqummersinneqartut atorlugit tusarliussassamik nuannersumik tamatuminnga oqaluussisinnaavugut. Qanoq ililluta oqaluussinitsinni aallarniisinnaanerluta qanorlu ililluta Biibilimik atuaqqissaaqatigiinneq aallarnersinnaanerlugu naqitaaraq normu 19, Silarsuaq manna aniguissava? atorlugu takutitsineq pisariunngitsoq takuarput. Silarsuup naggatissaa pillugu Jesusip siulittuttaa malunnartumik eqquuttoq pissutigalugu qularnanngitsumik amerlasuut soqutiginnilissapput.
4 Ullumikkut inuit millionilikkuutaat isumatsassimappput katsorsarneqarnissamillu eqqissinermillu isumannaassusermillu piviusumik erinisullutik. Isumatsassimasunut tuppallersaatissaq (naqitaaraq normu 20) amerlasuunut tuppallersaataasinnaavoq.
5 Mannakkut Guutip silarsuaanik nutaamik nuanningaartumik utaqqinitsinni ilaqutariittut inuuneq pitsaanerusoq qanoq illilluni anguneqarsinnaanersoq naqitaaqqami normu 21-mi, Ilautariittut inuuneq nuannaarutigiuk-mi siunnersuutigineqarpoq.
6 Naqitaaraq normu 22 apeqqummut Kina silarsuup naalagaraa-nut toqqartumik akissuteqarpoq. Naak amerlanerit eqqissisimasumik isumannaatsumillu inoorusukkaluartut sooq inuit imminnut amiilaarnarnerpaamik naalliutsillutillu toqoraannersut nassuiarpaa. Qilammi ajortunik pissaanilinnik anersaaqarpoq, Satanilli salluliuutaa peqqusersuunerpaaq tassaavoq inunnik amerlasuunik ingilipilunilu piunerminnik upperunnaarsitsinera.
7 Biibilimik atuaqqissaaqateqarnernik aallartitsigit: Naqitaaraq, atuagaaraq, atuagassiaq atuagarluunnit atorlugu Biibilimik atuaqqissaaqateqarneq aallartissinnaavat. Atuagassiaatitsinnik peqareersoq paasigukku, taanna atorlugu qanoq ililluni Biibilimik atuaqqissaartoqarsinnaanersoq takutissinnaavat. Naqitaaqqat nutaat atuagaararlu nutaaq, Guutip ilumut soqutigaatigut? Biibilimik atuaqqissaaqateqarnermik aallartitsinermi iluaqutaalluartuupput. Atuagaateqarpuguttaaq inuit atorfissaqartissinnaasaannik tamanik matusisunik. Ilagiinni ’Ilaqutariilersaarut’, „Lad dit rige komme“, ’Sallusuissutilersaarut’ Hvordan du får det bedste ud af din ungdom-milu pigineqarpata, oqaluussinermi atoraanni pitsaassaq.
8 Pinngortitsisoq, Jehova Guuti, kisimi eqqissinermik isumannaassusermillu piviusumik pilersitsisinnaavoq. Amerlanerpaat sallusuissummik Guutip oqaasianeersumik isummaminni uummatiminnillu ammaassinissaannik neriuuteqartitsinerannillu ilassinninnissannik ikiorusuppavut. Eqqissinermut isumannaassusermullu Guutip aqqutaanik oqaluussigaangatta iluaqutigisinnaasavut atortartigit. — Jes. 2:3, 4. (kmD 1/93 Forkynd om . .)