Atuagassianik pisisartut aalajangersimasut
1 Atuartartoq oqarsimavoq Napasuliaq Alapernaarsuiffik-mik Iteritsi!-millu atuartarnermini nalilinnik piviusunik ukiut arfinillit universitetimi atuarnerminiit ilikkagaqarnerungaarsimalluni. Qaqutigoortuunngilaq atuartartut eqqortuliorusuttut atuagassiat sivikitsuinnarmik atuartareerlugit pingaartitsinermik nittaasarnerat. Nuannaarutigalugu atuagassiaativut akulikitsumik piumasunut tunisassavavut. Pitsaassaarli atuagassiat pingaartinneqarneri imarisaalu pingaartut ataqqineqarlutik atuarneqartarneri qulakkiissagutsigit pajuttakkatta akiliisittarnerisigut.
2 Amerlasuulli sallusuissummik soqutiginnillutik nittaasimasut Biibilimik atuaqqissaaqateqarneq suli kissaatigilersimanngilaat. Soqutiginninneralli immaqa alliartorsinnaavoq Napasuliaq Alapernaarsuiffik-up Iteritsi!-llu normuinik nutaanik akulikitsumik pajunneqartarunik. Aalajaalluni atuagassianik pajutsisarnikkut pulaartagaq Biibilimik atuaqqissaaqatigineqalertarsimavoq.
3 Nammineerlutalu atuagassianik pajutsisarnerput iluaqutigisinnaavarput atuagassiat atuaqqaartarutsigit pajuttakkattalu ataasiakkaat soqutigisinnaasaat maluginiartarlugit.
4 Atuagassianik pajutsisarneq qanoq ililluni aallartinneqarsinnaava? Pulaakkat atuagassiamik pinermini soqutiginninnermik nittaappat oqaluttuussinnaavat atuagassiaatitsinni soqutiginartunik ilanngutassiaqartartoq, ullut 14-ikkuutaarlugit (kalaallisut qaammammut ataasiarluni) saqummersartut pajuttarumallugulu. Assersuutigalugu imatut oqarsinnaavutit: „Atuagassiaativut atuarsimavigit? Nuannaraagit?“ Angerpat, nangissinaavutit: „Eqqassinni atuagassiaatitsinnik qaammammut marloriarlutik pisartut arlaqarput, illit aamma pajuttarsinnaavakkit. 4 kronilerlugit pisarsinnaavatit.“ Akulikitsumik aggertarit Biibililersaarutinillu pulaakkat oqaloqatigisaruk. Qularutiginngilarput atuagassianik pajutsisarneq kiffartuussininni nuannaarutissarsiffigingaassagit. (kmD 1/93 Opret en bladrute)