Atuagaq Inuk inuit inuusimasut pingaarnerpaartaat atorlugu Biibilimik atuaqqissaaqateqalertarit
1 Biibilimik atuaqqissaaqateqaraangatta uagutsinnut atuaqqissaaqatigisartakkatsinnullu nuannaarutaasarpoq. Biibilimik ilisimassummik ingerlatitseqqinnermik nuannaarutaasoq allamut assersuunneqarsinnaanngilaq. — Ussatit 11:25.
2 Ullunut kingullernut nalunaaqutit: Kingullermik pulaagaqaravit naqitaaraq Silarsuaq manna aniguissava? aallarniutigisimagukku, maannakkut apeqqutaalissaaq Inuk inuit inuusimasut pingaarnertaat-ni kapitali 111 atorlugu Biibilimik atuaqqissaaqateqartarnissaq qanoq aallartissinnaanerit. Kapitali 111 quppersinnaavat immikkoortullu siulliit pingasut atuarsinnaallugit, taava kapitalimut apeqqut siulleq apeqqutigisinnaavat: „Suna pissutigalugu apustilit apeqquteqarpat, aammali suna eqqarsaatiginnguatsiarpaat?“ Pulaakkat akissuteqarnissaanut ikioruk, assiliartai ilinniartitsininni atukkit. Immikkoortut 4-miit 6-imut atuareerukkit apeqqutit aappaat apeqqutigiuk: „Jesusip siulittuutaata immikkoortortaa suna ukiumi 70-imi eqquuppa, taamanikkulli suna pinngila?“ Pulaakkat soqutiginnippat piffissaqarpallu, ingerlaqqissinnaavusi.
3 Pulaakkat kingusinnerusukkut ingerlaqqikkusuppat, aperisinnaavutit: „Aaqqissuussinerup matuma naggatissaa qaqugu pissanersoq paaserusussinnaaviuk? Taava isumaqatigisinnaavat qaqugu apeqqut akiartussanerlugu.
4 Silarsuaq eqqissisimaffiusoq neriugissallugu piviusorsiornerua? Silarsuarmi nutaassami eqqissisimaarfiusumi inuunissaq atorlugu atuagaq Inuk inuit inuusimasut pingaarnerpaartaat-mik soqutiginnilersitsiniaasimaguit kapitali 133 atorlugu Biibilimik atuaqqissaaqateqartarneq aallartissinnaavat. Qanoq ilillutit?
Pîtrusip agdlagai áipait 3:13 atuareerukku naqitaaqqami qupperneq 3 atuarsinnaavat eqqartulaarsinnaavalluunniit, taava imatut oqarlutit:
◼ „Jesus Kristus, Guutip ernera Jehovap naalagaaffiani kunngiussaaq. Atuakkap Inuk inuit inuusimasut pingaarnerpaartaat-a Jesus qanoq allaatigineraa siunissamilu qanoq iliussanersoq tusariassagit.“ Taava kapitali tamaat atuaruk. Kapitalimullu (133) apeqqutit apeqqutigikkit: „Harmagedonimi aniguisut meeraalu sulerissappat?“ [Pulaakkat akitiguk. Apeqqutit sinneri taamatut sammineqarsinnaapput.] Nunamut nutaamut Jesusip kunngiuffigisassaanut ilaarusuppit? Nuannaarutigissagaluarpara sapaatip akunneranut ataasiarlunga pulaartarnissat qanorlu ililluni taamaattoqarsinnaanersoq Biibilimiit takutillugu.
5 Kapitali 133 takoreerlugu, inuit ilaat Jesus Kristus pillugu paasisaqarnerorusulertarput.
Imatut oqarsinnaavutit:
◼ „Atuakkami uani Jesusip nunami inuusimanera iivanngkiiliuni sisamani allaatigineqarsimasoq ersersinniarneqarsimavoq. Jesusip nunami inuusimanera paasisaqarfiginerorusuppiuk?“ Pulaagaq angerpat, kapitali 15-imi Jesusip tupinnartuliaa siulleq pillugu atuarsinnaavusi.
6 Suli inuppassuaqarpoq ilumoortunik naapertuilluassusermillu asannittunik ajornartorsiutimillu aaqqiissutissaannik ujarlersunik. Pilluaqquneqangaassaagut Jesus Kristusimit ilikkakkavut ingerlateqqinniartarutsigit, inuit atuaqqissaaqatisarnerisigut. (kmD 6/93 Opret bibelstudier over bogen Det største menneske der har levet)