Atuaqqissaaqatigisartakkatit piareersarnissaannik ikiukkit
1 Biibilimik atuaqqissaartartut sapaatip-akunneranoortumullu atuaqqissaarnissamut piareersartarnermikkut soqutiginninnermik ersersitsisut piareersarneq ajortunit anersaakkut siumukajaarnerusarput. Immaqa ilaat qanoq ilillutik piareersarnissartik nalugamikku piareersanngitsoortarput. Taamaattumik tamatuminnga ilinniartinnissaat pisariaqassaaq. Qanoq?
2 Aallaqqaataaniilli qulakkeertariaqarpat atuaqqissaaqatigisartakkavit paasineraa piareersassagaanni nammineq atuaqqissaarnissaq pisariaqartoq. Inuppassuit atuarluarsinnaagaluartut atuaqqissaarnissaq ilikkarsimanngilaat. Håndbog for den teokratiske skole-mi quppernerni 33-43-mi pitsaasunik siunnersuuterpassuaqarpoq ilinniartitanut pisariaqartitsisunut ingerlateqqinneqarsinnaasunik.
3 Atuaqqissaarnerup naleqassusianik ilinniartitat takutiguk: Atuagaq nammineq pigisat titartuiffigisimasat ilinniartitannut takutissinnaavat. Takutiguk qanoq ililluni ataatigut titartorsimasat qaapiarlugit qimerluualaaginnarnerisigut eqqarsaatinik nammineq oqaatsini atorlugit atorneqarsinnaasaminik eqqaasaqarsinnaasoq. Taamaalilluni apeqqut akissutissarsinialeraangamiuk oqaaseqatigiit tamaasa atuartariaqartassanngilai. Aallaqqaataaniilli pitsaasumik ilinniartinneqarnini kingorna ilagiinni imaqarluartunik oqaaseqartalernissaminut iluaqutigissavaa. Oqaaseqarnermini allaat atuaqqissaarneqartumik pingaartitsinermik ersersitsissaaq, qanorlu paasisaqarsimatiginera ersissaaq.
4 Biibilimik atuinissaanik ilinniartiguk: Ilinniartitap ilinniartariaqarpaa qanoq ililluni allassimaffiit atuakkami atuaqqissaakkami innersuussutigineqarsimasut nanisinnaanerlugit. Sukkasuumik taamaaliorsinnaaguni paasiartuinnassavaa atuaqqissaakkani tassaasoq Biibili. Naak immaqa aallaqqaammut Biibilip aallaqqaataani imaasa allattorsimaffiat atortariaqaraluaa taamaakkaluartoq kajumissaarneqartariaqarpoq Biibilip atuagartaasa 66-iusut tulleriinnerannik ilinniarnissaanik. Allassimafimmik atuaagaangat malugitinniartariaqarpat allassimaffiup suatungaa immikkoortumi atuaqqissaakkassinni innersuussutigineqartoq, sammisassinnut attuumassuteqanngitsortaanit paatsiveerutinneqaqqunagu.
5 Ilinniartitat siumukariartortillugu kajumissaartariaqarpat Biibili aallaqqaataaniit naggataanut atuaqqullugu. Erseqqissaaffigiuk Biibili tamaat Guutip oqaaserimmagu isumassarsiaritaasoq aammalu kristumiut ilumoortut anersaakkut nerisassarsiorfigisartagaat tassaammat Biibili. — Mat. 4:4; 2 Tim. 3:16, 17.
6 Qinerlerfissianik teokratiimut tunngasunik allanik ilinniartitat ilisimannilersiguk: Ilinniartitaq naammattumik siumukareersimaleruni qinerlerfissiat teokratiimut tunngasut allat atorsinnaalissavai. Isumaqaruit isumatusaarnerusoq ilinniartitat kajumissaarsinnaavat Peqatigiiffiup naqitigaataani ilagiit ataatsimiinnerini ilisimalikkamini paasissutissanik amerlanerusunik ujarlernissaanik. Ny Verden-nutsikkami immikkut ikiuutissat, ilaatigut bibelordbogip, atornissaannik ilinniartiguk. Atuakkanik teokratiimut tunngasunik katersugaateqalerpat ilinniartissinnaavat qanoq ililluni Den Store Bibelordbog, Lad os ræsonnere ud fra Skrifterne, Register til Vagttårnets publikationer aamma Hjælp til forståelse af Bibelen atorneqarsinnaasut.
7 Atuaqqissaaqatigisartakkavut sapaatip-akunneranoortumik atuaqqissaarnissamut piareersarluartarnissaannik ilinniartikkutsigik Biibilimik atuaqqissaaqatigi- neqartarunnaareeraluarunilluunniit sallusuissummi alliartortuarnissaannut Biibilimillu atuaqqissaallaqqissunngornissaannut ikiussavavut. (km 93/11 Hjælp dem . . .)