Allakkat tunngavigalugit eqqarsalersitsiniaasarpit?
1 Sakkutooq misilittagartooq sakkutuussutini tamaasa nassarlugit sorsukkiartarpoq. Assassorissanik sulisartup sanaartukkamik annerusumik aallartitsiniartup atortussani pisariaqartut piareersimatittarpai. Jehovallu kiffaata oqaluussinermut peqataasup ’panani’ tigumiartarpaa periarfissatigullu sutigulluunniit pikkorilluni atortarlugu. (Evf. 6:17) Illimmi? Oqaluussininni Guutip oqaasia oqalutsittarpiuk, anersaaq illernartoq tusarnaartivit uummataannik sunniisinnaaniassammat? — Uss. 8:1, 6.
2 Oqaluussinissamik suliassaq oqitsuinnaasanngilaq. Oqaluussiffissat ilaanni inuit angerlarsimanngikkajupput, naapitavullu Biibilimut tunngasunik itinerusunik oqaloqateqatiginninnissaminnut ulapippallaartarput. Biibilili ilinniutigigatsigu pingaarneq qanoq ililluta oqaluussinitsinni annertunerujartuinnartumik atorsinnaavarput tusarliussaq isumassarsiarititaasoq tusarnaartutsinnik sunniisinnaaqqullugu?
3 Periarfissani suniluunniit: Pulaakkavut soqutiginnilersinniarlugit Biibili matuni tamani atorumavarput. Atuagassanik sunilluunniit neqeroorutiginninniaraluaruttaluunniit Biibilip atornissaa piareersimaffigisariaqarparput. Pulaakkat ulapippallaarpat Biibilimillu quppiinissamut versinillu marlussunnguanik atualaarnissamut piffissaqanngippat immaqa allassimaffimmik issuaasinnaavutit taavalu atuagassiamik neqeroorfigalugu. Immaqa pulaakkavit unikaallannissaanut tusarnaalernissaannullu tamanna naammassinnaavoq. — Epr. 4:12.
4 Immaqa Vågn op! 8. decembari 1993-imoortoq „En verden uden sygdom“-imik ilanngutassiartalik neqeroorutigiumassavat. Saqqaani assiliartaa takuteriarlugu aperisinnaavutit: „Isumaqarpit nappaatit qaqugumulluunniit atorunnaarumaartut? Kikkut tamarmik peqqissillutillu aalassarissiumaartut?“ Qanorluunniit akigaluarpat immaqa Biibilimi atuagaqarsinnaassaatit imaluunniit allassimaffimmik issuaallutit, assersuutigalugu Jesaja 33:24 imaluunniit sarĸúmersitat 21:4. Taamaalillutit Guutip oqaasia oqalutsissavat.
5 Pulaaqqiinermi: Pulaaqqiinnginnitsinni piareersartariaqarpugut. Apeqqutinilli akinissaannut piareersimaffiginngisatsinnik aperisoqariataartarpoq. Taamaattoqartillugu Lad os ræsonnere ud fra Skrifterne iluaqutaasaqaaq. Allassimaffinnik ’Ræsonnerebogimi’ ilanngunneqarsimasunik issuaagaangatta atuaagaangattaluunniit inuit paasisinnaasarpaat Guutimut kiffaasugut Guutillu oqaasianik iluanaarniuteqartuunngitsugut. — 2 Kor. 2:17.
6 Aalajangersimasumik oqaloqatigiissuteqarfigisimanngisat pulaaqqikkukku oqaluuserisamik naleqquttumik ’Ræsonnerebogimi’ tigusiinnarsinnaavutit, soorlu: „Jesus Kristus“, „Ullut kingulliit“ imaluunniit „Makiffissaq“, ataanniittullu atorlugit oqaloqatigiinneq aallartillugu. Pulaakkat kajumissaarsinnaavat nammineq Biibilianit allassimaffinnik atuaanissannik. Taamaalilluni Biibili taassumunnga uumassuseqalissaaq, isumamikkullu iluarpata Jehovap anersaavata illernartup sunnersinnaassavai.
7 Nutaarsiassamik nuannersumik oqaluussissutiginninneq ajortunillu mianersoqqusineq akisussaafferujussuuvoq. Tassaavoq Jehovap tusarliussaa, uaguunngitsoq. Allakkat tunngavigalugit inunnik tunngaveqartumik eqqarsalersitsiniaaninni taassuma oqaasia, anersaap panaa, ikiortigisarniaruk. (km 93/11 Ræsonnerer du . . .?)