Qujasarpit?
1 Jesusip pupissut qulit ajorunnaarsimmagit ataasiinnaq utersimavoq qujajartorluni. ’Taanna Samariamiuusoq’ taamaalilluni maligassaallualerpoq isumatusaarnermik pingaartitsinermillu ersersitsinissaq eqqarsaatigalugu. — Lúk. 17:11-19.
2 Qatanngutitta iluaqutissatsinnik immikkut kiffartorfigisarpaatigut. Tamakkununga ilaapput qatanngutit sanaartortartunut ilaasut Napparsimmavinnullu Attaveqartitat, taakkuninngalu immikkut pingaartitsinissatsinnut pissutissaqarluarpugut. — Fil. 2:29.
3 Soorunami qinnutitsinni qatanngutit tamakku eqqaamasarpavut. (1 Tás. 1:2, 3) Peqatigiiffillu allagarsisarpoq qatanngutit tamakku suliniutaannut qujamasuttorujussuarnit. Inuttulli nammineq qutsavigisarpavut?
4 Qatanngutit tamakku tapersersorsinnaavavut suleqatiginnerusussuseqarnitsigut namminerlu iliuuseqarnitsigut. (Gal. 6:5) Taava qujaniarnerput ersersissinnaavarput. Qujaniarneq ersersinneqarsinnaavoq oqaatsikkut, allakkatigut kajumissinartutigut imaluunniit eqqaamallugu akissarsiaqaratik sulisartut angalanerminnullu, oqarasuaammut allanullu aningaasartuutit namminneq akilertaraat.
5 ’Ulluni ajornartuni’ makkunani inuppassuit ’qujasuiffigisaanni’ isumatusaartumik qujamasuttumillu pineqarluni nuannaarnarlunilu ataasiussuseqalernaqaaq. (2 Tim. 3:1, 2) Jehova ataqqisarparput qujamasuttutut takutikkaangatta, aamma qatanngutivut aqqutigalugit taassuma iliuusii qujamasuutigigaangatsigik. Pupissut ajorunnaarsinneqartut qulit ilaattut ataatsitut uagutsinnik immikkut kiffartuussisunut qujasarutta asanninnikkut immitsinnut qaninnerulissaagut. — Kul. 3:15, 17. (kmD 94/6 Siger du tak?)