Guutip oqaasii pissaanilissuupput
1 Biibili inuit millionilikkuutaat inuunerannut assut sunniuteqarsimavoq. Inunnik killiisinnaassusia nallernissaqanngilaq. (Epr. 4:12) Uagutsinnut qanoq sunniuteqarsimanera eqqarsaatigiinnariaruk. Aap, Biibili nalilerneqarsinnaanngilaq.
2 Jehovap nalunaajaasui Biibilimik atuaqqissaarneq illersuisuunerlu eqqarsaatigalugit siulersortaapput. Biibilimik atuarneq teokratiimut tunngasunik pilersaarutitsinni pingaartutut isigisariaqarparput; tv-mit aliikkutassanillu allanit tamanit pingaarnerutittariaqarparput.
3 Ileqquliuguk: Jehovap innuttaasa nalunngilaat aalajangersimasumik Biibilimik atuaqqissaartarneq sunniuteqarsinnaasorujussuusoq. Illorsuit naqiteriveqarfitta Brooklynimiittut ilaanni allagartarsuaq ukiorpassuarni sanioqquttunik ima kajumissaariuarsimavoq: „Guutip oqaasia, Biibili, ullut tamaasa atuartaruk.“ Betelimiilersut nutaat ukiup siulliup ingerlanerani Biibili tamaat atuassagaat piumasaqarfigineqarput.
4 Naak allanik ulapputissaqaraluarlutit teokratiimik ilinniarfimmut atatillugu Biibilimi atuagassat sapaatit-akunneranoortut malinnaaffiginiartarpigit? Taamaanngippat tamanna aaqqinniarlugu novembarimi iliuuseqarniarit. Qaammammi tassani atuagassat tassa Tussiaat 95-109, tassa sapaatip-akunneranut quppernerit pingasut sisamalluunniit. Ilaat ullut tamaasa annikitsunnguakkuutaarlugit atuartarput, soorlu ullaaralaannguakkut imaluunniit unnukkut innannginnerminni. Sukkulluunniit atuartaraluaruit pingaarnerpaaq tassa aalajangersimasumik Biibilimik atuarnikkut pissarsiaqarnissat.
5 Biibili novembarimi neqeroorutigiuk: Inuit ilaat suli Biibilimik ataqqinnissuseqarput tusarnaarusuttarlutillu atuffakkumagaangatsigit. Novembarimi neqeroorutigissavavut Ny Verden-Oversættelsen aamma Bibelen — Guds ord eller menneskers? Taakku atorlugit inuit eqqortumik isumallit Guutip oqaasianik eqqaasittarsinnaassavavut. Taamaaliussaagut angorniorluta.
6 Ny Verden-Oversættelsen-ip iluaqutissartaanik, inunnik soqutiginnilersitsisinnaasunik, erseqqissaassutissannik piareersaagit. Iluaqutissartai atoriaannaasut erseqqissaassutigikkit. Immaqa „Bibelske samtaleemner“ takutissinnaavat atuakkamullu Bibelen — Guds ord eller menneskers?-imut atassuserlugu. Imaluunniit „Bibelordbog“-ip 96-inik quppernillip naleqassusia erseqqissarsinnaavat takutillugulu allassimaffiit ilisimaneqarluartut qanoq pilertortumik nassaarineqarsinnaasut. Oqaluussisartut ilaasa immaqa „Fortegnelse over Bibelens bøger“ saqqummiukkumassavaat erseqqissaassutigalugulu ikiuutissat tamakku Biibilimik atuaqqissaarnermi qanoq iluaqutaatigisut.
7 Aamma erseqqissaatigiuk Ny Verden-Oversættelsen qallunaat oqaasii ullumikkut atorneqartut atorlugit paasiuminartumik nutsigaasoq. Immaqa soqutiginartinneqassaaq Matîuse 5:3 aamma Galâsiamiut 6:2, 5 qallunaatut nutsikkami atortussaatitaasumi aamma Ny Verden-Oversættelsen-mi nutserneqarneri imminnut naleqqiutissallugit. Aamma taaneqarsinnaavoq Guutip aqqa Jehova 7210-riarluni Ny Verden-Oversættelse-mi taaneqartoq.
8 Aap, Biibili Guutip oqaaseraa. Atuartarutsigu, upperalugu inassutaalu inuunitsi maleruarlugit pilluaqqussutit angeqisut misigissavavut. Ilinniutissatsitut neriuutissaqaqqullutalu allanneqarsimavoq. (Rûm. 15:4) Ullut tamaasa atuartarnissaa allanullu ilinniartitsissutiginissaa pingaaruteqartorujussuuvoq. (kmD 94/11 Guds ord har stor magt)