Maligassaq peqqissaartumik malinniagassaq
1 Jesus inunnut allanut naleqqersuunneqarsinnaanngitsumik pingaarnerpaalluni inuusimavoq. Naammalluinnartumik ajoqersukkaminut maligassiuisimavoq. Naak naammalluinnartuunera malissinnaanngikkaluarlutigu, kaammattorneqarpuvut ʹtumai maleqqullugitʹ. (1 Pîtr. 2:21) Sapinngisamik Jesus ilaarniarlugu sakkortuumik kissaateqartariaqarpugut asannilluta allanut sallusuissut oqaluttuarisarneratigut.
2 Jesus oqaluussisartuinnaanngilaq ajoqersuisarnermigulli pikkorilluinnartuuvoq. „Ajoqersueriaasia inuppassuit tupiguusuutigeqaat.“ (Mat. 7:28 NV) Sooruna ajoqersuisarnera sunniuteqarluartartoq? Atagu „ajoqersueriaasia“ qanimut takoriartigu.
3 Jesus qanoq ilaarsinnaagipput: Jesus Ataataminit ajoqersorneqarsimavoq. (Juá.8:28) Jehovap aqqata ataqqineqarnissaa naalannarsisinneqarnissaalu pingaarnerpaatitarai. (Juá. 17:4,26) Oqaluussinermi ajoqersuisarnitsinnilu aamma uagut tamanna pingaarnerpaatittariaqarparput, tassa Jehova ataqqinartillugu imminut nittarsaanniarnata.
4 Jesusip ajoqersuisarneri tamarmik Guutip oqaasianik tunngaveqarput. Allakkani isumassarsiarititaasuni arlaleriarluni allassimasut innersuussutigisarpai. (Mat. 4:4, 7;19:4; 22:31) Uagut aamma inuit Biibilimut uparuussorniarpavut; taamaalillutik takusinnaaniassammassuk oqaluussinerput ajoqersuinerpullu oqartussaasumik annerpaamik tunngaveqartoq.
5 Jesusip tunngavilersuutai naatsunnguusarput, paasiuminaatsuunatik piviusorsiorpaluttuunerusarlutillu. Soorlu nassuiaatigigamiuk qanoq Guutip isumakkeerfiginninnera agusinnaagipput, kajumissaarpaatigut allanut uagut isumakkeerfiginnittuunissatsinnik. (Mat. 6:14,15) Uagut aamma taamatut oqaatsit pisariitsut paasiuminartullu atorlugit Biibilip oqariartuutai nassuiarniartariaqarpavut.
6 Assersuutit apeqqutillu inunnik eqqarsalersitsisartut Jesusip pikkoriffigalugit atorluartarpai. (Mat. 13:34, 35; 22:20-22) Ulluinnarni pisartunik assersuusiat ikiortigalugit inuit biibilip ajoqersuutaanik itinerusumik paasisaqarsinnaapput. Taamaattumik apeqquteqartariaqarpugut tusarnaartup tusakkani eqqarsaatiginiassammagit. Ikiuutaasinnaasunik apeqquteqartarnitsigut eqqortumik isummernissaanut ikiorsinnaavarput.
7 Ilaasa paasisaqarnerunissartik kissaatigigaangassuk Jesusip paasiuminaatsunik nassuiaanissani piffissaqarfiginiartarpaa. Soqutiginnilluartut, soorlu assersuutigalugu ajoqersukkat, Jesus ajoqersuigaagat isumaanik paasinnittarput. (Mat. 13:36) Taamattaaq uagut piumassuseqartariaqarpugut apeqqutinik peqqusersuitsunik akisinissatsinnut. Tamatumunnga akissutissat nalornilerutsigit misissueriarluta paasissutissanik amerlanerusunik nassarluta uterfigeqqissinnaavarput.
8 Jesusip isigisassiuinikkut ajoqersuineq aamma atorluartarpaa. Soorlu assersuutigalugu ajorsukkami isigaat uffaramigit naak Naalagarigaluaraanni. (Juá 13:2-16) Maninguuttumik pissuseqarutta ajoqersukkavut ilikkakkaminnik maleruaanissaminnut kajumissisinnaapput.
9 Jesusip inuit uummataat kajungilersittarpai asanninnermiit naapertuilluarnermut. Uagut aamma inuit uummataat angorusuppavut. Inuit inunnguutsiminnik Oqartussaanerpaamut pallorfiginnikkusussusiat uummarissartarparput, aammalu eqqissillutik pilluarlutillu allat ilagalugit inuunissaannik kajumissaartarlugit.
10 Decembarimi inuit allat oqaluttuussinnaavavut qanoq Jesus pillugu ilikkagaqarsimanitsinnik. Taamaaliorsinnaavugut atuagaq Inuk inuit inuusimasut pingaarnerpaartaat neqeroorutigalugu. Jesusip ajoqersuisarnerata ilaarneratigut immaqa inuit peqqusersuitsut tusarnaartilersinnaavavut oqaluttuullugit Jesusip ajoqersuutaa sumik siunertaqartoq. — Mat. 10:40. (kmD 94/12 .Et forbillede. . .)