Naqitaaqqamik nalitsinnut naleqquttumik nunarsuaq tamakkerlugu agguaassineq
1 Sapaammi apriilip 23-ani immikkut ittumik oqalugiartoqassaaq uissuumminartumik ima qulequtalimmik: „Upperisarsiornermit eqqunngitsumit aniguisitaangajalerpugut.“ Ataatsimiinnerup naanerani naqitaaraq sisamanik quppernilik eqqarsariaallannartoq saqqummersinneqassaaq. Naqitaaqqap oqariartuutaa nalitsinnut naleqquttoq sapaatit-akunnerini 24.apriilimiit 14. maajimut ingerlasuni nunarsuaq tamakkerlugu siaruarterneqassaaq.
2 Inuit nunarsuarmi sumi tamaaniittut nalornillutik inuupput. Sumiikkaluarunilluunnit ajornartorsiutinit atugarliortitaapput. Naqitaaraq silarsuarmi pissutsinik ilumoorlutik soqutiginnittunut assut soqutiginassaaq, Guutip oqaasianut, inunnut uagutsinnut iluaqutaanngitsoorneq ajortunik unnersuussutitalimmut, tikkuussisuussagami. (Tuss. 119:105) Apriilip 23-ani naqitaaraq saqqummersinneqarpat pinissarput tamatta qilanaaraarput. Tamanna pitinnagu sapaatit-akunnerini pingasuni immikkut suliniarnissamut tamatumunnga atatillugu piareersaatissarpassuaqarpoq.
3 Kikkut tamarmik eqiasuillutik peqataanissaannik kajumissaakkit: Kikkut ilaasinnaappat? Soorunami oqaluussisartut tamarmik ilaarusussaqaat. Atuaqqissaaqatigisartakkavummi ataatsimiigiartuaannartut? Ilaasa sivisungaatsiartumik ilagisarsimavaatigut siumukartuarlutillu. Inuunerminnik Biibilimi najqqutassianut naapertuuttunngorsaareersimappat, oqaluussisartunngornissaminnullu piukkunnarsisimallutik? Oqaluussisartup atuaqqissaaqatiginnittartup tamanna atuaqqissaaqatiminut oqaloqatigiissutigisinnaavaa, oqaluussisartunngorusuppallu utoqqaanertat marluk atuakkami Organiseret til at fuldføre vor tjeneste-mi quppernerit 94-96 taassumunnga oqaloqatigiissutigisinnaavaat. Tamanna piaarnerpaamik pisariaqarpoq, kuisimanngitsutut oqaluussisartunngornissaminnut piukkunnartut immikkut suliniarnissamut tamakkiisumik peqataasinnaaqqullugit. Atuaqqissaaqatigineqartartut oqaluussisartunngorsimanngitsut kajumissaarneqarput naqitaaqqamik ilaquttaminnut nalunngisaminnullu agguaassequllugit. — Takuuk Napasuliaq Alapernaarsuiffik 1. juuni 1989-imoortoq, qupperneq 12, immikkoortoq 8.
4 Tamanna nalunanngilaq, kikkut tamarmik peqataasinnaapput. Angajoqqaat ilaqutariittut sapaatip-akunneranoortumik atuaqqissaartarnerminni sungiusartitsisarsinnaapput, ilaqutariinnut ilaasut tamarmik naqitaaqqap illumiit illumut agguaannissaanut piareersarluarsimaniassammata. Pisariitsumik saqqummiineq pitsaanerpaasarpoq. Naatsumik ilassinneriarluni naqitaaraq neqeroorutigineqarsinnaavoq atuarneqarnissaalu kajumissaarutigalugu. Aammalu allattuinissarput eqqaamasariaqarparput, soqutiginninneq ineriartorteqqinniarsinnaaniassagatsigu. — 1 Kor. 3:6, 7.
5 Apriilimi maajimilu susassaaleqinassanngeqaaq. Naalagaaffimmut Kiffartorneq-mi apriilimoortumi immikkut ilanngussami „Naalakkap suliaani suliassarpassuaqarpoq“-mi qulequtaqartumi amerlanerusunik paasissutissaqassaaq. — 1 Kor. 15:58, NV.