Illit soqutiginnippit?
1 Tunissutit inuttut soqutiginninnermut ersiutaapput. Jehovap sorpassuarnik tunisimavaatigut ersersillugu taassuma uagut soqutigigaatigut. Ernini aqqutigalugu ’inunnik tunissutaasunik’ tunisimavaatigut. — Jâk. 1:17; Evf. 4:8, NV.
2 Nakkutilliisut angalasartut tunissutaapput taamaattut. Taakku paarsisutut, ilinniartitsisutut iivangkiiliumillu oqaluussissutiginnittartutut uagut inuttut soqutiginninnermik ersersitsivigisarpaatigut. Ilumoorlutik soqutigaat asanninnikkut ineriartornissatsinnik ikiornissarput. — Evf. 4:11, 16.
3 Soqutiginninnermut tamatumunnga qanoq qisuariartarpit? Ersersittarpiuk illit ’tunissutinut’ taakkununnga soqutiginnillutit? Tikeraarnerata nalaani ataatsimiinnernut tamanut najuussinnaajumallutit piffissat pilersaarusiortarpiuk? Ilaat soqutiginninnermik ersersitsisarput sapaatip-akunnerata ingerlanerani oqaluussinernut peqataasinnaajumallutik ulluni marlunni pingasuniluunniit sulinngiffeqarlutik.
4 Immaqa weekendini oqaluussinermut peqataaneq ajorputit. Imaluunniit katersuunnermut ataasiaannarlutit ilaasarputit. Soqutiginninnermut piviusumut takussutissaassannginnerpa sapaatip-akunnerani taama ittumi immikkut suliniuteqassalluni weekendimilu katersuunnernut tamanut peqataassalluni?
5 Nakkutilliisut angalasartut nuliaallu ilagiinnut tunissutaapput erlinnartut. Jehovap uagutsinnut soqutiginninnera malippaat, ikiorsinnaavaatigullu upperneq, asanninneq qasujuissuserlu attatiinnarsinnaaqqullugit. Aaqqissuussinermut tamatumunnga tapersersuinerpit takutilliuk ’illit soqutiginnittutit’. — Naleqqiuguk Fil. 2:29. (kmD Er du interesseret?)