Naalagaaffiup ataani ataasioqatigiittuarta
1 Guutip naalagaaffia naalakkersuiniviuvoq pissaaneqartoq oqartussaassuseqartorlu. Pingaarnerusutut Jesusip oqaluussissutigisimavaa. (Mat. 4:17) Jesusip siullermik aallaqqaammulli kiffartornermini siunertaraa allat ajoqersussallugit Naalagaaffimmillu sallusuissummik nalunaajaalluni. Ajoqersorpaatigut naalagaaffia qinnutigisaqqullugu salliutittuaannaqqullugulu. (Mat. 6:9, 10, 33) Ataasioqatigiinneq attattuaannarsinnaavarput Jehovamut aaqqissuussineranullu qanittuaannarutta, oqaluussinissamillu suliassarput naammassillugu silarsuarmillu avissaaqqalluta. Taamaalilluta Naalagaaffik tapersersussavarput iliuutitsigut oqaatsitsigullu. — Juá. 18:37
2 1914-imiilli innuttaasa millionilippassuit Naalagaaffik piviusunngortissimavaat. Innuttaasa taakku nukittullutik ataasiussuseq akerliusunut silarsuarmilu avissaartuuffiusumut avatagiisiminnut takutittarpaat. Naalagaaffik uatsinni piviusuutittariaqarparput ataasiussuseqarnikkut nukittuujuassappat. Qanoq immitsinnut piviusunngortissinnaavarput?
3 Naalakkersuisut allat assigalugit Naalagaaffik inatsiseqarpoq. Inatsisit taakku immikkut nassaassaapput Biibilimi. Taamaattumik akulikitsumik Guutip oqaasiinik atuaqqissaartarnikkut pingaarnerusunik eqqaasinneqartarpugut Naalagaaffimmi innuttaassagaanni sunik piumaffigineqarnersugut. Atuagassiaatitsinnik atuaqqissaartarnikkut ’inussiallu aalajaallunilu silatuup’ siunnersuutai ikiorsiullugit ulluinnarni Guutip inatsisai malissinnaavavut. (Mat. 25:45) Ilikkakkatta atornerisigut Naalagaaffik immitsinnut piviusunngortissinnaavarput nunarsuarlu tamakkerlugu qatanngutigiissuarnut ilaqutaasutut Jesusip naalakkersuinerata ataani pallorfiginnittunut qaninneruleriartussaagut.
4 Naalagaaffimmik oqaluussissutiginninnikkut ataasiussuseqarneq: Naalagaaffimmik nutaarsiassaq nuannersoq pillugu ’nunap isuanut allaat’ oqaluussissutiginninnissatsinnik piumaffigineqarsimavugut. (ap. sul. 1:8) ’Isumaqatigiinnerput’ oqaluussinikkut Jehovamillu ’unnersiutiginninnikkut’ ataasiussuseqalersittarpaatigut. (Rûm. 15:5, 6) Eqiasuilluta kiffartuusseqativut nunarsuaq tamakkerlugu peqatigalugit oqaluussissutiginnikkutta, uppernerput nukittorsarneqassaaq, Jehovallu anersaavata sunnissavaatigut piumasaa naammassisinnaaqqullugu. ’Naalakkap suliaanik naammassisaqangaartuinnarutta’ taava ’aalajangersissavaatigut, saqinnaveerluta’. — 1 Kor. 15:58.
5 Nunani assigiinngitsuni Satanip ataasiussuseqarnerput sequminniarsarivaa oqaluussinnermik suliniarnissamik akornutissat assigiinngitsut pilersinnerisigut. Atorsinnaasani suulluunnit tamaasa isumaqatigiinngissutaasinnaasut naapertuutinnginnerillu atortarpai, avissaartuunnissaq saqitsaannissarlu angujumallugit. (Uss. 6:19; Gal. 5:19-21, 26) Silarsuarmi pissutsinut tiguartinniarsaraatigut qinersisinnaanissatsinnik politikkikkut innuttaaqatigiissutsimullu tunngasunik apeqqusertinniarluta. (Jâk. 3:14-16) Biibilip kajumissaarpaatigut taassuma sunniiniarnera ingalassimaniaqqullugu; taamaaliunngikkutta taartigalugu iiginnassavaatigut. (1 Pît. 5:8, 9) Naalagaaffimmik neriuuterput ersaritsittuaannartariaqarparput; isummatsinni uummatsitsinnilu suunngitsutut isumaqarfigileqqunagu.
6 Ataasioqatigiinnerput attatiinnassagutsigu isumamik peqqissumik ilisimassummik pavannga pisumik peqartariaqarpugut. Ajornartorsiuteqaleraangat, ingammillu qatanngutitta akornanni, anersaap inerititaanik ersersitsisariaqarpugut eqqissisimaneq attatiinnarumallugu. Silarsuup ileqqui soorlu assersuutigalugu makitaneq, sinnganeq namminissarsiornerlu siammarsimasumik pingaartitarineqartut akiorniagassaraavut. (Evf. 4:1-3; Kul. 3:5-10, 12-14) Isumarput ajunngitsunik ineriartornartunillu immertariaqarparput. Naalagaaffik inuunitsinni piviusuuvoq. Taamaaginnarnissaali eqqumaffigittuinnartariaqarparput. — Evf. 6:11, 13.
7 Naalagaaffimmik neriuut annertuumik piviusuutillugu, ataasiussuseqarnerput sequminnavianngilaq. — Tus. 133:1 (kmD 95/4 Bevar enheden under Riget)