Tusarusuttut ujarlugit
1 ’Uannut pisinnaasoqanngilaq ataatap aallartitsisima kajungersinngippani.’ (Juá. 6:44) Jehovap uummatit misissuiffigisarpai akissarsisissallugillu tusarusuttut ilikkakkaminnillu maleruaasut. (Jer. 17:10; Juá. 6:45) Uagut immikkut pisinnaatitaaffeqarpugut Guuti suleqatigalugu inunnik peqqusersuitsunik aaqqissuussaanermik nutaamik qiisasunik ujaasinitsigut. — Tus. 37:11; 1 Kor. 3:9.
2 Jesusip ajoqersukkani ’inunnik aalisartunik’ taasimavai. (Mat. 4:19) Tassaasinnaavoq suliaq ilungersunartoq, naammagisimaarnartumilli ajunngitsumik kinguneqartarluni. Suliami imminut iluanaarnerinnaq pinnani, ’aalisakkat’ annaattarpavut toqunissaraluaninngarnit. Aalisallaqqissup naluneq ajorpaa qanoq aalisakkat alapernaalersissinnaallugit kajumilersissinnaallugillu. Uagut aamma pitsaasumik Naalagaaffimmik tusarliussaq inunnut soqutiginartunngortinniartariaqarparput. Tamanna ingammik pineqarpoq pulaaqqittakkamut. Qanoq oqarsinnaavugut?
3 Pulaakkap „Napasuliaq Alapernaarsuiffik“-mi ilanngutassiat upperisarsiorneq pillugu soqutigippagit ima oqarsinnaavutit:
◼ „Kingullermik eqqartorparput sooq amerlanerit upperisarsiorneq eqqartussallugu nuannarivallaanngikkaat. Eqqumiiginartinngiliuk, kalaallit amerlanerit oqartarmata kristumiuunerarlutik? Eqqarsaatigisimaviuk upperisarsiorneq oqaluuserisassaq avissaartuutaasinnaallunilu isumaqatigiinngissutaaratarsinnaammat? Pulaakkat akili. ’Ræsonnerebogimi’ qupperneq 307-mi takutiguk immikkoortumilu „Sooq upperisarsiornerit taama amerlatigaat?“ eqqarsaatillu tassaniittut eqqaallugit.
4 Oqaloqateqarnissamut aallarniut una aamma atorsinnaassavat upperisarsiorneq pillugu:
◼ „Qanoq ililluta paasisinnaavarput upperisarsiornermi eqqortumiilluta? [Pulaakkat akili.] Amerlasuut misigipput toqqissisimanatik paatsiveerussimalaarlutillu upperisarsiornerit amerlavallaaqimmata.“ Taava ’Ræssonnerebogimi’ qupperneq 313-mi takutiguk tassani apeqqutigineqartoq: „Qanoq ilisimasinnaavarput upperisarsiorneq sorleq eqqortuusoq?“ Apeqqummut naatsumik ilanngutikkit oqaaseqaatigineqartut immikkoortoq 5-imi qupperneq 314-imiittumi: „Ilaasortaasa imminnut asaqatigiinneq ilumoortoq ineriartortippaat?“ Pulaakkat nassuiaaguk qanoq pissarsiaqaqqissinnaasoq atuaqqissaaqateqarnermigut.
5 Pulaakkavit silarsuarmi pissutsit ernumassutigippagit periaaseq manna immaqa misilissinnaavat:
◼ „Pissutsit ajortut ilaquttatta inuuffigisariaqagaat ernumagisutut ippatit. Biibilimi tupinnaannartumik neriorsuuteqarpoq Guuti qanittukkut siunissami atuutilerumaartussanik.“ Ussatit 2:21, 22-lu atuakkit, nassuiarlugulu Jehova neriorsuisimasoq silarsuaq eqqissineqarfiujuaannarnissaanik.
6 Immikkut naqitaaqqamik agguaassinerup nalaani pulaaqqiilerutta, pulaakkatta arlaannik pissutissaqarlutik pisimanngippata qimatsiviginissaat isumagisariaqarparput. Naalagaaffimi Kiffartuuteqarneq-mi maajimoortumi naqitaaqqamik agguaassereernerup kingorna pullaaqqiinissamik qanoq saqqummiussisinnaaneq eqqartorneqassaaq.
7 Guutip oqaasia ’killinnartorsuummat’ saqqummiileraagatta innersuutigisariaqarparput. (Epr. 4:12) Sapinngisannik pulaakkat kaammattoruk nammineq Biibilimik atuarnissaanik. (Naleqqiuguk apustilit suliait 17:11.) Suliassatsinni eqiasuilluta pigutta Jehovap ilungersornerput pilluaqqussavaa. (kmD 95/4 Søg efter de lydhøre)