Biibilimik atuaqqissaaqatiginnittarneq: Aallartiinnaruk!
1 Nalusavut ilasseeraarajunneq ajorpavut. atuaqqissaaqateqarniarneq aamma taammaappoq. Taamaattumik qanoq takutitsinissaq pingaaruteqartorujussuuvoq. Maluginiariaruk Filippup Etiopiamiu ernerluni ajoqersorlugu ataqatigiissaaraluni aallartiinnaraa. — ap. sul. 8:30-35.
2 Atuaqqissaaqatigineqalertartorpassuit oqaluussisartut aallartiinnarnerisigut pilertarput. Atuagassiaq pulaagaata pigisaa atortarpaat, taassumunnga tulluaraangat. Takutittarpaat qanoq apeqqutit pingaartut akiniarneranni iluaqutigisimallugit. ’Paratiisilersaarut’ ingammillu atuagassiaaraq ’Ata! Suut tamasaa nutaanngortippakka’ siunertamut tamatumunnga suliaavoq. Naqitaaqqat arfineq pingasut Naalagaaffimmik Nutaarsiassat nr. 34-mi (apriilip naanerani maajillu aallartinnerani agguaanneqartussaq) atuaqqissaaqateqartalernissamut aallarniutitut atorluarneqarsinnaapput.
3 Oqaluuserisassamik pulaagaq qinersitiguk — atuagassiaaqqami qupperneq 30-mi apeqqutit aqqaneq marluk takutissinnaavatit imaluunnit ’Paratiisilersaarummi’ imaqarniliorneraninngaannit. Eqqissisimasumik kingorna eqqartukkit, immikkoortualuillu eqqartorlugit apeqqutit quppernerup ataaniittut ikiorsiullugit. Sivisuallaamik tassaneeqinak naggaserlugulu tullisaanut pulaakkat isumaqatigiissuteqarfigalugu piffissamik nutaamik tullissaanillu oqaluuserisassamik. Tulliani pulaaqqilerukku ima aallarniisinnaavutit: „Aluu, pulaaqqinnissat qilanaarisimavara. Neriuppunga immikkoortup ingerlateqqinnissaanut perusussasutit piffissaqarfigalugulu.“ Tamatngorluinnangajak isernissamik periarfissiisarpoq.
4 Siunnersuut manna Aallartiinnaruk! Københavniminngaanneersut misilittakkat ersersippaat. Aappariit inuusuttut atuaqqissaaqatigineqartalersut oqaluussisartup aallarniilluni ’Paratiisilersaarummi’ oqaluuserisassamik qinersisinnerisigut. ’Ilaqutariilluni inuuneq pilluarnartoq qanoq anguneqarsinnaasoq’ toqqarpaat. Kingorna oqaluussisartup eqqartorlugit aallartiinnarpai. Silataanni majuartarfimmi nunami allamiu naapippaat, naatsunnguamik eqqartuereeramik aallartiinnarpaat, maannalu aappani ilagalugu atuaqqissaartalerpoq kinamiutut, tuluttut qallunaatullu akuleriillugit. — ap. sul. 5:42 (kmD 95/4 Bibelstudiearbejdet . . .)