Upperisaqanngitsunut ikiuinerit annertusaruk
1 Ullutsinni ilinniagartuutut paqumisujuitsutullu isigineqarnissaq nuannarineqarpoq. Inuit ilisimaqqissaarniutaat eqqarsaataannarsorniarnerillu nersorneqartarput, anersaakkut pingaaruteqartut sumiginnarneqapajaarsimallutik. Inuit peqqusersuitsut piviusunik pilimanianngitsunullu soqutiginnittut sallusuissutinullu paasisaqarusuttut atuagaq Livet — hvordan er det kommet? Ved en udvikling eller en skabelse? nuannaarutigalugu misissorumassavaat. Atuakkap tamatuma uppernermik amigaateqartut ikiorsinnaavai. (Rûm. 1:19, 20) Soqutiginninnermik ersersitsisimasunut tamanut pulaaqqiinissat isumagiuk.
2 Oqaloqatiginninnissat immaqa imatut aallarnersinnaavat:
◼ „Ilisimassannguatsiarpat ilinniartitsisut amerlasuut inummik pinngoriartorsorinninneq tapersersoraat. Ajoqersuummi tassani sunaluunnit nalaatsornerinnakkut pilersimanissaat pissutaatippaat. Qanoq illit isumaqarpit? [Pulaagaq oqaaseqartilli.] Tamannali suli isumaliutersuutitut oqaatigineqarsinnaavoq. Taamaassorinninneq tassaavoq ’eqqarsaatiginninneq’ ’isuma suli uppernarsivinneqanngitsoq’ Ukiuni hundredelikkuutaani inuit isumaqarsimagaluarput nunarsuaq toqqissuinnarsuusimasoq maannakkulli taamaassorinninneq sianiitsorpallannerusoq nalunngilarput piviusunut tunngavissaqanngitsoq. Pinngoriartuaarsorinninneq aamma taamaassinnaava? Qupperneq 4-mi aallarniut atuaruk taavalu Jesaja 42:5 eqqartorlugu.
3 Pulaaqqiinerit imatut aamma aallarnersinnaavat:
◼ „Takornartaanngilaq inuit ilaat Guutimik upperinninngitsut naapissinnaasaratsigik. Ukiut arlaqanngitsunnguit qaangiupput pissutsit allaanerulluinnarmata. Soormita amerlasuut Guutimik upperinnikkunnaarsimappat? [Pulaakkat akili.] Amerlasuut silarsuarmi nakuuserneq neriuutissaqannginnerlu annertusiartuinnartut upperisaqannginnerminnut pissutaatittarpaat. Ima aperisarput: Ajugaqanngitsumik Guuteqarpat sooq naalliuutit unitsinnianngilai?“ Apeqqutinut tamakkununnga naammagisimaarnartumik akissutissarsisimanngitsut upperisaqanngitsunngorajuttarput. Kisianni naammattorsuarnik Guuteqarneranik nalunaajaatissarpassuaqarpoq qanittukkullu nunarsuaq iluarsivissaqarumaartoq allanngortilluinnarlugu eqqissinartunngortillugulu pilluarfiusoq.“ Eqqartuinerit nangeqqissinnaavat qupperneq 196-mi immikkoortoq 19-mi Biibilimi eqqartorneqartut eqqarsaatit atorlugit.
4 Biibili tigummillugu pulaarnerit aallartikkukku, ima oqarsinnaavutit:
◼ „Pulaaqqippatsigit takutikkusullutit Biibili atuaqqissaassallugu atorluarneqarsinnaaneranik. Amerlasuut Biibileqaraluarput ikitsuinnaalli atuarnissaanut piffissaqarfigisarpaat. Allaat ilaasa toqqaannartumik oqarfigisarpaatigut Biibilimi allassimasut upperinninnginnerarlutik. Illit qanoq isumaqarfigaajuk? [Pulaakkat oqaaseqarnissaanik periarfissiguk.] Biibili ilumut Guutip oqaaserigaa allanneqartissimasoq qularutigiunnaarutigisimasama ilagaat siulittuutaasa eqquunnerat.“ Qupperneq 234-mi immikkoortoq 6-mi allassimaffiit innersuutigineqarsimasut atuakkit ilaalu Biibiliminngaaniit atuarlugit.
5 Immaqa siunnersuut manna ajunngitsumik kinguneqassaaq:
◼ „Nunarsuarmi avatangiisitta kusanangaassutsimik nalissaqanngitsumillu ilisimassusermik ersersitsipput. Uani assilissami kusanartumi seqernup tarrikkiartulernera assersuutit ilaannaraat.“ [Assersuut qupperneq 12, 13-milu takutiguk] Ilanngussamiittut ilaannik ’Eqqarsaatissilersitsisunik’ taasaqarit oqaluttuullugulu atuakkami nunarsuarmi inuuffigisatsinnut tunngaviunerusunik apeqqutinut pitsaanik akissutissaqartitsisoq.
6 Atuagaq tamanna ikiortigalugu inuit allat pinngortitsisoqarneranik tunngavissaalluartumik upperinninnissamik, ikiorsinnaavavut taakkua pilluaqquneqarnissaannik. (kmD 95/6 Yd hjælp til dem uden tro)