Biibilimik atuaqqissaaqateqalernissaq neqeroorutigiuk — suliffimmi atuarfimmilu
1 Jehova oqalussinnaanissatsinnik tunigamitigut siunertaqarpoq. (2 Mos. 4:11) Siullerpaamik pingaarnerusumillu ’erinalimmik unnersiutiginnissinnaaqqulluta’ taamaaliorpoq. (Tuss. 119:171, 172) Nammineerluta Guutip oqaasii atuaqqissaartarlugit eqqorluartumik ilisimassuseqalersinnaavugut. Inuummarinnartumik puilasoqalersissinnaavaatigut, inuussutaasumik imermik ’unnersiutiginnilersitsisumik’ periarfissani sumiluunnit naleqquttuni, aammataaq suliffimmi atuarfimmilu.
2 Iluatsissappalli periusissanik aaqqissuilluarnissaq piareersarnissarlu pisariaqarput. Biibileqarnissat naqitaaqqanillu atuagassianillu atuagassiaaqqanillu nassataqartuarnissat isumagiuk. Napasuliaq Alapernaarsuiffik-up Iteritsi!-llu atuarnerisigut oqaloqateqarnissamik aallarnisaataalluarsinnaapput. Amerlanertigut nammineq iliuuseqarnikkut toqqaannartumik aallarniisariaqartarpoq. Isumalluarlutit pigit. Aallartiinnarit. Sukkulluunniit nalunaajaanermut tulluartunik ’Ræsonnerebogi’ aallarniutinik ajornanngitsunik peqarluarpoq.
3 Qatanngut angut Jyllandimiittoq suliffimmini periarfissanik tamanik atuilluartartutut ilisimaneqartoq ima oqarpoq: „Sunaluunnit oqaloqatigiissutigigaluarlugu sallusuissummut sangutinneqarsinnaavoq“. Piffissap ilaani suleqatini arfineq-marluk pisartagaqalersissimavai! Suliffimmilu sulisut naalagassaat atuaqqissaaqatigineqartalerpoq, ilaqutariinnilu taakkunani arlallit sallusuissummut ilaalersimapput.
4 Meeqqat atuartut immikkut ittumik angalaartarfeqarput. 1993-imi ullut ilaanni oktobariugaa Lisa qulinik ukiulik atuarfimminngaanniit angerlarpoq oqarluni inuunermini aatsaat taama nuannersorsisimalluni. „Anja isumaqatigiissuteqarfigigakku atuaqqissaaqatigiittalernissatsinnik anaanaata aamma akueraa taamaaliornissaanik.“ Taamanimiilli pingasunngornerit tamaasa atuaqqissaartalerput. Lisap atuaqqissaartarnertik qinnummik aallarnertarlugulu naggasertarpaa, Naalagaaffiullu erinarsuutaanik atuaqqissaareeraangamik erinarsortarlutik. Anjap atuarfimmi Jehovap aqqa oqaluttuarisimavaa, eqqaaniaanermullu allatigullu peqataasarsimalluni.
5 Paasigatsigu Jehovap sooq oqalussinnaanermik tunisimagaatigut ’erinalimmik unnersiutiginninnissarput’ periarfissani sumiluunnit kissaatigaarput. Misigileraangatta sapernarpallaartoq kristumiut siulliit iliorsimanerattut qinusinnaavugut tatiginnilluarluta ikioqqulluta. (ap. sul. 4:23-31) Jehovamut tullinnullu asanninnerpit kaammattorlisit ajunngitsumik qiimallutillu suliffimmi atuarfimmilu atuaqqissaaqatiginninnissamik neqeroornissannik. (kmD 95/8 Tilbyd bibelstudium — på arbejdspladsen og i skolen)