Allat Guutip oqaasiinik ajoqersukkit — atuagassiaaraativut atorlugit
1 Tamatta Guutip oqaasii allanut ajoqersuussutigissallugit akisussaaffeqarpugut. Akisussaaffeqarnerput tamanna qanoq pingaaruteqartiginersoq paasisimavarput qilammik nunamillu Pinngortitsisup peqqussutigimmagu ’inuiaqatigiit tamaasa ajoqersunganngortinnissaannit’. (Mat. 28:18-20) Aggustimi ajoqersuisinnaanerput atorsinnaavarput atuagassiaraatitsinnik neqeroorutiginnilerutta.
2 Atuagassiaaraq „Guutip ilumut soqutigaatigut?“ atussagukku immaqa ima oqarsinnaavutit:
◼ „Aluu, . . .-mik ateqarpunga. Kasuttorikkinuna apeqqut manna eqqarsaatigisimanerit aperilaarniarlutit. [Saqqaa atuaruk pulaakkallu tusarnaarluarlugu.] Maluginiarsimavara arlallit apeqqut tamanna inuunermi ilaatigut apeqqutigisarsimagaat. Silarsuarmi pissutsit ajornerat pissutigalugu inuit ilaat isumaqarput Guutip soqutiginngikkaatigut. Illit qanoq isumaqarpit?“ [Pulaakkap akissutai tunngavigalugit immikkoortoq 6 imaluunniit 3 innersuussutigineqarsinnaavoq atuagassiaararlu neqeroorutigalugu.]
3 Atuagassiaaraq „Inuuneq sumik siunertaqarpa?“ aamma atorsinnaavat assersuutigalugulu ima oqarsinnaallutit:
◼ „Aluu, . . .-mik ateqarpunga. Maaniuku najugaqartut oqaloqatigigikka apeqqut arlallit apeqqutigisarsimasaat tamarmilli akissutissarsiffigisimanngisaat. Tassa manna: Inuuneq sumik siunertaqarpa? Apeqqut tamanna illit eqqarsaatigisimaviuk? [Pulaagaq oqaaseqartilli.] Apeqqut tamanna uani atuagassiaaqqami Inuuneq sumik siunertaqarpa?-mi eqqartorneqarpoq. Uani qupperneq 4-imi [immikkoortoq siulleq naggataalu.] Takutinneqarpoq angutip inuusuttup oqaaseqaataa, amerlanerillu isumaqatigissannguatsiarpaat. Oqarpoq inuunerup siunertatuaa tassaasoq ’„inuuneq, meeqqiorneq, pilluarneq taavalu toquneq“. Kisianni tamanna ilumoorpa?’ Illit qanoq isumaqarpit? [Pulaakkavit akissutaanut tusarnaarit.] Atuagassiaaqqap eqqartorpaa Biibilimi tamanna akissutissaqartoq. Tigusinnaavat taava nammineq oqaaseqarfigineqartut saqqummiunneqarsimasut tassunga tunngasut naliliiffigisinnaassavatit.“
4 Immaqaluunniit atuagassiaaraq „nuname inûneĸ nâgssáungitsumik nuánârutigiuk!“ atorsinnaassavat imalu oqarlutit:
◼ „Aluu, . . .-mik ateqarpunga. Aperilaarsinnaavakkit illit qanoq ateqarnersutit? [Atuagassiaaqqap saqqaa takutiguk.] Isumaqarpit pissutsit taamaattut inunnut atuutilersinneqarsinnaasut? [Pulaagaq akili.] Allakkani illernartuni Guuti oqarpoq pissutsinik taamaalisitsiumaarluni. Immaqa massakkut eqqarsarputit: ’Qanoq ililluni taamaaliussagami?’ Atuagassiaaqqami uani Biibili tunngavigalugu akissutissarsissaatit, innersuunneqarsinnaavutillu ilaquttatillu qanoq uani assilissami takutinneqartut misigisinnaassagisi. [Atuagassiaaraq neqeroorutigiuk.] Arlallit tupaallaatigisarpaat Biibilimi qanoq tamanna oqaatigineqarnersoq paasigaangamikku, taamaattumik aggeqqikkumaarpunga qanoq illit isummersimanersutit aammalu apeqqutissaqarnersutit tassunga tunngatillugu tusarniarlugu.“
5 Jehovap nuannaraa ’alliartussutsit tamanut malunnarseqqullugu’ pissutigalugu ’misissoravit ajoqersuut pillugu’. (1 Tim. 4:15, 16) Inuit allat „tusagassamik nuannernerusumik tusarusullutik“ maqaasisut ikiornissaannut ilungersuuteqarnitsinni atuagassiaaraativut iluaqutaaqaat. — Jes. 52:7, NV. (kmD 95/8 Lær andre om Guds ord — anvend vore brochurer)