Ataatsimiigiartuaannarneq — aalajaassinnaanissatsinnut pisariaqartoq
1 Apustilip Paulusip ’uppersutsikkut peqqissuujuarnissatsinnik’ kajumissaarsimavaatigut. (Tít. 1:9, 13) Ilagiit ataatsimiinnerini eqqarsaativut ineriartornartunik suliaqartittarpavut ’Diaavulullu qoqassiniaraangatigut aalajaassinnaaqqulluta’ qanoq ililluta anersaakkut sakkutuussutit tamaasa atinissaannik ilinniartarluta. — Evf. 6:11; Fil. 4:8.
2 Ataatsimiinnerni pisariaqartitavut matussutissinneqartarput: Ataatsimiigiartuaannarneq aalajaassinnaanissatsinnut pisariaqarluinnarpoq. (1 Kor. 16:13) Ataatsimiinnerni Guutimik unnersiutiginnissutaasunik qujassutaasunillu qinusoqartarpoq, aammalu qinnutigineqartarluni ilagiinnik ilagiillu pisariaqartitaannik isumassuinissaq. (Fil. 4:6, 7) Naalagaaffiup erinarsuutaanik erinarsoqataaneq kajumissinartuuvoq, taamaalillutami Jehovamik pallorfiginninnermut qanoq misiginerput ersersittarparput. (Evf. 5:19, 20) Ataatsimiinnerit siornagut kingornagullu naalagaaffilersaarfimmi kateirsimaarneq qiimmannartuullunilu ineriartornartuuvoq nutaamillu nukissaqalersitsisarluni. — 1 Tás. 5:11.
3 Apriilimi immikkut oqalugiaammi ’Upperisarsiornermit ilumuunngitsumit aniguisinneqangajalerpugut’-mik qulequtalimmi sallusuissummik nuannarisaqartut tamarmik nalunaatsumik erseqqissaaffigineqarput Babylonimit angisuumit aninissap nukinginnarsineranik. (sar. 18:4) Juunimi juulimilu Napasuliaq Alapernaarsuiffik-mi ilanngutassianit atuaqqissaaqatigiissutissanit pingasunit kajumissisinneqaqaagut, taakkunani eqqartorneqarami qaamaneq qanoq ililluni iluartut aqqutaannut seqeriartuaarsimasoq. (Uss. 4:18) Taakku atuaqqissaaqatigiissutigineqarneranni ataatsimiigianngitsoorsimasuugutta pingaarluinnartumik arajutsisaqarsimassagaluarpugut.
4 Ataatsimeersuarnermi „Unnersiutiginnittut nuannaartut“-mik qulequtalimmi oqaluussisartutut pikkorinneruleqqulluta ilinniartinneqarnissatsinnik pisariaqartitsinerput pingaartillugu erseqqissarneqarpoq. Atuakkami Organiseret til at fuldføre vor tjeneste-mi quppernermi 70-imi eqqaaneqartutut ilagiit tamarmik teokratiimik atuarfimmi ataavartumik ilinniartinneqartarput. Maannakkut ’Historiebogi’, ukiuni nutaanerusuni peqatigiiffiup oqaluttuarisaaneranik ilisimasaqarnerulissutigisarput, sammivarput. Ilinniartitsineq tamanna pinngitsoorsinnaanngilarput.
5 Kiffartorneq pillugu ataatsimiinnermi oqaluussisartutut pikkorissarneqartarpugut. Assersuutigalugu, kiffartorneq pillugu ataatsimiinnerit ilaanni siunnersorneqarpugut qanoq ililluta Naalagaaffiup nutaarsiassaatai nr. 34 saqqummiussinnaaneripput. Suliniarneq annertooq tamanna Jehovap angingaartumik pilluaqqugaa erserpoq nunarsuaq tamakkerlugu inernertigut maluginiarnartutigut. (Naleqqiuguk Korintumiunut agdlagkat áipait 9:6, 7.) Piffissami tamatumani ataatsimiigiartartut qiimmassarneqarput immikkullu suliniarnermut uummatikkut iluunngarlutik tapersersuillutik.
6 Ilagiit atuakkamik atuaqqissaaqatigiinneranni piffissap sivikinnera eqqaasitsissutigineqartarpoq, ’Åbenbaringsbogi’ aqqutigalugu Biibilip oqaasiinik eqqaasinneqartarluta. Silarsuarmi pisartut sukkaqimmata sarĸúmersitat-ni siulittuutit itisuut eqquunnerisa paasinissaat pisariaqartipparput.
7 Ataatsimiinnerit pingaartilluinnakkit: Nunat ilarpassuini qatanngutit naalliuttut sapaatit-akunneri tamaasa katersuuttarnitik pingaartittorujussuuaat. Soorlu Burundimi, Rwandami, Liberiami aamma Bosnia-Hercegovinami ataatsimiigiartartut nutaat ima amerlatigipput oqaluussisartut amerlassusiata marloriaataat pingasoriaataalluunniit angumallugu. Taamaalilluni qatanngutivut ’anersaamik ataatsimik aalajangerfigisaqarnissaannik’ Jehovap ikiortarpai. — Fil. 1:27; Epr. 10:23-25.
8 Ataatsimiigianngitsoorneq ileqquliussimagaanni tamanna allanngortittariaqarpoq. (Uss. 4:9-12) Aalajaassinnaassagutta qatanngutinik inersimalluartunik katisimaqateqarneq pissarsiaqarnartoq pinngitsoorsinnaanngilarput, ataatsimiigiarluartarnikkullu tamanna pisinnaavarput. — Rûm. 1:11. (kmD 95/11 Gode mødevaner . . .)