Qanigisatit Biibilimik atuaqqissaaqatiserikkit
1 „Messias nanivarput,“ Andreas angornioqaluni qatanngutiminut Simon Peterimut taama oqarsimavoq. Nakimanngissusia kinguneqarluarpoq. Nuannaarutigisaanik Simon Peter sallusuissummik ilassinnippoq. (Juá. 1:41, 42) Taamatuttaaq Kornilius nuannaarsimavoq qanigisami tusarliussamik tusarnissaat taassuma isumagimmagu. (ap. sul. 10:24, 44) Illit taamatut angorniortigalutit qanigisatik Biibilimik atuaqqissaaqatiginissaannik neqeroorfiginikuuigit?
2 Siullermik qanigisatit qanittumi najugaqartut attaveqarfigilluakkatillu eqqarsaatigikkit. Atuagaq nutaaq Ilisarsineq inuunermut naassaanngitsumut sammisoq atorlugu atuaqqissaarnissamik neqeroorfiginissaannut periarfissarsiorit. Kapitalit qulequtaat takutikkit kapitalimillu soqutigisaannik toqqaasikkit. Pinerit tamaasa pisariitsumik sivikitsumillu iliortarit.
3 Qanigisavit soqutigisaat eqqumaffigikkit. Silarsuarmi pissutsit isumakuluutigaat? Biibimiluunniit eqqartorneqartunik aalajangersimasunik soqutigisaqarpat? Ungasissumi najugaqarpata immaqa sulinngiffeqarninni tikeraarsinnaavatit, sianerfigisinnaavatit allaffigisinnaavatilluunniit. Atuakkanik, atuagassianik atuagassiaaqqanillu soqutiginninnerulissutigisinnaasaannik sipaarnak tuniorartakkit.
4 Jyllandimi aappariit 1986-imi Biibilimik atuaqqissaartalersimapput. Qanigisaminnut oqaluussersuataartarput. Qinoqattaarujussuareerlutik iliuusissaminnillu nassaarniartareerlutik uiusup angajoqqaavi atuaqqissaaqatigisalerpaat. Ukiup affaata ingerlanerani angajoqqaavi sukataarlutik oqaluussisalerput. Ullumikkut ataataasoq pioneeriullunilu utoqqaanertaavoq. Angutip qatanngutaa angut, niviarsiarlu taassuma nalunngisaa, aamma Biibilimik atuaqqissaaqatigineqartalerput kuisillutillu. Tamakku tamarmik pipput aappariit qanigisaminnut atuaqqissaarnissamik neqeroormata.
5 Qularnanngitsumik tamatta qanigisatsinnut ilaanneeriarluta oqaluussisarpugut. Immaqa tusarumanngimmata unitsiinnarsimavavut. Nakkaannaqinalli. Juánase 7:5 naapertussagaanni Jesus qatanngutaasa upperiumanngeqqaarsimagaluarpaat, kisianni apustilit suliait 1:14-imi ima allassimasoqarpoq: ’[Apustilit] tamarmik qasusuillutik isumaqatigiillutik qinusartuarput, . . . taassumalu qatanngutai ilagalugit.’ Qanigisavut Biibilimik atuaqqissaaqatiginisaannik neqeroorfigisarutsigik sallusuissummik ilassinninnissaannut periarfississavavut. (kmD 95/11 Bibelstudium med dine slægtninge)