Biibilip naleqassusianik allat ilisimasaqalersikkit
1 Jesusip ajoqersukkani pisariaqagaannik isumassortarsimavai. Lúkarse 24:45-mi ima allassimavoq: ’Taava isumaat ammarpaa allakkat taakkununnga paasinarsisillugit.’ Nalunngilaa Ataatataminit iluarisaasinnaassasut aatsaat Guutip oqaasia, Biibili, atuartarunikku paasigunikkulu. (Tu. 1:1, 2) ’Inuit Jesusip peqqusaanik tamanik ajoqersorsinnaajumallugit’ Biibilimik atuaqqissaaqatigilernissaat anguniagaraarput. (Mat. 28:20) Tamanna eqqarsaatigalugu siunnersuutit matuma ataaniittut, pulaaqqiinitsinni atorsinnaasavut, sammeriartigik.
2 Kingullermik atuakkamit „Bibelen — Guds ord eller menneskers?“-imeersumik saqqummiussaqarsimaguit immaqa imatut ingerlaqqissinnaavutit:
◼ „Kingullermik maaniikkama oqaluuseraarput Biibili inuit akisinnaanngisaannut akissutissaqartoq. Assersuutigalugu, tassani nassuiarneqarpoq sooq silarsuarmi taama eqqissiviilliorneqartigalunilu sorsuttoqartartoq. Eqqarsaatiginikuuiuk nunarsuarmi pissutsit avaanngunartut ullumikkut takusinnaasavut Biibilimi toqqaannartumik siulittuutigineqarsimasut? [Pulaakkat akili. Taava quppernermi 136-mi immikkoortut 7 aamma 8 oqaloqatigiissutigisigik.] Immaqa tulliani aggeqqikkuma nalunaaqut alla siulittuutigineqarsimasoq oqaluuserisinnaavarput. [Qupperneq 138 immikoortut 11 aamma 12.]
3 Oqaloqatigisimasat Biibilimik soqutiginninnermik ersersitsisimasoq immaqa atuaqqissaaqatiginissaanik isumaqatigiissuteqarfigisinnaavat ima aallarniiguit:
◼ „Kikkut tamangajammik oqarumassapput silarsuarmi toqqissisimanartumi eqqissinartumilu inoorusussinnaallutik. Soorli kikkut tamarmik taamatut kissaateqaraluartut silarsuarmi taama eqqissiviilliorneqartigalunilu nakuuserneqartigaa? [Pulaakkat akili.] Ny Verden-Oversættelsen-imi takutinneqarpoq Biibilimi sumi apeqqummut tamatumununnga akissutissaqartoq.“ Qupperneq 1657 qupperuk „Bibelske samtaleemner“-imik qulequtalik erseqqissarlugulu immikkoortoq 31A: „Hvem er ansvarlig for ondskaben i verden?“ Korintumiunut agdlagkat áipait atuaruk oqaluttuaralugulu Guutip Diaavulu suujunnaarsikkumaaraa eqqissinerlu pilluarnerlu ataavartut pilersikkumaarai. Taava sarĸúmersitat 21:3, 4 atuaruk. Naggataatigut ima oqarsinnaavutit: „Tulliani aggeqqikkuma allassimaffinnik, sooq silarsuarmik oqimaatsunik ajornartorsiorfiunngitsumik qilanaarisaqarsinnaanitsinnut tunngavissiisunik, takutikkumaarpakkit.“
4 Bibilimik atuaqqissaaqatigiinnissaq toqqaannartumik neqeroorutigisimagukku neqeroorfigisallu angersimappat, pulaaqqikkukku ima aallarniisinnaavutit:
◼ „Kingullermik oqaloqatigiissutigaarput sooq Biibilimik atuarneq iluaqutaasartoq. Biibili iserfigilluaraanni paasinarsisarpoq Guutip uagutsinnut suna piareersimatikkaa. [Juánase 17:3 atuaruk.] Biibilimik atuaqqissaaqatigiittarnermik aaqqissuussisimavugut, inuillu tuusintilikkuutaat aaqqissuussinermik tamatuminnga malinninnermikkut Guutip neriorsuutai taassuminngalu nuannaartitsisinnaassagutta qanoq iliortariaqarnerput paasisimavaat.“ ’Ilisarsinerup’ kapitaliisa allattorsimaffiat takutiguk qanorlu Biibilimik atuaqqissaaqatigiittoqartartoq takutillugu.
5 Inunnut eqqortumik isumalinnut iliuuserisinnaasarput pitsaanerpaaq tassa Guutip oqaasiata, Biibilip, naleqassusianik piviusumik paasitinnissaat. Ilisimassut Biibilimik atuaqqissaarnermikkut pissarsiarisinnaasaat taakkununnga tassaasinnaavoq ’orpik inuunartoq’. Assut pillualissutigissavat. — Uss. 3:18. (kmD Gør andre bekendt . . .)